کتاب ”شرح محمدی “ میں موجود دفعِ وبا کے اس عمل کی کوئی اصل نہیں ہے۔

سوال (۵۷۲)  ۔۔۔ کتاب  ”شرح محمدی “ میں جو کتاب فقہ کی اردو میں منظوم ہے اس میں ایسا طریقہ لکھا ہے، اگر یہ جائز ہے، اور رائے عالی مناسب معلوم ہوتا ہے اس کو بھی پورے طور سے حامل عريضہ کو بتلا دیویں، خادموں پر احسان بے  اندازہ  ہو گا : نقل  از  کتاب ”شرح  محمدی “    اشعار:

حق وبا سے   اس   کو   رکھتا   ہے   بچا                جو  کرے   ترتیب   ایسی   بر ملا

شہر   کے   چاروں   طرف   گائیں   حلال        وہ   کرے   دل   سے   نیاز   ذوالجلال

صاف  کر  پھر  اس  کی  بھونے  بوٹیاں                  کھاویں   تکہ   یک   یک   اس   کا   مومناں

بعد   اس   کے   لیویں   پھر   قرآن   کو        جمع   ہو   کر   مومناں   پاکیزہ   خو

نیچے   سے  اس   کے  وہ  نکلیں  سات  بار          منہ  طرف   کعبہ   کی  رکھیں   آشکار

پھر   پڑھے  بعد  اس  کے  دو  رکعت  نماز        اور  اذاں  دیں  سات  با عجز  ونیاز

کہتے   ہیں   دیویں   اذاں  سب  سات  روز          سات  بار  ہر  روز  اے  گِیتی  فروز

ہے  یہ  تاثیرِ  اذاں  اے  مومناں       اس  سے  ہوتے  ہیں  گریزاں  جنبیاں۔

الجواب: ”۔۔۔     جو  عمل  آپ  نے  ”شرح  محمدی “ سےنقل   کیا،     اس   کی   کوئی اصل  نہیں  ۔۔۔“[1]۔