ابو یَسَع مَسْعَدہ بن یَسَع بن قیس یشکری باہلی بصری

امام احمد بن حنبلl فرماتے ہیں: ’’مَسْعَدَة بن اليَسَع ليس بشيء، خرقنا حديثه، أو تركنا حديثه منذ دهر‘‘[44]. مَسْعَدَہ بن یَسَع لیس بشیء ہے، ہم نے اس کی حدیث کو پھاڑ دیا ہے، یا (فرمایا) ہم نے اس کی حدیث کو ایک زمانے سے ترک کر دیا ہے۔

امام بخاریl ’’التاريخ الكبير‘‘[45] میں فرماتے ہیں: ’’وكان أحيانا يكون بمكة، روى عنه مروان بن سالم، قال قتيبة: أدركته، ولم أكتب عنه، وكان يذكر بالصلاح، قال أحمد: مَسْعَدَة بن اليَسَع ليس بشيء، خرقنا حديثه، وتركنا حديثه منذ دهر‘‘. یہ کبھی کبھی مکہ میں ہوتا تھا، اس سے مروان بن سالم نے روایت کی ہے، قتیبہ l فرماتے ہیں: میں اس سے ملا ہوں، اور میں نے اس سے نہیں لکھا، اور وہ اس کا تذکرہ صلاح کے ساتھ کرتے تھے، احمد l فرماتے ہیں: مَسْعَدَہ بن یَسَع لیس بشیء ہے، ہم نے اس کی حدیث کو پھاڑ دیا ہے، اور ہم نے اس کی حدیث کو ایک زمانے سے ترک کر دیا ہے۔

یہی تفصیل امام بخاری l نے ’’التاريخ الصغير‘‘[46] میں بھی ذکر کی ہے، لیکن اس میں یہ الفاظ نہیں ہیں: ’’اور وہ اس کا تذکرہ صلاح کے ساتھ کرتے تھے‘‘۔

امام مسلم l نے ’’الكنى‘‘[47] میں مَسْعَدَہ کو ’’ضعيف الحديث‘‘ کہا ہے۔

امام ابو داؤد l ، مَسْعَدَہ کے بارے میں فرماتے ہیں: ’’ليس بشيء، كان من الكذابين‘‘[48]. لیس بشیء ہے، یہ جھوٹوں میں سے تھا۔

حافظ ابو حاتم l ، مَسْعَدَہ کے بارے میں فرماتے ہیں: ’’هو ذاهب، منكر الحديث، لا يشتغل به، يكذب على جعفر بن محمد عندي، والله أعلم‘‘[49]. وہ ذاہب، منکر الحدیث ہے، اس میں مشغول نہ ہوا جائے، میرے نزدیک یہ جعفر بن محمد پر جھوٹ بولتا تھا، واللہ اعلم۔

حافظ ابن ابی  حاتم l ’’الجرح التعديل‘‘[50] میں فرماتے ہیں: ’’سألت أبي يوما عن حديث لمَسْعَدَة، فلم يحدثني به‘‘. میں نے ایک دن اپنے والد سے مَسْعَدَہ کی حدیث کے بارے میں پوچھا، تو انہوں نے مجھےاس کی حدیث بیان نہیں کی۔

حافظ ابو بکر احمد بن ابی خیثمہ l ’’التاريخ الكبير‘‘[51] میں فرماتے ہیں: ’’وسئل يحيى بن أيوب: لم ترك حديث مَسْعَدَة بن اليَسَع؟ قال: لأنه روى حديثا أنكروه، قال مَسْعَدَة: حدثنا جعفر بن محمد، قال: رأيت خفاشا مختونة‘‘. یحیی بن ایوب (یعنی ابو زکریا یحیی بن ایوب مَقَابِری l) سے پوچھا گیا کہ مَسْعَدَہ بن یَسَع کی حدیث کو کیوں ترک کیا گیا ہے؟ یحیی بن ایوب l نے فرمایا: کیونکہ اس نے ایک حدیث روایت کی تھی، جس پر محدثین نے انکار کیا تھا، مَسْعَدَہ کا کہنا ہے کہ ہمیں جعفر بن محمد نے بیان کیا ہے کہ میں نے ایک مختون چمگادڑ دیکھا ہے۔

حافظ ابن حبانl ’’المجروحين‘‘[52]  میں فرماتے ہیں:  ’’ كان ممن يروي عن الثقات الأشياء المقلوبات، حتى إذا سمعها المبتدئ في الصناعة علم أنه لا أصول لها‘‘. یہ ان راویوں میں سے ہے جو ثقہ راویوں کے انتساب سے مقلوب اشیاء روایت کرتے ہیں، حتی کہ ان اشیاء کو جب صناعت میں مبتدی شخص سنتا ہے تو وہ بھی جان لیتا ہے کہ ان کی کوئی اصل نہیں ہے۔

حافظ ابن عدی l ’’الكامل‘‘[53] میں فرماتے ہیں: ’’ومَسْعَدَة هذا ضعيف الحديث، كل ما يرويه من المراسيل ومن المسند وغيره‘‘. اور یہ مَسْعَدَہ ضعیف الحدیث ہے، مراسیل اور مسند وغیرہ تمام میں۔

امام دار قطنی l نے مَسْعَدَہ بن یَسَع کو ’’الضعفاء‘‘[54] میں ذکر کیا ہے۔

حافظ ابو الفتح ازدی l نے مَسْعَدَہ بن یَسَع کو ’’متروك الحديث‘‘ کہا ہے[55]۔

حافظ ابو عبد اللہ حاکم نیشاپوری l نے ’’المستدرك‘‘[56] میں مَسْعَدَہ بن یَسَع کی احادیث تخریج کی ہیں۔

امام ابو الحسین قدوری l ’’التجريد‘‘[57] میں ایک حدیث کے تحت مَسْعَدَہ بن یَسَع کے بارے میں فرماتے ہیں: ’’وهو من وضاع الحديث، روى نسخا موضوعا‘‘. یہ حدیث گھڑنے والا ہے، اس نے ایک من گھڑت نسخہ روایت کیا ہے۔

امام بیہقی l نے ’’شعب الإيمان‘‘[58] میں مَسْعَدَہ بن یَسَع کو ایک روایت کے تحت ’’ضعيف بمرة‘‘ کہا ہے۔

حافظ ابن قیسرانی l نے ’’ذخيرة الحفاظ‘‘[59] میں ایک حدیث کے تحت مَسْعَدَہ بن یَسَع کو ’’متروك الحديث‘‘ کہا ہے۔

حافظ عبد الحق اشبیلی l ’’الأحكام الوسطى‘‘[60] میں ایک روایت کے تحت فرماتے ہیں: ’’ومَسْعَدَة ضعيف، بل متروك‘‘. اور مَسْعَدَہ ضعیف بلکہ متروک ہے۔

حافظ ذہبی l نے مَسْعَدَہ بن یَسَع کو ’’المقتنى‘‘[61] میں ’’لين‘‘، ’’تاريخ الإسلام‘‘[62] میں ’’ أحد الضعفاء‘‘ اور ’’ميزان‘‘[63] میں ’’هالك‘‘ کہا ہے۔

حافظ ذہبی l ’’المغني‘‘[64] میں مَسْعَدَہ بن یَسَع کے بارے میں فرماتے ہیں: ’’هالك، كذبه أبو داود‘‘. ہالک ہے، ابو داؤد l نے اسے کذاب کہا ہے۔

نیز حافظ ذہبی l ہی ’’تلخيص الموضوعات‘‘[65] میں ایک روایت کے تحت مَسْعَدَہ بن یَسَع کے بارے میں فرماتے ہیں: ’’وقد وضعه مَسْعَدَة بن اليَسَع‘‘. اور اسے مَسْعَدَہ بن یَسَع نے گھڑا ہے۔

حافظ ابن ملقن l نے ’’التوضيح‘‘[66] میں ایک روایت کے تحت مَسْعَدَہ بن یَسَع کو ’’متروك‘‘ کہا ہے۔

حافظ ہیثمی l نے ’’مجمع‘‘میں ایک روایت کے تحت مَسْعَدَہ بن یَسَع کو ایک مقام پر ’’ضعيف‘‘[67]، دوسرے مقام پر ’’ضعيف جدا‘‘[68] اور ایک مقام پر ’’كذاب‘‘[69] کہا ہے۔

حافظ ابن حجر عسقلانی  l نے ’’لسان‘‘[70]  میں نضر بن شُفَی کے ترجمہ میں مَسْعَدَہ بن یَسَع کو ’’أحد المتروكين‘‘ کہا ہے۔

علامہ ابن عراق l’’تنزيه الشريعة‘‘[71] میں مَسْعَدَہ بن یَسَع کو وضاعین ومتہمین کی فہرست میں شمار کرکے فرماتے ہیں: ’’هالك، كذبه أبو داود‘‘. ہالک ہے، ابو داؤد l نے اسے کذاب کہا ہے۔