عبدالسلام بن عبدالقدوس شامی

حافظ ابوحاتم l ’’الجرح والتعدیل‘‘[12] میں فرماتے ہیں: ’’هو وأبوه ضعيفان‘‘.عبدالسلام اور اس کے والد عبدالقدوس دونوں ضعیف راوی ہیں۔

امام ابوداؤد l فرماتے ہیں: ’’ليس بشىء، وابنه شر منه‘‘ [13] .یہ عبد القدوس  لیس بشیء ہے، اور اس کا بیٹا اس سے بھی بُرا ہے۔

حافظ ابن حبان l ’’المجروحین‘‘[14] میں لکھتے ہیں: ’’شيخ من أهل الشام، شيخ، يروي عن هشام بن عروة وابن أبي عبلة الأشياء الموضوعة، لا يحل الاحتجاج به بحال‘‘. شیخ شام والوں میں سے ہے، یہ شیخ، ہشام بن عروہ اور ابن ابی عبلہ کے انتساب سے من گھڑت احادیث نقل کرتا ہے، اس سے کسی بھی حالت میں احتجاج حلال نہیں ہے۔

حافظ عقیلی l ’’الضعفاء الکبیر‘‘[15] میں لکھتے ہیں: ’’ لا يتابع على شيء من حديثه، وليس ممن يقيم الحديث‘‘.ان کی احادیث میں کسی بھی چیز میں متابعت نہیں ملتی، اور یہ مقیم الحدیث راویوں میں سے نہیں ہے۔

حافظ ابن عدی l ’’الکامل‘‘[16] میں فرماتے ہیں: ’’ولعبد السلام غير ما ذكرت، وعامة ما يرويه غير محفوظ، وقد روى عبد السلام هذا عن الأعمش أحاديث مناكير‘‘.عبدالسلام کی اس کے علاوہ بھی روایات ہیں، ان کی اکثر احادیث غیر محفوظ ہیں، یہ عبدالسلام اعمش کے انتساب سے منکر احادیث نقل کرتا ہے۔

حافظ ذہبی l عبد السلام بن عبد القدوس کے بارے میں فرماتے ہیں: ’’عبد السلام هالك‘‘[17] .

علامہ ابن عراق l نے ’’تنزيه الشريعة‘‘ [18] میں عبد السلام بن عبد القدوس کو وضاعین ومتہمین کی فہرست میں ذکر کرکے حافظ ابن حبان l کے کلام پر اکتفاء کیا ہے۔