عبد اللہ بن محمد بن یحیی بن عروہ مدینی

حافظ ابن ابی حاتمl ’’الجرح والتعديل‘‘[11] میں عبد اللہ بن یحیی کا ترجمہ قائم کرکے فرماتے ہیں: ’’سألت أبي عنه، فقال: هو متروك الحديث، ضعيف الحديث جدا، ولم يقرأ علينا ما كان سمع من إبراهيم بن المنذر عنه‘‘. میں نے اپنے والد سے اس کے بارے میں پوچھا تو انہوں نے فرمایا: وہ متروک الحدیث، ضعیف الحدیث جداً ہے، اور والد نے ہم پر اس کی ان احادیث کی قراءت نہیں کی جو آپ نے ابراہیم بن منذر سے، انہوں نے عبد اللہ بن محمد بن یحیی سے سنی تھیں۔

حافظ عقیلیl ’’الضعفاء الكبير‘‘[12] میں عبد اللہ بن محمد کے بارے میں فرماتے ہیں: ’’عن هشام بن عروة، لا يتابع على كثير من حديثه‘‘. یہ ہشام بن عروہ سے نقل کرتا ہے، اس کی بہت سی احادیث میں متابعت نہیں کی جاتی۔

حافظ ابن حبان l ’’المجروحين‘‘[13] میں عبد اللہ بن محمد کے بارے میں فرماتے ہیں: ’’ كان ممن يروي الموضوعات عن الأثبات، ويأتي عن هشام بن عروة ما لم يحدث به هشام قط، لا يحل كتابة حديثه، ولا الرواية عنه‘‘. یہ ان راویوں میں سے ہے جو ثبت راویوں کے انتساب سے من گھڑت احادیث روایت کرتے ہیں، اور یہ ہشام بن عروہ کے انتساب سے ایسی روایات لاتا ہے جو ہشام نے کبھی بیان نہیں کیں، اس کی حدیث کو لکھنا حلال نہیں ہے، اور نہ ہی اس سے روایت کرنا حلال ہے۔

حافظ ابن عدیl ’’الكامل‘‘[14] میں عبد اللہ بن محمد بن یحیی بن عروہ کے ترجمہ میں زیر بحث اور بعض دیگر روایات تخریج کرکے فرماتے ہیں: ’’هذا بهذا الإسناد لم أكتبه إلا عن علي الرازي، ولعبد الله بن محمد بن عروة غير ما ذكرت من الحديث، وأحاديثه عامتها مما لا يتابعه الثقات عليه، ولم أجد من المتقدمين فيه كلاما، ولم أجد بدا من ذكره، لما رأيت من أحاديثه أنها غير محفوظة، لما شرطت في أول الكتاب‘‘. یہ حدیث اس اسناد کے ساتھ میں نے صرف علی رازی (یعنی علی بن سعید بن بشیر رازی) سے لکھی ہے، اور عبد اللہ بن محمد بن عروہ کی میری ذکر کردہ احادیث کے علاوہ بھی احادیث ہیں، اور اس کی اکثر احادیث ایسی ہیں کہ ان میں ثقات اس کی متابعت نہیں کرتے، اور میں نے متقدمین کا اس کے بارے میں کوئی کلام نہیں دیکھا، اور میں نے اسے ذکر کرنا ضروری سمجھا ہے، کیونکہ میں نے اس کی غیر محفوظ احادیث دیکھی ہیں، کیونکہ میں نے کتاب کی ابتداء میں شرط لگائی تھی (یعنی ایسے روات کے تراجم قائم کرنے کی)۔

امام دارقطنیl اپنی ’’سنن‘‘[15] میں ایک روایت کے تحت عبد اللہ بن محمد بن یحیی کے بارے میں فرماتے ہیں: ’’وهو كثير الخطأ,على هشام، وهو ضعيف الحديث‘‘. یہ ہشام پر بہت زیادہ خطاء کرنے والا ہے، اور یہ ضعیف الحدیث ہے۔

امام ابو عبد اللہ حاکم نیشاپوری l ’’المدخل‘‘[16] میں فرماتے ہیں: ’’حدث عن هشام بن عروة بأحاديث مناكير‘‘. یہ ہشام بن عروہ کے انتساب سے منکر احادیث روایت کرتا ہے۔

حافظ ابونعیم اصبہانیl ’’المسند المستخرج‘‘[17] میں فرماتے ہیں: ’’صاحب مناكير وبواطيل‘‘. یہ مناکیر اور باطل احادیث والا ہے۔

حافظ عبد الحق اشبیلیl نے’’الأحكام الوسطى‘‘[18]میں ایک روایت کے تحت عبد اللہ بن محمد بن یحیی کو ’’ضعيف جدا‘‘ کہا ہے۔

علامہ ابو الفتح ابن سید الناس یعمری l نے’’النفح الشذي‘‘[19]میں ایک روایت کے تحت عبد اللہ بن محمد بن یحیی کو ’’ضعيف جدا‘‘ کہا ہے۔

حافظ ذہبی lنے ’’تلخيص المستدرك‘‘[20] میں ایک روایت کے تحت عبد اللہ بن محمد بن یحیی کو’’هالك‘‘ کہا ہے۔

 حافظ ذہبی lنے ’’ديوان الضعفاء‘‘[21] میں عبد اللہ بن محمد بن یحیی کو ’’واه‘‘ کہا ہے۔

نیز حافظ ذہبی lنے ’’ميزان‘‘[22] میں عبد اللہ بن محمد بن یحیی کے ترجمہ میں ایک روایت کو ذکر کرکے اسے اس کے ’’بلایا‘‘میں سے قرار دیا ہے۔

حافظ ابن ملقن l نے ’’البدر المنير‘‘[23] میں ایک روایت کے تحت عبد اللہ بن محمد بن یحیی کو’’واه‘‘ کہا ہے۔

حافظ ہیثمی l نے ’’مجمع الزوائد‘‘[24] میں ایک روایت کے تحت عبد اللہ بن محمد بن یحیی کو’’متروك الحديث‘‘ کہا ہے۔

حافظ ہیثمی l ہی ’’مجمع الزوائد‘‘[25] میں ایک روایت کے تحت عبد اللہ بن محمد بن یحیی کے بارے میں فرماتے ہیں: ’’نسبوه إلى وضع الحديث‘‘. محدثین نے اسے حدیث گھڑنے کی طرف منسوب کیا ہے۔

علامہ سبط ابن عجمی l ’’الكشف الحثيث‘‘[26] میں حافظ ابو حاتم l ، حافظ ابن حبان l ، حافظ ابن عدی l اور حافظ ذہبی l کا کلام نقل کرنے کے بعد فرماتے ہیں: ’’فكلام هؤلاء مع كلام الذهبي: ومن بلاياه، يقتضي أن يكون هو يضع، والله أعلم‘‘. ان تمام ائمہ کے کلام کے ساتھ ساتھ ذہبی l کا کلام ’’اور اس کے بلایامیں سے ہے‘‘ اس بات تقاضہ کرتا ہے کہ حدیث گھڑنے والا یہی ہے، واللہ اعلم۔

حافظ ابن حجر عسقلانی l نے ’’تلخيص الحبير‘‘[27] میں ایک روایت کے تحت عبد اللہ بن محمد بن یحیی کو ’’متروك‘‘ کہا ہے۔

علامہ ابن عراقl ’’تنزيه الشريعة‘‘[28] میں عبد اللہ بن محمد بن یحیی کو وضاعین ومتہمین کی فہرست میں شمار کرکے فرماتے ہیں: ’’قال ابن حبان: يروي الموضوعات عن الأثبات‘‘. ابن حبان l فرماتے ہیں: یہ ثبت راویوں کے انتساب سے من گھڑت احادیث روایت کرتا ہے۔