یزید بن یزید بَلوی موصلی

حافظ ابن جوزی l’’الموضوعات‘‘[23] میں زیر بحث روایت کے تحت فرماتے ہیں: ’’ويزيد الموصلي وأبو إسحاق الجرشي لا يعرفان‘‘.یزید موصلی اور ابو اسحاق جرشی دونوں معروف نہیں ہیں۔

حافظ ذہبی l ’’تلخيص المستدرك‘‘[24] میں زیر بحث روایت ذکر کرکے فرماتے ہیں: ’’فإما هذا افتراه، وإما ابن سيار‘‘.اس روایت کو یزید بَلوی یا ابن سیار نے گھڑا ہے۔

حافظ ذہبی l ’’میزان الاعتدال‘‘[25] میں یزید بن یزید بَلوی کے بارے میں فرماتے ہیں: ’’عن أبي إسحاق الفزاري بحديث باطل‘‘.اس نے ابو اسحاق فزاری کے انتساب سے ایک باطل حدیث روایت کی ہے۔

 اس کے بعد حافظ ذہبی l نے زیر بحث روایت نقل کی ہے۔

 حافظ ابن حجر عسقلانیl نے ’’لسان المیزان‘‘[26] میں اور علامہ سبط ابن عجمی l نے ’’الکشف الحثیث‘‘[27] میں حافظ ذہبی l کے قول کو نقل کرنے پر اکتفاء کیا ہے۔

علامہ ابن عراق l ’’تنزيه الشريعة‘‘[28] میں یزید بَلوی کو وضاعین ومتہمین کی فہرست میں شمار کرکے فرماتے ہیں: ’’متهم بالوضع‘‘. یہ حدیث گھڑنے میں متہم ہے۔