روایت: ’’رسول اللہ ﷺ نے ارشاد فرمایا: جو شخص اس درود شریف کو سات جمعے پڑھے، اور ہر جمعہ میں سات مرتبہ پڑھے، تو اس کےلئے میری شفاعت واجب ہوگی: ’’اللهم صل على محمد وعلى آل محمد صلاة تكون لك رضاء، ولحقه أداء، وأعطه الوسيلة، وابعثه مقام المحمود الذي وعدته، وأجزه عنا ما هو أهله، وأجزه أفضل ما جزيت نبيا عن أمته، وصل على جميع إخوانه من النبيين والصالحين، يا أرحم الراحمين!‘‘۔

زیر بحث روایت علامہ ابو طالب مکی l رحمہ اللہ نے’’قوت القلوب‘‘[1] میں بلا سند ان الفاظ سے ذکر کی ہے:

’’اللهم صل على محمد وعلى آل محمد صلاة تكون لك رضاء ولحقه أداء، وأعطه الوسيلة، وابعثه مقام المحمود الذي وعدته، وأجزه عنا ما هو أهله، وأجزه أفضل ما جزيت نبيا عن أمته، وصل على جميع إخوانه من النبيين والصالحين، يا أرحم الراحمين! تقول: هذا سبع مرات، ففي هذا فضل عظيم، ويقال: من قاله سبع جمع في كل جمعة سبع مرات، وجبت له شفاعة رسول الله صلى الله عليه وسلم‘‘.

ترجمہ: ’’اللهم صل على محمد وعلى آل محمد صلاة تكون لك رضاء ولحقه أداء، وأعطه الوسيلة، وابعثه مقام المحمود الذي وعدته، وأجزه عنا ما هو أهله، وأجزه أفضل ما جزيت نبيا عن أمته، وصل على جميع إخوانه من النبيين والصالحين، يا أرحم الراحمين!‘‘، آپ اس درود کو سات مرتبہ پڑھیں، اس کی بڑی فضیلت ہے، اور کہا گیا ہےجو شخص  اس درود شریف کو سات جمعے پڑھے اور ہر جمعہ میں سات مرتبہ پڑھے، تو اس کےلئے رسول اللہ ﷺ کی شفاعت واجب ہوگی۔

زیر بحث روایت امام ابو حامد غزالی l رحمہ اللہ نے’’إحياء‘‘[2]میں اور امام ابو حامد غزالی l رحمہ اللہ کے حوالہ سے علامہ عبد الرحمن صفوری l رحمہ اللہ نے’’نزهة المجالس‘‘[3] میں بلا سند ذکر کی ہے، نیز حافظ سخاوی l رحمہ اللہ نے ’’القول البديع‘‘[4] میں اور حافظ سخاوی l رحمہ اللہ کے حوالہ سے علامہ  یوسف بن اسماعیل نبہانیl رحمہ اللہ نے ’’سعادة الدارين‘‘[5] میں بلا سند ذکر کی ہے، اور علامہ ابو بکر عثمان بن محمد شطا دمیاطی ثم مکیl رحمہ اللہ نے ’’إعانة الطالبين‘‘[6] میں بلا سند ذکر کی ہے۔

حافظ سخاویl رحمہ اللہ ’’القول البديع‘‘[7] میں زیر بحث روایت نقل کرنے سے پہلے فرماتے ہیں:

’’وروى ابن أبي عاصم في بعض تصانيفه بسند لم أقف عليه عن ... [كذا في الأصل] مرفوعا‘‘. ابن ابی عاصمl رحمہ اللہ نے اپنی بعض تصنیفات میں ایسی سند سے روایت کیا ہے، جس پر میں واقف نہیں ہوسکا ہوں۔۔۔ مرفوع ہے۔

اس کے بعد حافظ سخاویl رحمہ اللہ نے زیر بحث روایت ذکر کی ہے۔

حافظ سیوطیl رحمہ اللہ نے’’الحرز المنيع‘‘[8] میں حافظ سخاویl رحمہ اللہ کے قول پر اعتماد کیا ہے۔

علامہ مرتضی زبیدی l رحمہ اللہ ’’إتحاف‘‘[9] میں زیر بحث روایت ذکر کرنے کے بعد فرماتے ہیں:

’’هكذا نقله صاحب القوت، وتبعه المصنف، ونقل عنهما شارح الدلائل هذه الفضيلة، وذكر عن غير واحد هذه الصيغه فيما يقال بعد عصر يوم الجمعه، مع تخالف في بعض الألفاظ، ثم إن قول المصنف: فقد قيل، وقول صاحب القوت: يقال، يدلان على أن هذا منقول عن بعض السلف، وفي القول البديع للحافظ السخاوي: إنه رواه ابن أبي عاصم في كتاب الصلاه على النبي صلى الله عليه وسلم مرفوعا إلى النبي صلى الله عليه وسلم‘‘.

اسی طرح اسے صاحبِ ’’قوت‘‘نے نقل کیا ہے، اور مصنف (یعنی امام غزالی l رحمہ اللہ ) نے ان کی اتباع کی ہے، اور اِن دونوں سے ’’دلائل‘‘کے شارح نے یہ فضیلت نقل کی ہے، اور ایک سے زائد سے یہ صیغہ ذکر کیا گیا ہے، جو جمعہ کے دن عصر کے بعد پڑھا جاتا ہے، بعض الفاظ کے اختلاف کے ساتھ[10]، پھر مصنف (یعنی امام غزالی l رحمہ اللہ ) کا قول: ’’فقد قیل‘‘، اور صاحبِ ’’قوت‘‘ کا قول: ’’یقال‘‘ یہ دونوں اس بات پر دلالت کرتے ہیں کہ یہ فضیلت بعض سلف سے منقول ہے، اور حافظ سخاوی l رحمہ اللہ کی ’’القول البدیع‘‘میں ہے: اسے ابن ابی عاصم l رحمہ اللہ نے کتاب: ’’الصلاۃ علی النبی علی اللہ علیہ وسلم‘‘میں مرفوعاً نبی ﷺ سے روایت کیا ہے۔

حافظ ابن ابی عاصم l رحمہ اللہ کی مطبوع کتاب ’’الصلاۃ علی النبی صلی اللہ علیہ وسلم‘‘[11] میں یہ روایت نہیں ملی، واللہ اعلم۔