عبد الرحمن بن قيس ابو معاویہ زعفرانی

عبد اللہ بن احمدl ’’ العلل ومعرفة الرجال‘‘ میں فرماتے ہیں کہ میں نے اپنے والد سے عبد الرحمن بن قیس زعفرانی کے بارے میں پوچھا،آ پ نےموصوف كے بارے میں کہا: ’’ لم يكن بشيء متروك الحديث (شديد جرح) ‘‘[5].

حافظ عقیلی lنے ’’الضعفا ءالکبیر‘‘[6]میں اور حافظ محمد بن طاہرمقدسی l نے ’’معرفة التذکرة‘‘[7]میں زعفرانی کے متعلق امام احمد کے قول پر اكتفاءکیا ہے۔

حافظ خطیب بغدادی l ’’تاریخ مدینة السلام‘‘ میں عبدالرحمن بن قیس کے بارے میں حافظ ابن مہدی l  کے حوالے سے نقل فرماتے ہیں: ’’ كان عبد الرحمن بن مهدي يكذّبه‘‘[8]. عبد الرحمن بن مہدی l اسے جھوٹا کہتے تھے۔

حافظ خطیب بغدادیl ہی’’تاریخ مدینة السلام‘‘[9] میں عبدالرحمن بن قیس کے بارے میں امام أبوزرعہ رازی l  کاقول نقل کرتے ہیں: ’’ كذاب‘‘. یہ جھوٹاہے۔

حافظ ذہبیl نے’’المغنی فی الضعفاء‘‘[10]میں عبد الرحمن کے بارے میں ابوزرعہ رازی l کےقول پر اكتفاء کیا ہے۔

حافظ ابو حاتم محمد بن حبا ن البستی l ’’المجروحین‘‘ میں عبد الرحمن بن قیس زعفرانی کےمتعلق فرماتے ہیں:

’’ كان ممن يقلب الأسانيد، وينفرد عن الثقات بما لا يشبه حديث الأثبات، تركه أحمد بن حنبل ‘‘[11]. یہ ان لوگوں میں سے تھا جو سندوں میں تبدیلی کیا کرتے تھے، اوریہ تنہا ثقہ راویوں سے ایسی احادیث نقل کرتے ہیں جوثقہ راویوں کی روایات کے مشابہ نہیں ہوتیں،احمد بن حنبل l نے اسے ترک کر دیا تھا۔

امام ابوسعد عبدالکریم السمعانیl ’’الأنساب‘‘[12]میں عبدالرحمن بن قیس زعفرانی کے متعلق امام احمدl اور ابن حبانl کے کلام پر اكتفاءکرتے ہیں۔

امام بخاریl ’’التاریخ الکبیر‘‘[13] میں عبد الرحمن بن قیس کے متعلق فرماتے ہیں: ’’ذهب حديثه‘‘ (جرح)۔

حافظ خطیب بغدادیl’’تاریخ مدینة السلام‘‘[14] میں عبدالرحمن بن قیس کےمتعلق امام مسلم l کاقول نقل فرماتے ہیں: ’’ذاهب الحديث‘‘ (جرح)۔

امام نسائی l ’’الضعفاء والمتروکین‘‘[15] میں فرماتے ہیں: ’’متروك الحديث ‘‘(شديدجرح) .

صالح بن محمد بغدادی l،عبدالرحمن بن قیس زعفرانی کے متعلق فرماتے ہیں : ’’ كان يضع الحديث‘‘[16] . وہ حدیثیں گھڑتاتھا۔

             حافظ خطیب بغدادی l نے ’’تاریخ مدینة السلام‘‘[17] میں عبدالرحمن بن قیس زعفرانی کے بارے میں امام احمد بن حنبل l، حافظ عبد الرحمن بن مہدی l، حافظ ابو زرعہ رازی l،امام بخاری l، امام مسلمlاور ابوعلی صالح بن محمدl کے کلام پر اكتفاء کیا ہے۔

   حافظ ابو نعیم اصبہانیl نے ’’کتاب الضعفاء‘‘[18]میں عبدالرحمن کو ’’لا شيء‘‘. (جرح)کہا ہے۔

    علامہ ابن الجوزی l نے ’’الضعفاء والمتروکین‘‘[19]میں امام احمدl، امام نسائی l، امام ابوزرعہ رازیl، حافظ صالح بن محمدl، امام بخاری l اورامام مسلم l کےکلام پر اكتفاءکیا ہے۔

حافظ ابن حجر l ’’تقریب التهذیب‘‘[20]میں عبدالرحمن بن قیس زعفرانی کے بارے میں فرماتے ہیں: ’’متروك، كذبه أبو زرعة وغيره‘‘ .یہ متروک ہے، ابو زرعہ l وغیرہ نے اسے جھوٹا کہا ہے۔