عمر و بن عبد الغفار بن عمرو ابن اخی حسن بن عمرو فُقَیمی کوفی

امام علی بن مدینی l فرماتے ہیں: عمرو بن عبد الغفار كان رافضيا، رميت بحديثه، وقد كتبت عنه شيئا، وقال في موضع آخر: كان رافضيا فتركته للرفض‘‘[4].عمرو بن عبد الغفار رافضی تھا، میں نے اس کی حدیث کو پھینک دیا،اور میں نے اسے کچھ لکھا تھا،نیز ایک دوسرے مقام پر فرماتے ہیں: وہ رافضی تھا، چنانچہ میں نے اس کو رافضی ہونے کی وجہ سے ترک کردیا ہے۔

امام بخاریl نے ’’التاريخ الكبير‘‘[5] میں عمرو بن عبد الغفار فُقَیْمی کا ترجمہ قائم کرکے سکوت اختیار کیا ہے۔

حافظ عجلیl’’معرفة الثقات‘‘[6]  میں عمرو بن عبد الغفار کے بارے میں فرماتے ہیں: ’’متروك، وقد رأيته‘‘.متروک ہے، اور میں نے اس کو دیکھا ہے۔

حافظ ابوحاتمl نےعمرو بن عبدالغفار کو ’’ضعيف الحديث، متروك الحديث‘‘ کہا ہے[7]۔

حافظ عقیلیlنے’’الضعفاء الكبير‘‘[8] میں اسے ’’ منكر الحديث‘‘ کہا ہے۔

حافظ ابن حبان l نے عمرو بن عبدالغفار فقیمی کو’’الثقات‘‘[9]  میں ذکر کیا ہے۔

حافظ ذہبی l ’’تاريخ الإسلام‘‘[10] میں حافظ ابن مدینی l اور حافظ عجلی l کا قول نقل کرنے کے بعد فرماتے ہیں: ’’ومشاه بعضهم‘‘. اور بعض نے اسے چلنے دیا ہے۔

حافظ ابن عدیl ’’الكامل‘‘[11] میں عمرو بن عبد الغفار کے بارے میں فرماتے ہیں : ’’ليس بالثبت بالحديث، حدث بالمناكير في فضائل علي رضي الله عنه‘‘. یہ حدیث میں ثبت نہیں ہے، اس نے علیr کے فضائل میں مناکیر  بیان کی ہیں۔

نیز حافظ ابن عدیl اس عمرو بن  عبد الغفار کے ترجمہ میں چند احادیث تخریج کرکے فرماتے ہیں: ’’وهو متهم إذا روى شيئا من الفضائل، وكان السلف يتهمونه بأنه يضع في فضائل أهل البيت، وفي مثالب غيرهم‘‘. اور وہ متہم ہے جب وہ فضائل میں کوئی چیز روایت کرے، اور سلف اس کو متہم قرار دیتے تھے، اس طور پر کہ وہ  اہل بیت کے فضائل اور دوسروں کی برائی میں حدیث گھڑتا تھا ۔

حافظ ابن حجر عسقلانی l ’’لسان المیزان‘‘[12] میں عمرو بن عبد الغفار فُقَیْمی کے ترجمہ میں فرماتے ہیں: ’’وأخرج له الحاكم في المستدرك‘‘. اور حاکم l نے ’’مستدرک‘‘میں اس کی حدیث تخریج کی ہے[13]۔

حافظ ابن قیسرانیl ’’ذخيرة الحفاظ‘‘[14] میں ایک روایت کے تحت فرماتے ہیں: ’’وعمرو هذا كان يتهم بوضع الحديث في المثالب والفضائل‘‘. اور یہ عمرو مثالب اور فضائل میں حدیث گھڑنے میں متہم ہے۔

حافظ ابو الحسن بن قطان فاسیl ’’بيان الوهم‘‘[15] میں فرماتے ہیں:  ’’وعمرو بن عبد الغفار ليس بشيء، وقد اتهمه الناس بوضع الحديث‘‘. اور عمرو بن عبد الغفار ’’لیس  بشیء‘‘ہے، اور لوگوں نے اسے حدیث گھڑنے میں متہم قرار دیا ہے۔

حافظ ذہبیl نے عمرو بن عبد الغفارکو’’المغني‘‘[16] میں’’هالك‘‘

اور ’’ميزان الاعتدال‘‘[17] میں’’متهم‘‘کہا ہے۔

حافظ ہیثمی l نے ’’مجمع الزوائد‘‘[18] میں ایک روایت کے تحت عمرو بن عبدالغفار کو ’’متروك‘‘کہا ہے۔

علامہ سبط ابن عجمی l ’’الكشف الحثيث‘‘[19]میں عمرو بن عبدالغفار کو متہمین کی فہرست میں ذکر کرکے فرماتے ہیں : ’’قال بن عدي: اتهم بوضع الحديث، انتهى، وقد ذكره ابن حبان في ثقاته‘‘.ابن عدی l فرماتے ہیں کہ یہ حدیث گھڑنے میں متہم ہے، انتہی ، اور ابن حبان lنے اسے ’’ثقات‘‘ میں ذکر کیا ہے۔

علامہ ابن عراق l نے ’’تنزيه الشريعة‘‘[20] میں عمرو بن عبد الغفار فقَیْمی کو وضاعین و متہمینکی فہرست میں شمار کرکےحافظ ابن عدی lکا کلام نقل  کیا ہے۔