روایت: ”جس نے اپنے آپ کو پہچانا اس نے اپنے پروردگار کو پہچان لیا“، آپ ﷺ سے ان الفاظ سے ثابت نہیں، البتہ اس کا معنی صحیح ہے۔

{من عرف نفسه فقد عرف ربه}. [جس نے اپنے آپ کو پہچانا اس نے اپنے پروردگار کو پہچان لیا ] روایت  کیا   اس  کو  دیلمی l نے مرفوعاً ان الفاظ سے: {إذا عرف نفسه عرف ربه}. اسی  طرح  ہے     ”کنوز  الحقائق“ میں۔

مؤ لفِ  تشرف [حضرت تھانوی l]  کہتا  ہے  کہ  ”مقاصد“   میں  ابو  ا لمظفر  بن  سمعان [اصل میں اسی طرح ہے اورصحیح سمعانی ہے ]   کا  قول  اس  حدیث  کی  نسبت نقل  کیا  ہے : {إنه لا یعرف  مرفوعا، و إنما  یحکى عن یحیی  بن معاذ، یعني من  قوله}. [یہ روایت  آپ  ﷺ کی نسبت سے معروف نہیں ہے، بلکہ یحیی بن معاذ کے اقوال میں سے ہے] اور  نووی l کا  قول  نقل  کیا  ہے: {إنه  لیس بثابت، والله  أعلم}. [یہ ثابت نہیں ہے]   مگر باوجود  غیر  ثابت  کہنے  کے،  اس  کے  معنی  کو اس  تاویل  سے  صحیح  کیا  ہے : {من  عرف  نفسه بالحدوث  عرف ربه  بالقدوم، ومن عرف نفسه بالغناء [کذا فيه والصحیح بالفناء] عرف ربه بالبقاء}اھ[1]۔