زبیر بن عبد اللہ بن ابی خالد ابن رُہَیْمہ مدینی قرشی اموی

حافظ یحیی بن معین l ، زبیر بن عبد اللہ کے بارے میں فرماتے ہیں: ’’يكتب حديثه‘‘[7]. اس کی حدیث لکھی جائے گی۔

امام احمد بن حنبلl ’’العلل‘‘[8] میں فرماتے ہیں: ’’الزبير بن عبد الله، عن جعفر بن مصعب، لا نعرفهما‘‘. زبیر بن عبد اللہ، جعفر بن مصعب سے روایت کرتا ہے، ہمیں ان دونوں کی معرفت نہیں ہے۔

امام بخاری l نے ’’التاريخ الكبير‘‘[9] میں زبیر بن عبد اللہ کا ترجمہ قائم کرکے سکوت کیا ہے۔

حافظ ابو حاتم l نے زبیر بن عبد اللہ کو ’’صالح الحديث‘‘ کہا ہے[10]۔

حافظ ابن حبانl نے زبیر بن عبد اللہ کو ’’الثقات‘‘[11] میں ذکر کیا ہے۔

حافظ ابن عدی l نے ’’الكامل‘‘[12] میں زبیر بن عبد اللہ مدینی مولی عثمان کے ترجمہ میں تین احادیث تخریج کی ہیں، ان میں ایک زیرِ بحث روایت بھی ہے، پھر فرماتے ہیں: ’’وأحاديث زبير هذا منكرة المتن والإسناد، لا تروى إلا من هذا الوجه‘‘. اس زبیر کی احادیث کا متن واسناد منکر ہے، یہ صرف اسی طریق سے منقول ہیں۔

حافظ ذہبیl نے زبیر بن عبد اللہ کو ’’ميزان‘‘[13] میں ’’ليس بذاك‘‘، ’’ديوان‘‘[14] میں ’’لا يترك‘‘ اور ’’المغني‘‘[15] میں ’’ليس بحجة‘‘ کہا ہے۔

حافظ ابن حجر عسقلانی l نے ’’التقريب‘‘[16] میں زبیر بن عبد اللہ کو ’’مقبول‘‘ کہا ہے۔