روایت: ’’دنیا مردار ہے اور اس کے چاہنے والے کتے ہیں‘‘۔

محدثین کرامl نے جس طرح آنحضر ت ﷺ کے ہر گوشۂ حیات کو محفوظ رکھا ہے، اسی طرح آپ ﷺ کے جانثار صحابہp کے اقوال وافعال کو ہر رطب ویابس سے صاف رکھا ہے، یہی وجہ ہے کہ صحابہ pکا قول وفعل بھی شریعت کا حصہ ہے، لیکن یہاں ایک انتہائی نازک اور حساس پہلو یہ ہے کہ صحابہp کے اقوال، آپﷺ کے ارشادات سے ممتاز رہیں،تاکہ مسائل کے استنباط اور دیگر شرعی امور میں التباس واقع نہ ہو، چنانچہ محدثینِ کرام اور فقہائے عظام نے ان نصوصِ شریعت کو ہمیشہ خلط ہونے سے محفوظ رکھا ہے،اسی طرح اقوال سلف بھی اسلامی تاریخ کا ایک مستند اور قابلِ فخرذخیرہ ہے، انہیں بھی علمائے امت نے امتیازی شان کے ساتھ زینت بخشی ہے،چنانچہ جہاں کہیں بھی ارشاداتِ صحابہp یااقوالِ سلف کو آپ ﷺ کے فرامین کے ساتھ خلط کیا گیا ہے، محدثینِ کرام نے ان روایات کا تعاقب فرمایا ہے، کتب مشتہرات (زبان زد عام روایات پر مشتمل کتب)میں علمائے کرامl کی ان خدمات کا بخوبی مشاہدہ کیا جاسکتا ہے۔

اسی فریضے کے پیشِ نظر ذیل میں ایک ایسی ہی مشہورروایت پیش کی جائے گی، جس کے الفاظ آپ سے ثابت نہیں ہیں،ایسی روایت کا حکم محدثین کرام کے نزدیک یہ ہے کہ اسے آپ کی جانب منسوب نہیں کیا جائے؛ کیونکہ آپ ﷺ کی جانب صرف ایسا کلام ہی منسوب ہو سکتا ہے،جو معتبر سند سے ثابت ہو،البتہ اس روایت کے معنی پر مشتمل دیگر مرفوع (آپ ﷺ کا قول) اور موقوف (صحابی کا قول) روایات ثابت ہیں (تفصیل آگے آئے گی)۔

دورانِ تحقیق لفظ ِمرفوع اور لفظِ موقوف کثرت سے استعمال ہوگا،اس لئے ذَیل میں ان اصطلاحات کی عام فہم تعریف لکھی جائے گی۔

حا فظ ابن الصلاح lاپنے ’’مقدّمة‘‘ میں[1]  حدیثِ مرفوع اور حدیثِ موقوف کی تعریف ان لفظوں سےکی ہے۔

’’وهو ما أضِیْفَ إلى رسولِ اﷲ صلى الله عليه وسلم خَاصّةً‘‘.

جو بات(قول، فعل، تقریر) خاص آپ ﷺ کے انتساب سے بیان کی جائے، وہ مرفوع ہے۔

’’وهو ما یُرْوَى عن الصحابة رضي اﷲ عنهم مِنْ أفعالِهم وأقوالِهم ونحوِها...‘‘.

اور صحابیr سے منقول اقوال اور افعال وغیرہ موقوف کہلاتے ہیں۔۔۔‘‘۔