عبد السلام بن عبید بن ابی فروہ نصیبی

حافظ ابن حبان l ’’ المجروحين‘‘[29] میں عبد السلام بن عبید کے بارے میں فرماتے ہیں: ’’يسرق الحديث، ويلزق بالثقات الأشياء التي رواها غيرهم من الأثبات، لا يجوز الاحتجاج به بحال‘‘. یہ حدیث سرقہ کرتا ہے، اور ثقہ راویوں پر ایسی اشیاء چسپاں کرتا ہے جن کو دوسروں نے ثبت راویوں سے روایت کیا ہوتا ہے، اس سے کسی بھی حالت میں احتجاج جائز نہیں ہے۔

حافظ ابو الفتح ازدیl فرماتے ہیں: ’’لا يكتب حديثه‘‘[30]. اس کی حدیث نہیں لکھی جائے گی۔

حافظ ابن جوزی l نے ’’الضعفاء‘‘[31] میں اور حافظ ذہبیl نے ’’ميزان‘‘[32] میں حافظ ابن حبان l اور حافظ ازدی l کے قول پر اعتماد کیا ہے۔

حافظ دارقطنیl نے ’’العلل‘‘[33]میں عبد السلام بن عبید کو ’’ليس بشيء‘‘ کہا ہے۔

حافظ ابن قیسرانیl ’’تذكرة الحفاظ‘‘[34] میں ایک روایت کے تحت فرماتے ہیں: ’’وعبد السلام سرقه وركبه‘‘. اور عبد السلام نے اس میں سرقہ اور ترکیب کی ہے۔

حافظ ابن حجر عسقلانیl نے ’’النكت‘‘[35] میں ایک روایت کے تحت عبد السلام بن عبید کو ’’ضعيف جدا‘‘ کہا ہے۔

علامہ ابن عراق l’’تنزيه الشريعة‘‘[36] میں عبد السلام بن عبید کو وضاعین ومتہمین کی فہرست میں شمار کرکے فرماتے ہیں: ’’قال ابن حبان: كان يسرق الحديث، ويروي الموضوعات‘‘. ابن حبان l فرماتے ہیں: حدیث سرقہ کرتا تھا، اور من گھڑت احادیث روایت کرتا تھا۔