رُشَید ہَجَری کوفی

حافظ یحیی بن معین l، رُشَید ہَجَری کے بارے میں فرماتے ہیں: ’’ليس برشيد، ولا أبوه‘‘[28]. یہ رُشد والا نہیں ہے، اور نہ ہی اس کا والد۔

حافظ یحیی بن معین l نے ایک مقام پر اسے ’’ليس بشيء‘‘ کہا ہے[29]۔

امام بخاریl ’’التاريخ الكبير‘‘[30] میں رُشَید ہَجَری کے بارے میں فرماتے ہیں: ’’يتكلمون في رُشَيد‘‘. محدثین رُشَید کے بارے میں کلام کرتے ہیں۔

حافظ جوزجانیl ’’ أحوال الرجال‘‘[31] میں فرماتے ہیں: ’’ كذاب، غير ثقة‘‘. کذاب ہے، ثقہ نہیں ہے۔

حافظ ذہبی l نے ’’ديوان الضعفاء‘‘[32] میں حافظ جوزجانیl کے قول پر اعتماد کیا ہے۔

امام نسائی l نے’’الضعفاء‘‘[33] میں رُشَید ہَجَری کو ’’ليس بالقوي‘‘ کہا ہے۔

حافظ ابن حبانl’’المجروحین‘‘[34]میں رُشَید ہَجَری کے بارے میں فرماتے ہیں: ’’ كان يؤمن بالرجعة، قال الشعبي: دخلت عليه يوما، فقال: خرجت حاجا، فقلت: لأعهدن بأمير المؤمنين عهدا، فأتيت بيت علي عليه السلام، فقلت لإنسان: استأذن لي على أمير المؤمنين، قال: أوليس قد مات؟ قلت: قد مات فيكم، والله! إنه ليتنفس الآن تنفس الحي، فقال: أما إذ عرفت سر آل محمد فادخل، قال: فدخلت على أمير المؤمنين، وأنبأني بأشياء تكون، فقال له الشعبي: إن كنت كاذبا فلعنك الله، وبلغ الخبر زيادا، فبعث إلى رُشَيد الهجري، فقطع لسانه، وصلبه على باب [دار] عمرو بن حريث‘‘.

یہ رجعت پر ایمان رکھتا تھا، شعبی lفرماتے ہیں: ایک دن میں اس کے پاس گیا، اس نے کہا: میں حج کےلئے نکلا، میں نے کہا کہ میں امیر المؤمنین سے ضرور عہد کروں گا، چنانچہ میں علی علیہ السلام کے گھر پہنچا، میں نے ایک شخص سے کہا: آپ میرے لئے امیر المؤمنین سے اجازت لے لیجئے، تو اس شخص نے کہا کہ کیا وہ فوت نہیں ہوگئے؟ میں نےکہا: وہ تم میں فوت ہوگئے ہیں، اللہ کی قسم! وہ زندوں کی طرح سانس لیتے ہیں، تو اس شخص نے کہا: اگر تمہیں آلِ محمد کے بھید کی معرفت ہے تو داخل ہوجاؤ، رُشَید کہتا ہے کہ میں امیر المؤمنین کے پاس آیا، اور انہوں نے مجھے ایسی اشیاء کے بارے میں خبر دی جو ہونی تھیں، تو شعبی lنے رُشَید سے کہا: اگر تو نے جھوٹ بولا ہے تو تجھ پر اللہ تعالی کی لعنت ہو، اور یہ خبر زیاد کو پہنچی، تو اس نے رُشَید کی جانب بھیج کر اس کی زبان کٹوا دی، اور بابِ عمرو بن حریث پر اسے سولی دے دی[35]۔

حافظ دار قطنی l ’’المؤتلف‘‘[36] میں رُشَید ہَجَری کے بارے میں فرماتے ہیں: ’’ولم يكن مستقيما في مذهبه‘‘. اور یہ اپنے مذہب میں مستقیم نہیں تھا۔

نیز حافظ دارقطنیl نے اسے ایک مقام پر ’’متروك‘‘ کہا ہے[37]۔

علامہ ابن عراق l ’’تنزيه الشريعة‘‘[38] میں رُشَید ہَجَری کو وضاعین ومتہمین کی فہرست میں شمار کرکے فرماتے ہیں: ’’قال أبو إسحق الجوزجاني: كذاب‘‘. ابو اسحاق جوزجانی l فرماتے ہیں کہ یہ کذاب ہے۔