روایت: ’’ أول من يصلي علي الرب عزوجل... ‘‘.’’آپ ﷺ نے فرمایا: سب سے پہلے رب تعالیٰ میری نمازجنازہ پڑھیں گے۔۔۔ ‘‘۔

(اردو زبان میں اس کا اسی طرح ترجمہ کیا جاتا ہے، خود راقم الحروف اس سے بری ہے)۔

امام طبرانی l رحمہ اللہ نے ’’المعجم الكبير‘‘[1] میں یہ روایت ان لفظوں سے تخریج کی ہے:

 ’’حدثنا محمد بن أحمد بن البراء، ثنا عبد المنعم بن إدريس بن سنان، عن أبيه، عن وهب بن منبه، عن جابر بن عبد الله، وعبد الله بن عباس في قول الله عز وجل: إذا جاء نصر الله والفتح .... فقال علي رضي الله عنه:

 يا رسول الله! إذا أنت قبضت فمن يغسلك؟ وفيم نكفنك؟ ومن يصلى عليك؟ ومن يدخل القبر؟ فقال النبي صلى الله عليه وسلم: يا علي! أما الغسل فاغسلني أنت، والفضل بن عباس يصب عليك الماء، [كذا في الأصل] وجبريل عليه السلام ثالثكما، فإذا أنتم فرغتم من غسلي فكفنوني في ثلاثة أثواب جدد، وجبريل عليه السلام يأتيني بحنوط من الجنة، فإذا أنتم وضعتموني على السرير فضعوني في المسجد وأخرجوا عني، فإن أول من يصلي علي الرب عز وجل من فوق عرشه، ثم جبريل عليه السلام، ثم ميكائيل، ثم إسرافيل عليهما السلام، ثم الملائكة زمرا زمرا، ثم ادخلوا، فقوموا صفوفا لا يتقدم علي أحد....‘‘.

’’حضرت جابر بن عبداللہ r رضی اللہ عنہ  اور حضرت عبداللہ بن عباس r رضی اللہ عنہ  سے
اللہ تعالیٰ کے اس قول کے بارے میں منقول ہے: اذا جاء نصر اللہ والفتح۔۔۔ حضرت علی r رضی اللہ عنہ  نے عرض کیا: اے اللہ کے رسول ! جب آپ کا انتقال ہوجائے تو آپ کو غسل کون دے؟ اور آپ کو کس چیز میں کفن دیا جائے؟ اور آپ کی نماز جنازہ کون پڑھائے؟ اور آپ کو قبر میں کون اتارے؟ تو نبی ﷺ نے فرمایا: اے علی! آپ مجھے غسل دینا، اور فضل بن عباس پانی ڈالے، اور تمہارے ساتھ تیسرے جبرائیل e علیہ السلام ہوں گے، اور جب تم مجھے غسل دے کر فارغ ہوجاؤ تو مجھے تین نئے کپروں میں کفن دینا، اور جبرائیل e علیہ السلام میرے پاس جنت کی خوشبو لائیں گے، جب تم مجھے چارپائی پر رکھو تو مجھے مسجد میں رکھ دینا، اور میرے پاس سے نکل جانا، کیونکہ سب سے پہلے میری نماز جنازہ عرش کے اوپر سے میرا رب پڑھے گا، پھر جبرائیل e علیہ السلام پڑھے گا، پھر مکائیل e علیہ السلام پڑھے گا، پھر اسرافیل e علیہ السلام پڑھے گا، پھر ملائکہ گروہ در گروہ پڑھیں گے، پھر تم داخل ہونا، اور صف در صف کھڑے ہوجانا، کوئی مجھ سے آگے نہ بڑھے۔۔۔ ‘‘۔

حافظ ابن ملقن l رحمہ اللہ ’’البدر المنير‘‘[9] میں امام طبرانی l رحمہ اللہ کے طریق کو اختصارا ًنقل کرنے کے بعد فرماتے ہیں: ’’وهو حديث طويل في (ثلاث) أوراق، فيه قصة عكاشة، لكنه ضعيف، ثم عبد المنعم متروك، قال أحمد: يكذب على وهب وعلى غيره، متروك، ووالده ضعفه ابن عدي، قال ابن دحية في تنويره: حكى البزار والطبري أنه عليه السلام قال: أول (من) يصلي (علي) رب العزة... في حديث طويل، كرهت أن أذكره، لأن البزار قال في علله: إنه موضوع‘‘.

یہ لمبی حدیث ہے، تین اوراق پر مشتمل ہے، اس میں عکاشہ کا قصہ ہے، تاہم یہ حدیث ضعیف ہے، اور عبدالمنعم متروک ہے، امام احمد بن حنبل l رحمہ اللہ فرماتے ہیں کہ یہ وہب اور وہب کے علاوہ پر جھوٹ بولتا ہے، متروک ہے، اور اس کے والدکی ابن عدی l رحمہ اللہ نے تضعیف کی ہے، ابن دحیہ l رحمہ اللہ نے اپنی کتاب ’’تنویر‘‘ میں کہا ہے کہ بزار l رحمہ اللہ اور طبری l رحمہ اللہ نے نقل کیا ہے کہ آپ e علیہ السلام نے فرمایا: سب سے پہلے میری نماز جنازہ اللہ رب العزت پڑھیں گے، یہ ایک لمبی حدیث میں ہے، مجھے یہ بات ناگوار لگتی ہے کہ میں اس کو ذکر کروں، اس لئے کہ بزار l رحمہ اللہ نے اپنی ’’علل‘‘ میں اسے من گھڑت کہا ہے۔

آپ جان چکے ہیں کہ حافظ بزارl رحمہ اللہ نے اس روایت کو من گھڑت کہا ہے، حافظ بزار l رحمہ اللہ کے کلام پر حافظ ابن دحیہ l رحمہ اللہ اور حافظ ابن ملقن l رحمہ اللہ نے اعتماد کیا ہے، نیز حافظ ابن جوزی l رحمہ اللہ اور ان کی اتباع میں علامہ سیوطی l رحمہ اللہ وعلامہ ابن عراق l رحمہ اللہ نے بھی اس روایت کو من گھڑت کہا ہے، حافظ ہیثمی l رحمہ اللہ نے بھی روایت نقل کرنے کے بعد فرمایا ہے کہ اس میں عبدالمنعم بن ادریس کذاب وضاع راوی ہے، چنانچہ ان تمام اقوال کی روشنی میں یہ روایت اس تفصیل کے ساتھ من گھڑت ہے، اسے آپ ﷺ کی جانب منسوب کرنا درست نہیں ہے۔

واضح رہےکہ ہماری تحقیق روایت کے خاص ٹکڑے ’’أول من يصلي علي الرب عزوجل....‘‘. (’’سب سے پہلے رب تعالی میری نماز جنازہ پڑھیں گے‘‘، راقم الحروف اس سے بری ہے، لوگوں کی زبانوں پر یہ انہی الفاظ سے ہے) کی حیثیت سے ہے، اس خاص ٹکڑے کے ساتھ روایت کو صرف عبدالمنعم بن ادریس ہی نے نقل کیا ہے، بذات خود عبدالمنعم کا وضاع کذاب ہونامعروف ہے، جیسا کہ تفصیل گزر گئی ہے، تاہم روایت کے دیگر اجزاء یعنی جبرائیل e علیہ السلام ، میکائیل e علیہ السلام اسرافیل e علیہ السلام اور دیگر ملائکہ کا آپ ﷺ کی نمازجنازہ پڑھنے کا ذکر عبد المنعم کے طریق کے علاوہ دیگر سندوں میں بھی آتا ہے، جس سے فی الحال تعارض نہیں کیا جارہا، الحاصل روایت کے حکم یعنی موضوع ہونے کا تعلق خاص ٹکڑے ’’أول من يصلي على الرب عزوجل....‘‘. کی حیثیت سے ہے، دیگر اجزاء کا حکم یہاں نقل نہیں کیا جارہا، واللہ اعلم۔