ابو اسحاق ابراہیم بن عبد الحمید جرشی

حافظ ابن جوزی l ’’الموضوعات‘‘[29] میں زیر بحث روایت کو من گھڑت کہنے کے بعد فرماتے ہیں: ’’ويزيد الموصلي وأبو إسحاق الجرشي لا يعرفان‘‘. یزید موصلی اور ابو اسحاق جرشی دونوں کی  معرفت نہیں ہے۔

حافظ ابن حجر عسقلانیl نے ’’الزهر النضر‘‘[30] میں حافظ ابن جوزی l کے قول پر اعتماد کیا ہے۔

حافظ ذہبیl ’’میزان‘‘[31] میں فرماتے ہیں: ’’أبو إسحاق الجرشي، عن الأوزاعي بخبر باطل، ورواه عنه نكرة مثله من شيوخ بقية الحجازيين‘‘. ابو اسحاق جرشی نے اوزاعی lکے انتساب سے ایک باطل خبر روایت کی ہے، اور ابو اسحاق جرشی سے اسی کی طرح ’’نکرہ‘‘ راوی نے یہ روایت نقل کی ہے، جو بقیہ کے حجازی شیوخ میں سے ہے۔

حافظ ابن حجرl نے ’’لسان المیزان‘‘[32]  میں حافظ ذہبیl کے قول پر اعتماد کیا ہے۔