روایت: ’’ الصلاة تسود وجه الشيطان‘‘. نماز شیطان کا منہ کالا کرتی ہے۔
حکم: شدید ضعیف، بیان نہیں کر سکتے۔
تحقیق کی تفصیل
حا فظ ابن حجر عسقلانی رحمہ اللہ ’’الغرائب الملتقطة‘‘[1] میں فرماتے ہیں:
’’ قال: حدثنا عبدوس، حدثنا علي بن إبراهيم البزاز، حدثنا محمد بن يحيى، حدثنا عبد الله بن محمد بن وهب، حدثنا إسماعيل بن توبة، حدثنا زافر بن سليمان، عن ثابت (الثمالي)، عن أبي عبد الله الصنعاني، عن عطاء، عن عبد الله بن عمر رضي الله عنه، قال: قال رسول الله صلى الله عليه وسلم: الصلاة تسود وجه الشيطان، والصدقة تكسر ظهره، والتحابب في الله والتودد في العمل يقطع دابره، وإذا فعلتم ذلك تباعد منكم كمطلع الشمس من مغربها‘‘.
عبد اللہ بن عمر رضی اللہ عنہما فرماتے ہیں کہ رسول اللہ ﷺ نے فرمایا: نماز شیطان کا منہ کالا کرتی ہے، اور صدقہ اس کی کمر توڑتا ہے، آپس میں اللہ تعالی کےلئے محبت کرنا اور عمل میں شوق ورغبت کا ہونا شیطان کی بیخ کنی کردیتا ہے، اور جب تم یہ اعمال کرو گے تو شیطان تم سے مشرق ومغرب کے درمیان مسافت کے بقدر دور ہوجائے گا۔
روایت پر ائمہ کا کلام
علامہ مناوی رحمہ اللہ نے ’’فيض القدير‘‘[2] میں لکھتے ہیں: ’’وفيه عبد الله بن محمد بن وهب الحافظ، أورده الذهبي في الضعفاء، وقال الدارقطني: متروك، وزافر بن سليمان، قال ابن عدي: لا يتابع على حديثه، وثابت الثمالي، قال الذهبي: ضعيف جدا‘‘.
اس سند میں حافظ عبد اللہ بن محمد بن وہب ہے، ذہبی رحمہ اللہ نے اس کو ضعفاء میں ذکر کیا ہے، اور دارقطنی رحمہ اللہ نے اس کو متروک کہا ہے، اور (سند کے راوی) زافر بن سلیمان کے بارے میں ابن عدی رحمہ اللہ نے کہا ہے کہ اس کی حدیث کی متابعت نہیں کی جاتی، اور (سند کے راوی) ثابت ثمالی کو ذہبی رحمہ اللہ نے ’’ضعیف جداً ‘‘ کہا ہے۔
علامہ امیر صنعانی رحمہ اللہ نے ’’التنوير‘‘[3] میں علامہ مناوی رحمہ اللہ کے قول پر اکتفاء ہے۔
علامہ غماری رحمہ اللہ ’’المداوي‘‘[4] میں زیر بحث روایت نقل کرنے کے بعد فرماتے ہیں:
’’والكذب على الله وعلى دينه يسود صحيفة صاحبه ويبوء له مقعدا من جهنم، فإن هذا الحديث موضوع على رسول الله صلى الله عليه وسلم‘‘. اللہ اور اس کے دین پر جھوٹ باندھنا آدمی کے اعمال نامہ کو سیاہ کرتا ہے، اور اس کا ٹھکانہ جہنم میں بناتا ہے، یہ حدیث رسول اللہ ﷺ پر گھڑی گئی ہے۔
اس کے بعد علامہ غماری رحمہ اللہ نے علامہ مناوی رحمہ اللہ کا قول نقل کیا ہے۔
واضح رہے کہ ان کا نام کبھی عبد اللہ بن وہب اور کبھی عبد اللہ بن حمدان بن وہب بھی آتا ہے[5]، اور حمدان کا نام محمد ہے[6]۔
حافظ ابن عدی رحمہ اللہ ’’الكامل‘‘[7] میں فرماتے ہیں: ’’سمعت عمر بن سهيل [ كذا في الأصل، والصحيح: سهل] يعرف بابن كدو الدينوري: يرميه بالكذب ويصرح به‘‘. میں نے عمر بن سہل جو کہ ابن کدو[8] دینوری سے معروف تھے سے سنا: وہ عبد اللہ بن حمدان کو جھوٹ میں متہم قرار دیتے تھے، اور صاف لفظوں میں یہ بات فرماتے تھے۔
حافظ عمر بن سہل بن اسماعیل المعروف کدو رحمہ اللہ فرماتے ہیں: ’’سمعت ابن وهب يقول: لقنت أبا عمير بن النحاس بحمص (أربعين حديثا)، فلما بلغت (إحدى وأربعين) قال لي: أما تستحي أتجشمني أن أشهد على رسول الله صلى الله عليه وسلم في مجلس واحد أكثر من أربعين شهادة‘‘[9].میں نے ابن وہب کو یہ کہتے ہوئے سنا کہ میں نے ابو عمیر بن نحاس کو حمص میں چالیس حدیثوں کی تلقین کی، جب میں اکتالیسویں حدیث پر پہنچا تو انہوں نے کہا: تمہیں اس سے حیا نہیں آتی کہ ایک ہی مجلس میں رسول اللہ ﷺ کے خلاف چالیس سے زائد گواہیاں دینے کا بوجھ مجھ پر لاد رہے ہو؟
حافظ خطیب بغدادی رحمہ اللہ ’’تاريخ بغداد‘‘[10] میں ابو عبد اللہ محمد بن ابراہیم بن زیاد طیالسی کے ترجمہ میں عبد اللہ بن محمد بن وہب کے بارے میں لکھتے ہیں: ’’ قال صالح: وسمعت أبا جعفر يقول: توهمت أن الناس لا يحملون حديثه لضعفه‘‘. صالح (یعنی حافظ صالح بن احمد رحمہ اللہ ) کہتے ہیں: میں نے ابو جعفر رحمہ اللہ کو کہتے ہوئے سنا ، وہ فرما رہے تھے: میرا گمان ہے کہ لوگ عبد اللہ بن محمد بن وہب کے ضعف کی وجہ سے اس سے تحملِ حدیث نہیں کرتے تھے۔
امام ابو عبد اللہ حاکم نیشاپوری رحمہ اللہ فرماتے ہیں: ’’سمعت أبا عبد الله الزبير بن عبد الواحد الحافظ بأسَداباذ يقول: ما رأيت لأبي علي زلة قط إلا روايته عن عبد الله بن وهب الدينوري وأحمد بن عمير بن جوصا‘‘[11]. میں نے ابو عبد اللہ زبیر بن عبد الواحد کو اَسَداباذ میں فرماتے ہوئے سنا: وہ فرما رہے تھے کہ میں نے ابو علی کی عبد اللہ بن وہب دِیْنَوَری اور احمد بن عمیر جَوْصَا سے روایت کرنے کے علاوہ کوئی لغزش نہیں دیکھی۔
امام ابو عبد اللہ حاکم رحمہ اللہ فرماتے ہیں: ’’سألت أبا علي الحافظ عن عبد الله بن محمد بن وهب الدينوري، فقال: كان صاحب حديث، حافظا، ثم قال أبو علي: بلغني أن أبا زرعة كان يعجز عن مذاكرته في زمانه‘‘[12]. میں نے حافظ ابو علی رحمہ اللہ سے عبد اللہ بن محمد بن وہب دِیْنَوَرِی کے بارے میں پوچھا، آپ نے فرمایا: وہ صاحبِ حدیث حافظ تھا، پھر ابو علی رحمہ اللہ نے کہا: مجھے یہ بات پہنچی ہے کہ ابو زرعہ رحمہ اللہ اپنے زمانے میں عبد اللہ بن محمد دِیْنَوَری کے ساتھ مذاکرہ کرنے سے عاجز ہوجاتے تھے۔
حافظ ابن عدی رحمہ اللہ ’’الکامل‘‘[13]میں فرماتے ہیں: ’’ كان يعرف ويحفظ‘‘. یہ صاحبِ معرفت وحفظ تھے۔
اس کے بعد حافظ ابن عدی رحمہ اللہ دیگر ائمہ کے اقوال نقل کرکے فرماتے ہیں: ’’وعبد الله بن حمدان قد قبله قوم وصدقوه، والله أعلم‘‘. اور عبد اللہ بن حمدان کو ایک جماعت نے قبول کیا ہے، اور ان کی تصدیق کی ہے۔
حافظ دار قطنی رحمہ اللہ فرماتے ہیں: ’’يضع الحديث‘‘[14]. وہ حدیث گھڑتا ہے۔
نیز حافظ دار قطنی رحمہ اللہ ’’الضعفاء والمتروكون‘‘[15] میں فرماتے ہیں: ’’حدثونا عنه، [متروك]‘‘. محدثین نے ہمیں ان سے حدیث بیان کی ہے، یہ متروک ہے۔
حافظ ابن جوزی رحمہ اللہ نے ’’الضعفاء والمتروکین‘‘[16] میں حافظ ابن عدی رحمہ اللہ اور حافظ دار قطنی رحمہ اللہ کے کلام پر اکتفاء کیا ہے۔
حافظ خلیلی رحمہ اللہ ’’ الإرشاد‘‘[17] میں فرماتے ہیں: ’’حافظ، مشهور، ارتحل إلى العراقين، وإلى الجبل، والري، وإلى الشام، ومصر، لكنه يخالف في بعض ما يرويه‘‘. حافظ ہے، مشہور ہے، اس نے عراقَیْن، جبل، ری، شام، مصر کی جانب اسفار کئے ہیں، لیکن اس کی بعض مرویات میں ان کی مخالفت کی گئی ہے۔
حافظ مزی رحمہ اللہ نے ’’تهذيب الكمال‘‘[18] میں احمد بن سعید بن بشر کے ترجمہ میں عبد اللہ بن محمد بن وہب دینوری کو ’’أحد الضعفاء‘‘ کہا ہے۔
حافظ ذہبی رحمہ اللہ ’’سير أعلام النبلاء‘‘[19] میں فرماتےہیں: ’’وما عرفت له متنا يتهم به، فأذكره، أما في تركيب الإسناد، فلعله‘‘. میں ایسا کوئی متن نہیں پہچانتا جس کی وجہ سے اس کو متہم قرار دوں، اور اس متن کو ذکر کروں، البتہ یہ سند جوڑنے والوں میں ہوسکتا ہے۔
نیز حافظ ذہبی رحمہ اللہ ’’ديوان الضعفاء‘‘[20] اور ’’ المغني في الضعفاء‘‘[21] میں لکھتے ہیں: ’’قال الدارقطني: متروك‘‘. دار قطنی رحمہ اللہ نے اسے متروک کہا ہے۔
نیز حافظ ذہبی رحمہ اللہ نے ’’ميزان الاعتدال‘‘[22] میں عبد اللہ بن محمد بن وہب کو ’’متہم‘‘ قرار دیا ہے۔
علامہ سبط ابن عجمی رحمہ اللہ نے’’الكشف الحثيث‘‘[23] میں حافظ دار قطنی رحمہ اللہ کے کلام پر اکتفاء کیا ہے۔
علامہ ابن عراق رحمہ اللہ نے ’’تنزيه الشريعة‘‘[24] میں عبد اللہ بن محمد بن وہب دینوری کو وضاعین ومتہمین کی فہرست میں شمار کرکے حافظ ابن عدی رحمہ اللہ اور حافظ دار قطنی رحمہ اللہ کے کلام پر اکتفاء کیا ہے۔
ان عبارتوں کے ساتھ ساتھ یہ اصل ملحوظ رہے کہ ہر شدید ضعیف راوی کی ہر ہر روایت کا مردود ہونا ضروری نہیں،بلکہ ائمہ حدیث بعض ایسے راویوں کی بعض روایات دیگر قرائن وشواہد کی وجہ سے فضائل کے باب میں قبول بھی کرلیتے ہیں۔
حافظ ابو عبید آجری رحمہ اللہ ’’سؤالات أبي عبيد‘‘[25] میں فرماتے ہیں: ’’سمعت أبا داود، ذكر أبا حمزة الثمالي، فقال: جاءه ابن المبارك، فدفع إليه صحيفة فيها حديث سوء في عثمان، فرد الصحيفة على الجارية، وقال: قولي له: قبحك الله وقبح صحيفتك‘‘. میں نے ابو داود رحمہ اللہ سے سنا: انہوں نے ابو حمزہ ثمالی کا ذکر کرتے ہوئے کہا: ابن مبارک رحمہ اللہ ثمالی کے پاس آئے، ثمالی نے ان کو ایسا صحیفہ دیا جس میں عثمان رضی اللہ عنہ پر مذمت کی حدیث تھی، عبد اللہ بن مبارک رحمہ اللہ نے وہ صحیفہ باندی کو لوٹایا، اور یہ فرمایا کہ تو ثمالی سے کہہ دے: اللہ تعالی تیرا اور تیرے صحیفہ کا برا کرے۔
علامہ محمد بن زیاد بن معروف رحمہ اللہ فرماتے ہیں: ’’سمعت عبيد الله بن موسى يذكر أنهم كانوا عند أبي حمزة الثمالي، فحضره ابن المبارك، فذكر أبو حمزة حديثا في عثمان أو، قال: نال من عثمان، فقام ابن المبارك فأخذ كتابه فمزقه، ثم نهض ومضى‘‘[26]. میں نے عبید اللہ بن موسی کو یہ بات ذکر کرتے ہوئے سنا کہ وہ ابو حمزہ ثمالی کے پاس تھے، ابن مبارک رحمہ اللہ ثمالی کے پاس آئے، تو ابو حمزہ ثمالی نے عثمان رضی اللہ عنہ کے بارے میں کوئی بات کہی، یا یہ کہا کہ عثمان رضی اللہ عنہ کا برائی سے تذکرہ کیا، تو عبد اللہ بن مبارک رحمہ اللہ کھڑے ہوئے، اس کی کتاب کو لیا اور ٹکڑے ٹکڑے کردیا، پھر اٹھے اور چل پڑے۔
علامہ ابو حفص عمر بن حفص بن غیاث رحمہ اللہ فرماتے ہیں: ’’ترك أبي حديث أبي حمزة الثمالي‘‘[27]. میرے والد نے ابو حمزہ ثمالی کی حدیث کو ترک کردیا تھا۔
امام یزید بن ہارون واسطی رحمہ اللہ فرماتے ہیں: ’’ سمعت أبا حمزة يؤمن بالرجعة‘‘[28]. میں نے ابو حمزہ کو سنا وہ رجعت پر ایمان رکھتا تھا۔
حافظ ابن سعد رحمہ اللہ ’’الطبقات ‘‘[29] میں فرماتے ہیں: ’’وكان ضعيفا‘‘. اور یہ ضعیف تھا۔
حافظ یحیی بن معین رحمہ اللہ فرماتے ہیں: ’’أبو حمزة الثمالي ضعيف الحديث‘‘[30]. ابو حمزہ ثمالی ضعیف الحدیث ہے۔
حافظ یحیی بن معین رحمہ اللہ ایک دوسرے مقام پر فرماتے ہیں: ’’وأبو حمزة الثمالي ليس بشيء‘‘[31]. ابو حمزہ ثمالی ’’لیس بشیء‘‘ ہے۔
حافظ عباس دوری رحمہ اللہ فرماتے ہیں: ’’سمعت يحيى يقول: أبو حمزة صاحب إبراهيم اسمه ميمون، وأبو حمزة الثمالي ثابت، قلت: أيهما أحب إليك؟ قال: لاذا ولا ذاك‘‘[32]. میں نے یحیی رحمہ اللہ کو فرماتے ہوئے سنا کہ ابو حمزہ صاحبِ ابراہیم کا نام میمون ہے، اور ابو حمزہ ثمالی، ثابت ہے، میں نے کہا: ان دونوں میں سے آپ کو کونسا پسند ہے؟ تو انہوں نے فرمایا: نہ یہ نہ وہ۔
حافظ ابو موسی محمد بن مثنی عنزی رحمہ اللہ فرماتے ہیں: ’’ما سمعت يحيى يحدث عن أبي حمزة الثمالي شيئا قط، وما سمعت عبد الرحمن يحدث عنه شيئا قط‘‘[33]. میں نے کبھی بھی یحیی رحمہ اللہ کو ابو حمزہ ثمالی سے کوئی حدیث بیان کرتے ہوئے نہیں سنا، اور میں نے عبد الرحمن (یعنی ابن مہدی رحمہ اللہ ) کو بھی ان سے روایت کرتے ہوئے نہیں سنا۔
امام احمد بن حنبل رحمہ اللہ فرماتے ہیں: ’’ضعيف الحديث، ليس بشيء‘‘[34]. ثابت ثمالی ’’ضعیف الحدیث، لیس بشیء‘‘ ہے۔
حافظ عمرو بن علی فلاس رحمہ اللہ نے ابو حمزہ ثمالی کو ’’ليس بثقة‘‘[35] کہا ہے۔
حافظ مغلطائی رحمہ اللہ ’’إكمال تهذيب الكمال‘‘[36] میں فرماتے ہیں: ’’وذكره البرقي في باب من ينسب إلى الضعف ممن حمل بعض أهل الحديث روايته وتركها بعضهم‘‘. اور برقی رحمہ اللہ نے اسے اس باب میں ذکر کیا ہے: ضعف کی جانب منسوب وہ لوگ جن کی روایات کا بعض نے تحمل کیا ہے، اور بعض نے ان کو ترک کردیا ہے۔
امام بخاری رحمہ اللہ نے ’’التاريخ الكبير‘‘[37] میں ثابت ثمالی کا ترجمہ قائم کرکے سکوت فرمایا ہے۔
امام بخاری رحمہ اللہ ایک دوسرے مقام پر فرماتے ہیں: ’’وهو عندي مقارب الحديث، ليس له كبير حديث‘‘[38]. وہ میرے نزدیک مقارب الحدیث ہے، اور اس کی حدیثیں زیادہ نہیں ہیں۔
حافظ ابراہیم بن یعقوب جوزجانی رحمہ اللہ نے ’’أحوال الرجال‘‘[39] میں ابو حمزہ ثمالی کو ’’واهي الحديث‘‘ کہا ہے۔
حافظ ابو زرعہ رازی رحمہ اللہ نے ابو حمزہ ثمالی کو ’’ كوفي، لين‘‘ کہا ہے[40]۔
حافظ ابو زرعہ رازی رحمہ اللہ نے ایک دوسرے مقام پر ابو حمزہ ثمالی کو ’’واهي الحديث‘‘ کہا ہے[41]۔
حافظ ابن ابی حاتم رحمہ اللہ ’’الجرح والتعدیل‘‘[42] میں فرماتے ہیں: ’’سمعت أبى يقول: أبو حمزة الثمالي: لين الحديث، يكتب حديثه، ولا يحتج به‘‘. میں نے اپنے والد کو فرماتے ہوئے سنا: ابو حمزہ ثمالی لین الحدیث ہے، اس کی حدیث لکھی جائے گی، اور اس سے احتجاج نہیں کیا جائے گا۔
حافظ یعقوب بن سفیان فَسَوِی رحمہ اللہ ’’المعرفة والتاريخ‘‘[43] میں فرماتے ہیں: ’’الوليد بن أبي ثور وأبو حمزة الثمالي ضعيفان‘‘. ولید بن ابی ثور اور ابو حمزہ ثمالی دونوں ضعیف ہیں۔
حافظ علی بن حسین بن جنید رحمہ اللہ نے ابو حمزہ ثمالی کو ’’متروك‘‘ کہا ہے[44]۔
امام نسائی رحمہ اللہ نے ’’الضعفاء‘‘[45]میں نے ابو حمزہ ثمالی کو ’’ ليس بالقوي‘‘ کہا ہے۔
حافظ مغلطائی رحمہ اللہ ’’إكمال تهذيب الكمال‘‘[46] میں فرماتے ہیں: ’’وفي كتاب أبي بشر الدولابي: ابن أبي صفية ليس بثقة‘‘. ابو بشر دولابی کی کتاب میں ہے: ابن ابی صفیہ ’’لیس بثقہ‘‘ ہے۔
حافظ ابن حبان رحمہ اللہ ’’المجروحين‘‘[47] میں فرماتے ہیں:’’ كثير الوهم في الأخبار حتى خرج عن حد الاحتجاج به إذا انفرد مع غلوم [ كذا في الأصل، والصحيح: غلوه] في تشيعه‘‘. اخبار میں کثیر الوہم تھا، یہاں تک کہ جب وہ منفرد ہو تو احتجاج کی حد سے بھی نکل جاتا ہے، ساتھ ساتھ وہ تشیع میں بھی غلو کرنے والا تھا۔
حافظ ابن عدی رحمہ اللہ ’’الكامل‘‘[48] میں فرماتے ہیں: ’’ولأبي حمزة هذا أحاديث، وضعفه بين على رواياته، وهو إلى الضعف أقرب‘‘. اس ابو حمزہ کی یہ احادیث ہیں، اس کا ضعف اس کی روایات میں واضح ہے، اور وہ ضعف کے زیادہ قریب ہے۔
امام ابو عبد اللہ حاکم رحمہ اللہ ’’المستدك‘‘[49] میں ایک موقوف روایت تخریج کرکے فرماتے ہیں: ’’هذا حديث صحيح الإسناد، فإن أبا حمزة الثمالي لم ينقم عليه إلا الغلو في مذهبه فقط‘‘. یہ حدیث ’’صحیح الاسناد‘‘ ہے، کیونکہ (سند کے راوی) ابو حمزہ ثُمالی پر فقط اپنے مذہب میں غلو کی وجہ سے جرح کی گئی ہے۔
حافظ ابو احمدحاکم رحمہ اللہ ’’الأسامي‘‘[50] میں فرماتے ہیں: ’’ ليس بالقوي عندهم‘‘. ابو حمزہ ثمالی محدثین کے نزدیک لیس بالقوی ہے۔
حافظ دار قطنی رحمہ اللہ نے ثمالی کو ضعیف ومتروک راویوں میں ذکر کیا ہے[51]۔
حافظ دارقطنی رحمہ اللہ نے ایک دوسرے مقام پر ابو حمزہ ثمالی کو ’’متروك‘‘ کہا ہے[52]۔
حافظ ابن عبد البر رحمہ اللہ فرماتے ہیں: ’’ ليس بالمتين عندهم، في حديثه لين‘‘[53]. ثمالی محدثین کے نزدیک متین نہیں ہے، اس کی حدیث میں لین ہے۔
حافظ ذہبی رحمہ اللہ ’’ميزان الاعتدال‘‘[54] میں فرماتے ہیں: ’’وعده السليماني في قوم من الرافضة‘‘.سلیمانی نے اسے روافض کے ایک گروہ میں سے شمار کیا ہے۔
حافظ ذہبی رحمہ اللہ ’’ديوان الضعفاء‘‘[55] میں فرماتے ہیں: ’’متفق على ضعفه‘‘. ثمالی کے ضعف پر اتفاق ہے۔
نیز حافظ ذہبی رحمہ اللہ نے ’’المغني‘‘[56] میں ابو حمزہ ثمالی کو ’’واه جدا‘‘ کہا ہے۔
حافظ ذہبی رحمہ اللہ ’’ الكاشف‘‘[57] میں فرماتے ہیں: ’’خلق ضعفوه‘‘. ایک خلقت اسے ضعیف قرار دے چکی ہے۔
حافظ ابن حجر رحمہ اللہ ’’تقريب التهذيب‘‘[58] میں فرماتے ہیں: ’’ضعيف، رافضي ....‘‘.ثمالی ضعیف اور رافضی تھا۔۔۔‘‘۔
ان عبارتوں کے ساتھ ساتھ یہ اصل ملحوظ رہے کہ ہر شدید ضعیف راوی کی ہر ہر روایت کا مردود ہونا ضروری نہیں،بلکہ ائمہ حدیث بعض ایسے راویوں کی بعض روایات دیگر قرائن وشواہد کی وجہ سے فضائل کے باب میں قبول بھی کرلیتے ہیں۔
سند میں موجود راوی عبد اللہ بن محمد بن وہب دینوری اور ثابت ثمالی کے بارے میں ائمہ رجال کے تفصیلی اقوال گزر چکے ہیں، اور سند کے راوی ابو عبد اللہ صنعانی کی تعیین نہیں ہو سکی، نیز علامہ مناوی رحمہ اللہ اس روایت کے ضعفِ شدید کی طرف اشارہ کر چکے ہیں، اور استقراءً یہ حدیث صرف اسی اسناد سے مل سکی ہے، اور حافظ ابن حجر عسقلانی رحمہ اللہ کی تصریح کے مطابق جمہور علماء کے نزدیک ضعیف روایت کو فضائل کے باب میں بیان کرنا جائز ہے، البتہ جواز میں بنیادی شرط یہ ہے کہ وہ ضعیف روایت ضعفِ شدید سے خالی ہو، اور یہ شرط یہاں مفقود ہے، اس لئے زیر بحث روایت کو اس سند سے رسول اللہ ﷺ کی جانب منسوب کرنا درست نہیں ہے، واللہ اعلم۔
حوالہ جات
[1] الغرائب الملتقطة:5/453،رقم:1889،ت:أبو بكر أحمد جالو،جمعية دار البر ـ دبئي،الطبعة الأولى1439هـ .
[2] فيض القدير:4/249،رقم:5189،دار المعرفة ـ بيروت،الطبعة الثانية1391هـ .
[3] التنوير:۷/۸۸ ،رقم:۵۱۷۱،ت:محمد إسحاق محمد إبراهيم،مكتبة دار السلام ـ الرياض،الطبعة الأولى1432هـ .
[4] المداوي:4/394،رقم:5189،دار الكتبي ـ القاهرة،الطبعة الأولى۱۹۹۶ء .
[5] انظر ميزان الاعتدال:2/494،رقم:4566،ت:علي محمد البجاوي،دار المعرفة ـ بيروت .
[6] انظر لسان الميزان:4/467،ت:عبد الفتاح أبو غدة،مکتب المطبوعات الإسلامية ـ بيروت،الطبعة الأولى ۱۴۲۳هـ .
[7] الکامل فی الضعفاء:5/296،رقم:1106،ت:محمد أنس مصطفى،دار الرسالة العالمية ـ دمشق،الطبعة الأولى1433هـ .
[8] حافظ سمعانی رحمہ اللہ ، علامہ شہاب الدین یاقوت بن عبد اللہ حموی رحمہ اللہ اور حافظ ابن حجر عسقلانی رحمہ اللہ نے ان کا لقب ’’ابن کدو‘‘ کے بجائے ’’ کدو‘‘ ذکر کیا ہے۔ انظر: الأنساب:10/389،رقم:3213،مجلس دائرة المعارف العثمانية ـ حيدر آباد الدكن ـ الهند،الطبعة الاولى1397هـ . وانظر معجم البلدان:4/331،دار صادر ـ بيروت،الطبعة1397هـ . وانظر نزهة الألباب في الألقاب:2/116،رقم:2357،ت:عبد العزيز محمد بن صالح السديري،مكتبة الرشد ـ الرياض،الطبعة الأولى 1409هـ .
[9] الإرشاد في معرفة علماء الحديث:2/627،رقم:367،ت:محمد سعيد بن عمر إدريس،مكتبة الرشد ـ الرياض، الطبعة الأولى 1409هـ .
[10] تاريخ بغداد:2/300،رقم:336،ت:بشارعواد معروف،دار الغرب الإسلامي ـ بيروت،الطبعة الأولى۱۴۲۲هـ .
[11] انظر تاريخ مدينة دمشق:32/376،رقم:3540،ت:محب الدين أبي سعيد عمر بن غرامة العمروي،دار الفكر ـ بيروت،الطبعة1415هـ .
[12] انظر تاريخ مدينة دمشق:32/374،رقم:3540،ت:محب الدين أبي سعيد عمر بن غرامة العمروي،دار الفكر ـ بيروت،الطبعة1415هـ .
[13] الکامل فی الضعفاء:5/439،رقم:1103،ت:عادل أحمد عبد الموجود وعلي محمد معوض،دار الكتب العلمية ـ بيروت .
[14] سؤالات السلمي للدارقطني:ص:209،رقم:216،ت:سعد بن عبد الله الحميد وخالد بن عبد الرحمن الجريسى،مكتبة الملك فهد الوطنية ـ الرياض، الطبعة الأولى۱۴۲۷هـ .
[15] الضعفاء والمتروکون:ص:267،رقم:326،ت:موفق بن عبد الله بن عبد القادر،مكتبة المعارف ـ الرياض، الطبعة الأولى۱۴۰۴هـ .
[16] الضعفاء والمتروکین:۲/۱۲۰،رقم:۲۰۱۲،ت:عبدالله القاضی،دار الکتب العلمیة ـ بیروت،الطبعة الأولى۱۴۰۶هـ .
[17] الإرشاد:2/627،رقم:367،ت:محمد سعيد بن عمر إدريس،مكتبة الرشد ـ الرياض،الطبعة الأولى 1409هـ .
[18] تهذيب الكمال:1/313،رقم:38،ت:بشار عواد معروف،مؤسسة الرسالة ـ بيروت،الطبعة الثانية۱۴۰۷هـ .
[19] سير أعلام النبلاء:14/401،رقم:218،ت:شعيب الأرنؤوط،مؤسسة الرسالة ـ بيروت،الطبعة الثالثة1405هـ
[20] ديوان الضعفاء:ص:228،رقم:2302،ت:حماد بن محمد الأنصاری،مطبعة النهضة الحديثية ـ مكة المكرمة .
[21] المغني في الضعفاء:1/566،رقم:3346،ت:أبو الزهراء حازم القاضي،دار الكتب العلمية ـ بيروت،الطبعة الأولى 1418هـ .
[22] ميزان الاعتدال:۲/۴۱۲،رقم:۴۲۸۱،ت:علي محمد البجاوي،دار المعرفة ـ بيروت .
[23] الكشف الحثيث:ص:158،رقم:407،ت:صبحي السامرائي،مكتبة النهضة العربية ـ بيروت،الطبعة الأولى 1407هـ .
[24] تنزيه الشريعة:1/75، رقم:95،ت:عبد الوهاب عبد اللطيف وعبد الله محمد الصديق،دار الكتب العلمية ـ بيروت، الطبعة الثانية۱۴۰۱هـ .
[25] سؤالات أبي عبيد الآجري:1/180،رقم:116،ت:عبد العليم عبد العظيم البستوي،مؤسسة الريان ـ بيروت، الطبعة الأولى1418هـ .
[26] الکامل فی الضعفاء:2/274،رقم:312،ت:محمد أنس مصطفى،دار الرسالة العالمية ـ بيروت،الطبعة الأولى 1433هـ .
[27] الجرح والتعديل:۲/۴۵۱،رقم:۱۸۱۳،دار الكتب العلمية ـ بيروت،الطبعة الأولى۱۳۷۲ هـ .
[28] الضعفاء الكبير:۱/۱۷۲،رقم:۲۱۴،ت:عبد المعطی أمین قلعجی،دار الکتب العلمية ـ بيروت،الطبعة الأولى ۱۴۰۸هـ .
[29] الطبقات الكبرى:6/345،رقم:2615،ت:محمد عبد القادر عطا،دار الكتب العلمية ـ بيروت،الطبعة الثانية1418هـ .
[30] معرفة الرجال عن يحيي بن معين برواية ابن محرز:۱/۶۹،رقم:۱۴۹،ت:محمد كامل القصار،مجمع اللغة العربية ـ دمشق، الطبعة1405هـ .
[31] تاريخ يحيى بن معين برواية الدوري:۱/۲۰۵،رقم:۱۳۳۵،ت:عبد الله أحمد حسن،دار القلم ـ بيروت .
[32] التاريخ ليحيى بن معين:3/546،رقم:2668،ت:أحمد محمد نور سيف،جامعة الملك عبد العزيز ـ مكة المكرمة،الطبعة الأولى1399هـ .
[33] الضعفاء الكبير:۱/۱۷۲،رقم:۲۱۴،ت:عبد المعطی أمین قلعجی،دار الکتب العلمية ـ بيروت،الطبعة الأولى۱۴۰۸هـ .
[34] العلل ومعرفة الرجال:۳/۹۶،رقم:۵۳۵۶،ت:وصي الله بن محمد عباس،دار الخاني ـ الرياض،الطبعة الثانية 1422هـ .
[35] انظر إكمال تهذيب الكمال:3/73،رقم:851 ،ت:أبو عبد الرحمن عادل بن محمد،الفاروق الحديثة ـ القاهرة، الطبعة الأولى ۱۴۲۲هـ .
[36] إكمال تهذيب الكمال:3/72،رقم:851 ،ت:أبو عبد الرحمن عادل بن محمد،الفاروق الحديثة ـ القاهرة، الطبعة الأولى ۱۴۲۲هـ .
[37] التاريخ الكبير:۲/۱۴۷،رقم:۲۰۷۳،ت:مصطفى عبد القادر عطا،دار الكتب العلمية ـ بيروت،الطبعة الثاني1429هـ .
[38] العلل الكبير للترمذي:1/305 ،ت:صبحي السامرائي،عالم الكتب ـ بيروت،الطبعة الأولى1409هـ .
[39] أحوال الرجال:ص:104،رقم:85 ،ت:عبد العليم عبد العظيم البستوي،حديث أكادمي ـ فيصل آباد ـ باكستان،الطبعة الأولى1411هـ .
[40] الجرح التعديل:1/451،رقم:1813،دار الكتب العلمية ـ بيروت،الطبعة الأولى۱۳۷۱هـ .
[41] سؤالات البرذعي:ص:158،رقم:221،ت:أبو عمر محمد بن علي،الفاروق الحديثية ـ القاهرة،الطبعة الأولى1430هـ .
[42] الجرح والتعدیل:۲/۴۵۱،رقم:۱۸۱۳،دار الكتب العلمية ـ بيروت،الطبعة الأولى۱۳۷۲هـ .
[43] المعرفة والتاريخ:۳/۵۶،ت:أكرم ضياء العمري،مكتبة الدار ـ المدينة المنورة،الطبعة الأولى1410هـ .
[44] انظر إكمال تهذيب الكمال:3/73،رقم:851 ،ت:أبو عبد الرحمن عادل بن محمد،الفاروق الحديثة ـ القاهرة، الطبعة الأولى۱۴۲۲هـ .
[45] الضعفاء والمتروكين:ص:162،رقم:93،ت،محمود إبراهيم زايد،دار المعرفة ـ بيروت،الطبعة الأولى ۱۴۰۶هـ .
[46] إكمال تهذيب الكمال: 3/72،رقم:851 ،ت:أبو عبد الرحمن عادل بن محمد،الفاروق الحديثة ـ القاهرة،الطبعة الأولى۱۴۲۲هـ .
[47] المجروحين:1/206،ت:محمود إبراهيم زايد،دار المعرفة ـ بيروت،الطبعة1412هـ .
[48] الكامل في الضعفاء:۲/۲۹۵،رقم:۳۱۱،ت:عادل أحمد عبدالموجود وعلي محمد معوض،دار الكتب العلمية ـ بيروت .
[49] المستدرك على الصحيحين:۲/۵۶۵،رقم:۳۹۱۷،ت:مصطفى عبد القادر عطا،دار الكتب العلمية ـ بيروت،الطبعة الثانية1422هـ .
[50] الأسامي والكنى:2/403،رقم:1899،ت:أبي عمر محمد بن علي الأزهري،الفاروق الحديثية ـ القاهرة،الطبعة الأولى1436هـ .
[51] الضعفاء والمتروکون:ص:162،رقم:139،ت:موفق بن عبد الله بن عبد القادر،مكتبة المعارف ـ الرياض، الطبعة الأولى۱۴۰۴هـ .
’’الضعفاء والمتروکون‘‘ کی عبارت ملاحظہ ہو: ’’ ثابت بن أبي صفية أبو حمزة الثمالي، كوفي، عن زاذان وعكرمة وأبي جعفر‘‘.
[52] سؤالات البرقاني للدارقطني:ص:20،رقم:64،ت:عبد الرحيم محمد أحمد القشقري،كتب خانه جميلي ـ لاهور ـ باكستان،الطبعة الأولى1404هـ .
[53] انظر إكمال تهذيب الكمال:3/72،رقم:851 ،ت:أبو عبد الرحمن عادل بن محمد،الفاروق الحديثة ـ القاهرة، الطبعة الأولى ۱۴۲۲هـ .
[54] ميزان الاعتدال:۱/۳۶۳،رقم:۱۳۵۸،ت:علی محمد البجاوی، دار المعرفة ـ بيروت .
[55] ديوان الضعفاء:ص:۵۶،رقم:۶۸۴،ت:حماد بن محمد الأنصاري،مكتبة النهضة الحديثية ـ مكة المكرمة، الطبعة1387هـ .
[56] المغني في الضعفاء:1/188،رقم:1036،ت:أبي الزهراء حازم القاضي،دار الكتب العلمية ـ بيروت،الطبعة الأولى 1418هـ .
[57] الكاشف:۱/۲۸۲،رقم:۶۸۷،ت:محمد عوامة،دار القبلة للثقافة الإسلامية ـ جدة،الطبعة۱۴۱۳هـ .
[58] تقريب التهذيب:ص:۳۴۰،رقم:۳۸۶۵،ت:محمد عوامة،دار الرشيد ـ سوريا،الطبعة الثالثة۱۴۱۱هـ .