روایت: ”قلب خانۂ خدا ہے“، لفظا ً اس کی کوئی اصل نہیں، البتہ اس کے قریب المعنیٰ ایک دوسری روایت ثابت ہے۔

حدیث  : ”قلب خانۂ خدا ہے“۔  [حافظ سخاوی  l فرماتے ہیں ] مرفوع میں اس کی کوئی اصل نہیں ۔ میں [حضرت تھانوی l] کہتا ہوں مطلب یہ ہے کہ لفظا ً اس کی کوئی اصل نہیں، کیونکہ ”مقاصد“ کے حرف میم، ما وسعني سمائي إلخ  کی تحقیق میں یہ مضمون ہے کہ طبرانی l نے ابو عتبہ [اصل میں اسی طرح ہے البتہ المقاصد الحسنہ کے دستیاب نسخے میں عنبہ ہے] خولانی l سے مرفوعاً روایت کیا ہے کہ ”اہلِ ارض میں اللہ تعالیٰ کے بہت ظروف ہیں، اور تمہارے رب کے ظروف اس کے صالح بندوں کے قلوب ہیں،اور ان سب میں اس کو زیادہ  محبوب  وہ  قلوب  ہیں  جو  سب  میں  زیادہ  نرم  اور  رفیق  ہوں“۔

[حافظ سخاوی l مزیدفرماتے ہیں ] اور اس کی سند میں بقیہ بن ولید ہے
جو مدلس ہے،لیکن اس نے حدثنی یا حدثنا صریحاً  کہا ہے (پھر تدلیس مضر نہیں )۔نیز میں [حضرت تھانوی l]  کہتا ہوں کہ ظروف اور خانہ دونوں معنی قریب قریب ہیں اور دونوں میں ذکر یا محبت وغیرہ مقدر کیا جا ئے گا (یعنی بیت محبۃ الرب وآنیۃ محبۃ اللہ ) کیونکہ اللہ تعالیٰ اس سے بالاتر ہے کہ وہ کسی شے  میں  حلول  فرمائے،  اور  اس  پر  محمول  کیا  جائے   گا   بعض   عشاق   کا  یہ  قول:

؎   بر تو حسنت الخ

یا  اور کوئی قول جس میں انہوں نے کہیں ارض اللہ، کہیں محل تجلی،کہیں اس کا ہم معنی  کہہ  دیا  ہے[1]۔