ابو الحسن عبداللہ بن محمد بن مغیرہ کوفی

امام ابو حاتم l ’’الجرح والتعدیل‘‘ [11] میں فرماتے ہیں: ’’لیس بالقوي‘‘. یہ قوی نہیں ہے۔

حافظ عقیلی l ’’الضعفاء الکبیر‘‘ [12] میں فرماتے ہیں:

’’وكان يخالف في بعض حديثه، ويحدث بما لا أصل له‘‘. یہ بعض حدیثوں میں دوسروں کی مخالفت کرتا ہے،نیز ایسی حدیثیں نقل کرتا ہے جن کی کوئی اصل نہیں ہوتی۔

حافظ ابن جوزی l نے حافظ عقیلی l، حافظ ابوحاتم l،اور حافظ ابن عدی l کے کلام کو لانے پر اکتفاء کیا ہے [13]۔

’’قال أبو حاتم: ليس بقوي، قال ابن يونس: منكر الحديث، وقال ابن عدى: عامة ما يرويه لا يتابع عليه.... قال النسائي: روى عن الثوري ومالك بن مِغْوَل أحاديث، كانا أتقى الله من أن يحدثا بها‘‘[14].

’’ابو حاتم l کا کہنا ہے کہ یہ قوی نہیں ہے،ابن یونسl فرماتے ہیں کہ یہ منکر الحدیث ہے،اور ابن عدی l فرماتے ہیں کہ اس کی عام روایتیں ایسی ہیں کہ ان کا کوئی متابع نہیں ہے ۔۔۔ امام نسائی l فرماتے ہیں کہ ثوری l اور مالک بن مِغْوَلl سے روایتیں نقل کرتا ہے ،اور ثوری اور مالک بن مِغْوَل اللہ تعالی سے ڈرنے والے تھے اس جیسی رایات بیان کرنے سے ‘‘ ۔

حافظ ذہبی l ان کے ترجمہ میں حافظ ابن عدی l کی ذکر کردہ بعض احادیث لا کر فرماتے ہیں: ’’هذه موضوعات‘‘. یہ من گھڑت ہیں۔

علامہ برہان الدین حلبی l ،حافظ ذہبی l کے اس جملہ کے بعد لکھتے ہیں:

’’فيحتمل أنه وضعها، ويحتمل غيره‘‘[15]. احتمال ہے کہ ان روایات کواس نے گھڑا ہے، اور یہ بھی احتمال ہے کہ اس کے علاوہ کسی اور نے گھڑا ہو۔

حافظ ذہبی l ہی ’’تاريخ الإسلام‘‘ [16] میں تحریر فرماتے ہیں: ’’كوفي متروك، سكن مصر، وروى الطامات‘‘. کوفی متروک ہے،مصر میں رہتا تھا، ’’مصائب‘‘ لاتا تھا۔

حافظ ابن عراق l فرماتے ہیں: ’’روى عن الثوري ومالك بن مِغْوَل موضوعات‘‘[17]. ثوری اور مالک بن مِغْوَل کے انتساب سے موضوعات نقل کرتاہے ۔