روایت: حضرت سلمانr رضی اللہ عنہ کو آپ ﷺ کا ترتیب وار چالیس احادیث بیان کرنا ،اور انہیں یاد کرنے پرانبیاء و علماء کے ساتھ حشر کی فضیلت۔

حافظ ذہبی l رحمہ اللہ  ’’میزان الاعتدال‘‘[1] میں ابوالقاسم زید بن عبداللہ بن مسعود ہاشمی کے ترجمہ میں تحریر فرماتے ہیں:

’’اتُّهم بوضع أربعين في الآداب، قاله النَبَاتي.

قلت: هو أبو الخير بن رِفاعة لا صبَّحه الله بخير، سمع منه تلك الأربعين الباطلة أبو الفتح سلم بن أيوب الرازي بالرَي بعد الأربع مائة، وروى أبو الموفق محمد بن محمد النيسابوري، عن زيد بن عبدالله بن محمد الزاهد، شيخ البَلُّوطِيّين، حدثنا إبراهيم بن حاتم التُسْتَرِي، حدثنا علي بن الحسين بن إسحاق، حدثنا أبي، حدثنا محمد بن إبراهيم الشامي، عن محمد بن يوسف الفريابي، عن الثوري، عن ليث، عن مجاهد، عن سلمان، قال: سألت رسول الله صلى الله عليه وسلم عن الأربعين حديثا، فقال: من حفظها على أمتي دخل الجنة، وحشر مع الأنبياء والعلماء، فقلت: يا رسول الله! أي الأحاديث هي؟ قال: أن تؤمن بالله واليوم الآخر والملائكة والكتاب والنبيين، والبعث، والحساب، والموقف، والشفاعة، والقدر، والوتر كل ليلة، ولا تَعُقُّ والديك... [كذا في الأصل] إلى أن قال: ولا تقل للقصير، يا قصير! وسرد ما بقى، وهذا كذب‘‘ .

’’یہ شخص ’’آداب ‘‘میں چہل حدیث گھڑنے میں متہم ہے، نَبَاتی l رحمہ اللہ  نے اسی طرح کہا ہے،( حافظ ذہبی l رحمہ اللہ  مزیدفرماتے ہیں) میں کہتاہوں کہ وہ ابو الخیر بن رفاعہ ہے، اللہ اس کی صبح بخیر نہ کر، اس سے ابو الفتح سلم بن ایوب رازی نے رَی میں چار سو ہجری کے بعد ان چالیس باطل روایات کی سماعت کی ہے۔۔۔‘‘۔

حضرت سلمان r رضی اللہ عنہ  کہتے ہیں کہ میں نے حضور ﷺ سے پوچھا کہ وہ چالیس حدیثیں جن کے بارے میں یہ کہا ہے کہ جو ان کو یاد کرے جنت میں داخل ہوگا ، وہ کیا ہیں؟ حضور اکرم ﷺ نے ارشاد فرمایا: تو اللہ پر ایمان لا، اور آخرت کے دن پر ،اور فرشتوں کے وجود پر ، اور کتابوں پر،اور تمام انبیاء E علیہ الصلاۃ والسلام  پر،اور مرنے کے بعد دوبارہ زندگی پر، اور حساب پر، اور اللہ کے رُو برو کھڑے ہونے پر، اور شفاعت پر، اور تقدیر پر، اور ہر رات نماز وتر پڑھ، اور والدین کی نافرمانی نہ کر۔۔۔ کسی پستہ قد کو، ارے ٹھگنے!مت کہہ، اس کے بعد بھی چیزیں ذکر فرمائیں۔

(حافظ ذہبی l رحمہ اللہ  فرماتے ہیں) یہ جھوٹ ہے۔

حافظ ابن حجر عسقلانی l رحمہ اللہ  نے ’’لسان الميزان‘‘[2] میں بلا تعاقب حافظ ذہبی l رحمہ اللہ  کے قول پراکتفاء کیا ہے۔

حافظ خطیب بغدادی l رحمہ اللہ  فرماتے ہیں: ’’کان کذابا ‘‘ [3]. یہ جھوٹا تھا۔

حافظ خطیب بغدادی l رحمہ اللہ  مزید فرماتے ہیں : ’’سمعت أباالقاسم هبة الله بن الحسن الطَبَرِي ذكر زيد بن رِفاعة، فقال: رأيته بالري، وأساء القول فيه‘‘ .

میں نے ابوالقاسم ہبۃ اللہ بن حسن طَبَرِی سے سنا ہے زید بن رِفاعہ کا ذکرکرتے ہوئے کہا کہ میں نے اس کو رَی میں دیکھا ہے، اور پھر اس کے بارے میں انھوں نے بُرا قول اختیار کیا۔

حافظ خطیب بغدادی l رحمہ اللہ  ہی لکھتے ہیں: ’’سمعت القاضي أبا القاسم التَنُوخِي ذكر زيد بن رِفاعة، فقال: أعرفه، وكان يتولى العمالة لمحمد بن عمر العَلَوِي على بعض النواحي، ولم نعرفه بشيء من العلم ولا سماع الحديث، وكان يذكر لنا عنه أنه يذهب مذهب الفلاسفة، قلت له: أكان هاشميا؟ فقال معاذ الله! ما عرفناه بذلك قط أو كما قال‘‘ .

     میں نے قاضی ابوالقاسم تَنُوخِی سے زید بن رِفاعہ کے تذکرہ میں سنا کہ میں اسے جانتا ہوں ،یہ ایک جگہ محمد بن عمر عَلَوِی کے مزدوروں کا متولی تھا، اور ہم نے اس میں ذرہ برابر علم و سماعِ حدیث کو نہیں جانا ، اور اس کے بارے میں ہمیں ذکر کیا جاتا ہے کہ یہ فلاسفہ کا مذہب رکھتا تھا، (خطیب بغدادی l رحمہ اللہ  فرماتے ہیں کہ) میں نے ابو القاسم تَنُوخِی سے کہا کہ کیا وہ ہاشمی تھا؟ تو ابو القاسم تَنُوخِی نے جواب میں کہا کہ ہم نے کبھی بھی اسے ہاشمی ہونے کی حیثیت سے نہیں پہچانا، یا اس جیسی بات ابو القاسم نے کہی ۔

حافظ ذہبی l رحمہ اللہ  فرماتے ہیں:

’’اتُّهم بوضع أربعين في الآداب‘‘.یہ ’’آداب‘‘میں چہل حدیث گھڑنے میں متہم ہے۔

حافظ ذہبی l رحمہ اللہ  ایک دوسرے مقام پر فرماتے ہیں:

 ’’أبو الخير معروف بوضع الحديث على فلسفة فيه، أخذ عن ابن دُرَيْد وابن الأنباري، قال الخطيب: كذاب، وقال اللاَّلِكَائي: رأيته بالرَي، قلت: له أربعون موضوعة، سرقها منه ابن وَدْعَان‘‘[4].

ابو الخیر وضع حدیث میں معروف ہے، اور ساتھ ساتھ فلسفی بھی ہے،ابن دُرَیْد اور ابن انباری سے اس نے روایات لی ہیں، خطیبl رحمہ اللہ  فرماتے ہیں: یہ کذاب ہے، لَالِکَائی l رحمہ اللہ  فرماتے ہیں: میں نے اسے رَی میں دیکھا ہے، میں (حافظ ذہبیl رحمہ اللہ  )کہتاہوں: اس نے چالیس حدیثیں گھڑی ہوئی ہیں،جن احادیث کو اس سے ابن وَدْعَان نے سرقہ کیا ہے۔

حافظ ذہبی l رحمہ اللہ  ایک تیسرے مقام پر محمد بن علی بن وَدْعَان کے ترجمہ کے تحت فرماتے ہیں:

’’وابن رِفاعة وضعها أيضا، ولفق كلمات من رقائق الحكماء ومن قول لقمان‘‘[5]. ابن رِفاعہ نے بھی چہل حدیث کو گھڑا ہے، اوراس نے حکماء کی باریک باتوں نیز حضرت لقمان کے اقوال سے کلمات لے کر احادیث کے ساتھ جوڑدیا ہے ۔

حافظ عقیلی l رحمہ اللہ  ’’ضعفاء الکبیر‘‘ [8] میں امام بخاری l رحمہ اللہ  کا قول نقل فرماتے ہیں: ’’عن نهشل، ولا يصح حديثه‘‘ . یہ نہشل سے حدیث نقل کرتا ہے، اس کی حدیث صحیح نہیں ہے ۔

حافظ ابن عدی l رحمہ اللہ  فرماتے ہیں:

’’وهذه الأحاديث التي ذكرتها لسعد بن سعيد، عن الثوري وعن غيره مما ينفرد فيها سعد عنهم، وقد صحب سعد الثوري بجرجان في بلده، روى عنه غرائب، وسأله عن مسائل كثيرة، فتلك المسائل معروفة عنه، ولسعد غير ما ذكرت من الحديث غرائب وأفراد غريبة تروى عنهم، وكان رجلا صالحا، ولم تؤت أحاديثه التي لم يتابع عليها من تعمد منه فيها، أو ضعف في نفسه ورواياته، إلا لغفلة كانت تدخل عليه، وهكذا الصالحين [كذا فيه] .

 ولم أر للمتقدمين فيه كلاما لأنهم كانوا غافلين عنه، وهو من أهل بلدنا، ونحن أعرف به‘‘[9].

اور یہ احادیث جن کو میں نے سعد بن سعید عن الثوری وعن غیرہ کے طریق سے ذکر کیا ہے، یہ ان احادیث میں سے ہیں جن میں سعد ان لوگوں سے روایت لینے میں متفرد ہے، اور سعد نے ثوری کی اپنے شہر جرجان میں مصاحبت اختیار کی ہے، اور ان سے غرائب نقل کی ہیں، اور ان سے بہت سارے مسائل پوچھے ہیں، اور یہ مسائل ان سے معروف ہیں، اور جو میں نے غریب حدیثیں ذکر کی ہیں ، ان کے علاوہ بھی سعد کی غریب حدیثیں افراد غریبہ ہیں جو ان محدثین سے روایت کی جاتی ہیں، اور وہ نیک آدمی تھا، اس کی جن حدیثوں میں کسی دوسرے نے ان کی متابعت نہیں کی ہے، نہ تو یہ جان بوجھ کر اسے لائے ہیں، اور نہ ان میں اور ان کی روایات میں ضعف ہے، اس کی وجہ صرف غفلت ہے، جو ان میں داخل تھی، اور صالحین اسی طرح ہوتے ہیں ۔

اور میں نے اس کے بارے میں متقدمین کا کوئی کلام نہیں دیکھا، کیونکہ کہ وہ اس سے غافل تھے، اور وہ ہمارے شہر والوں میں سے ہے، ہم اس کو زیادہ جانتے ہیں۔

حافظ ذہبی l رحمہ اللہ  نے ’’میزان الاعتدال‘‘[10]  میں اور حافظ ابن حجر عسقلانی l رحمہ اللہ  نے ’’لسان المیزان‘‘[11] میں حافظ ابن عدی کے کلام پر اکتفاء کیا ہے ۔

نیز حافظ ذہبی l رحمہ اللہ  ’’میزان الاعتدال ‘‘ [12] میں سعد بن سعید جرجانی کے ترجمہ میں حافظ ابن عدی l رحمہ اللہ  کی تخریج کردہ روایت : ’’أيها الشاب التارك ...‘‘ . بطریق سعد بن سعید جرجانی عن ثوری بہ نقل کرکے فرماتے ہیں: ’’فهذا موضوع على سفيان ‘‘ .یہ حدیث سفیان پر گھڑی گئی ہے۔

اسی سعد بن سعید جرجانی کے بارے میں حافظ ابن حجر l رحمہ اللہ  نے حافظ عقیلی l رحمہ اللہ  کا کلام نقل کیا ہے، اور یہ بھی کہا ہے: ’’وذكره أبو نعيم في رجال يُعْدَل عن تفردهم وقلة إتقانهم ‘‘[13]. ابو نعیم l رحمہ اللہ  نے انہیں ان لوگوں میں شمار کیا ہے جن سے ان کے تفرد اور اتقان کی کمی کی بناء پر انحراف کیا جاتا ہے۔