قصہ جس میں شہد میں ایک بال دیکھ کر خلفاء اربعہ رضی اللہ عنہم نے اس کی مثال بیان کی، یہ مہمل قصہ ہے۔

”۔۔۔ اول  ہی  میں  آپ  نے [یعنی  ایک  واعظ  نے ] ایک  قصہ  نقل  کیا  کہ  ایک  دن چاروں صحابہ رضی اللہ عنہم حضرت علی کرم اللہ وجہہ کے یہاں جمع ہو گئے، حضرت علی r دعوت کے واسطے ہدیہ کے طور پر گھر میں سے شہد لائے، اس شہد میں ایک بال پڑا ہوا تھا، چاروں صحابہ رضی اللہ عنہم نے ایک دوسرے سے کہا کہ یہ جو بال ہے اس کی کوئی مثال سوچو،یہ کس چیز کی مثال ہے، چنانچہ کسی نے کچھ مثال دی کسی نے کچھ مثال پیش کی، اب مجھے کو [كذا في الأصل] یاد نہیں کہ یہ مثال کس نے دی، غلط مضامین کیا یاد رہتے، کسی نےکہا مومن کی فلاں حالت کے مشابہ ہے کسی   نے   کہا   فلاں  حالت  کے   مشابہ  ہے۔

میں نے کہا،جب وعظ ختم کر چکے کہ اچھا یہ تو بتاؤ یہ قصہ جو تم نے نقل کیا وہ کون سی کتاب میں ہے: میری کتاب میں ہے یا مولانا محمد قاسم  صاحب l کی کتاب میں ہے؟ کہنے لگے یہ تو یاد نہیں رہا کہ کس کتاب میں ہے، مگر ہاں دیکھا ہے کہیں، میں نے کہا یہ آپ کی احتیاط ہے کہ ایسا مہمل قصہ جو کسی اہلِ حق کی کتاب میں نہیں ہے، اس کو بیان کر دیا، اب تو سمجھ گئے کہ تم کووعظ کہنے کی اجازت نہیں دی جا سکتی، مگر حضرت،انہوں نے نہیں مانا، برا بروعظ کہتے ہیں، تو گوارا کر لیا کہ مجھ سے تعلق نہیں رکھا، اور یہ گوارا نہ ہو سکا کہ  وعظ  کہنا  چھوڑ  دیں ۔۔۔“[1]۔