غیر معتبر روایات کا فنی جائزہ (حصہ ہشتم)

روایت: جو شخص اس طرح درود شریف پڑھے گا، آپﷺ اس کی شفاعت فرمائیں گے، اور اسے، اس کے والدین، عزیز واقارب اور اس کے دوست احباب کو رتبۂ شفاعت عطافرمائیں گے: ’’اللّهم صل على محمد وتقبل شفاعته الكبرى، وارفع درجته العليا، وآته سؤله في الآخرة والأولى كما آتيت إبراهيم وموسى‘‘.

تحقیق و نظرِ ثانی: مفتی طارق امیر خان صاحب

حکم: زیر بحث درود پاک اور اس کی مذکورہ فضیلت سنداً آپﷺکے ارشادات میں نہیں ملتی، اس لئے اسے رسول اللہﷺ کی جانب منسوب کرنا درست نہیں ہے، تاہم زیرِ بحث درود پاک کے فقط الفاظ کو حضرت ابن عباس رضی اللہ عنہما کی جانب منسوب کرنا درست ہے، واللہ اعلم۔

تحقیق کی تفصیل

روایت پر ائمہ کا کلام

حافظ ابن حجر ہیتمی l’’الدر المنضود‘‘[7] میں فرماتے ہیں:

’’وصح عن ابن عباس رضي الله تعالى عنهما، أنه كان يقول في صلاته: اللهم تقبل شفاعة محمد الكبرى، وارفع درجته العليا، وأعطه سؤله في الآخرة والأولى، كما آتيت إبراهيم وموسى‘‘.

ایک صحیح روایت میں ابن عباس رضی اللہ عنہما سے منقول ہے کہ وہ اپنے درود میں فرمایا کرتے تھے: اے اللہ! محمدﷺ کی شفاعت کبری قبول فرما، اور ان کے بلند درجہ کو رفعت عطا فرما، اور ان کا دنیا وآخرت میں سوال پورا فرما، جیسا کہ آپ نے ابراہیم علیہ السلام اور موسی علیہ السلام کو عطا کیا۔

زیر بحث درود پاک اور اس کی مذکورہ فضیلت سنداً آپﷺ کے ارشادات میں نہیں ملتی، اس لئے اسے رسول اللہﷺ کی جانب منسوب کرنا درست نہیں ہے۔

تاہم زیرِ بحث درود پاک کے فقط الفاظ کو حضرت ابن عباس  رضی اللہ عنہما  کی جانب منسوب کرنا درست ہے، واللہ اعلم۔ 

حوالہ جات

[1]  المصنف:2/211،رقم:3104،ت:حبيب الرحمن الأعظمي،المكتب الإسلامي ـ  بيروت،الطبعة الأولى1390هـ .

[2]  فضل الصلوة على النبي:ص:۱۲۲،ت:محمد عوامة،دار المنهاج،جدة،الطبعة الثالثة1432هـ .

[3]  كتاب التوحيد:ص:900،رقم:611،ت:عبد العزيز بن إبراهيم الشهوان،مكتبة الرشد ـ الرياض،الطبعة السادسة1418هـ .

[4]  الإعلام بفضل الصلاة على النبي والسلام:ص:59،رقم:104و105،ت:حسين محمد علي شكري،دار الكتب العلمية ـ بيروت،الطبعة الأولى2009 ء.

[5] تفسير ابن كثير:6/470،ت:سامي بن محمد السلامة،دار طيبة ـ الرياض،الطبعة الثانية1420هـ .

[6] القول البديع في الصلاة على الحبيب الشفيع:ص:۱۲۲،ت:محمد عوامة،دار اليسر ـ المدينة المنورة،الطبعة الثالثة 1432هـ .

[7]  الدر المنضود:ص:94،ت:بو جمعة عبد القادر مكري ومحمد شادي مصطفى عربش،دار المنهاج ـ بيروت،الطبعة الأولى۱۴۲۶هـ .

[8]  شرح الشفاء:2/132،ت:عبد الله محمد الخليلي،دار الكتب العلمية ـ  بيروت،الطبعة الأولى۱۴۲۱هـ .