دینار ابو مِکْیَسْ حبشی

حافظ ذہبی l ’’ميزان الاعتدال‘‘[21] میں فرماتے ہیں:

’’عن أنس ذاك التالف المتهم، قال ابن حبان: يروي عن أنس أشياء موضوعة، وقال ابن عدي: ضعيف ذاهب‘‘. یہ انس r سے روایات نقل کرتا ہے،یہ تباہ حال،متہم شخص ہے،ابن حبان l کا کہنا ہے کہ یہ انس r کے انتساب سے من گھڑت چیزیں نقل کرتا ہے،ابن عدی l نے اسےضعیف،ذاہب کہا ہے۔

اس کے بعد حافظ ذہبی l نے اس کی حضرت انس r سے روایت کردہ چند احادیث نقل کیں،پھر لکھتے ہیں:

’’إن كان من هذا الضرب، فيقدر أن يروي عنه عشرين ألفا كلها كذب ‘‘ .جب یہ اس قسم کا شخص ہے،پھر تو انس r سے بیس ہزار احادیث بھی نقل کر سکتا ہے،جو تمام تر جھوٹی ہوں۔

حافظ ابن حجر عسقلانی l ،حافظ ذہبی l کے قول کو نقل کرنے کے بعد لکھتے ہیں:

’’وقال الحاكم: روى عن أنس قريبا من مئة حديث موضوعة ‘‘ . حاکم l کا کہنا ہے کہ اس نے انس r کے انتساب سے ایک سو احادیث گھڑی ہیں[22]۔