ابو معاذ عائذ اللہ مجاشعی

امام بخاریl ’’التاريخ الكبير‘‘[39] اور ’’الضعفاء‘‘[40] میں عائذ اللہ  مجاشعی کا ترجمہ قائم کرکے فرماتے ہیں:  ’’عن أبي داود، روى عنه سلام بن مسكين، لا يصح حديثه‘‘. یہ ابو داؤد سے روایت کرتا ہے، اس سے سلام بن مسکین روایت کرتا ہے، اس کی حدیث صحیح نہیں ہے۔

حافظ ذہبی l نے ’’الكاشف‘‘[41] میں امام بخاریl کے کلام کو نقل کیا ہے۔

حافظ ساجی l فرماتے ہیں: ’’ لا يصح حديثه‘‘[42] . اس کی حدیث صحیح نہیں ہے۔

حافظ ابو حاتمl نے اسے ’’ منكر الحديث ‘‘ کہا ہے[43]۔ 

حافظ عقیلیl ’’الضعفاء الكبير‘‘[44] میں فرماتے ہیں: ’’عائذ الله المجاشعي: عن أبي داود، لا يعرف إلا به، حدثني آدم بن موسى، قال: سمعت البخاري قال: عائذ الله المجاشعي، عن أبي داود، روى عنه سلام بن مسكين، لا يصح حديثه، وهذا الحديث حدثناه محمد بن إسماعيل ...‘‘. ’’عائذ اللہ مجاشعی یہ ابو داؤد سے روایت کرتا ہے، یہ صرف اسی سے معروف ہے، مجھے آدم بن موسی نے بیان کیا ہے، وہ فرماتے ہیں: میں نے بخاری l کو فرماتے ہوئے سنا: ’’عائذ اللہ مجاشعی یہ ابو داؤد سے روایت کرتا ہے، اس سے سلام بن مسکین نے روایت کی ہے، اس کی حدیث صحیح نہیں ہے‘‘، (حافظ عقیلی l فرماتے ہیں) اور یہ حدیث ہمیں محمد بن اسماعیل نے بیان کی ہے۔۔۔‘‘[45]۔

پھر حافظ عقیلی l نے مذکور ابو جعفر محمد بن اسماعیل بن سالم سے زیر بحث روایت تخریج کی ہے۔

حافظ ابن حبانl ’’المجروحین‘‘[46] میں فر ماتے ہیں:  ’’يروي عن أبي داود، أحسبه نفيع، روى عنه سلام بن مسكين، منكر الحديث على قلته، لا يجوز تعديله إلا بعد السبر، ولو كان ممن يروي المناكير ووافق الثقات في الأخبار لكان عدلا مقبول الرواية، إذ الناس أحوالهم على الصلاح والعدالة، حتى يتبين منهم ما يوجب القدح، فيجرح بما ظهر منه من الجرح، هذا حكم المشاهير من الرواة، وأما المجاهيل الذين لم يرو عنهم إلا الضعفاء، فهم متروكون على الأحوال كلها‘‘.

یہ ابو داؤد سے روایت کرتا ہے، میرا گمان یہ ہے کہ ابو داؤد کا نام نفیع ہے، عائذ اللہ سے سلام بن مسکین روایت کرتا ہے، قلت روایت کے باوجود یہ منکر الحدیث ہے، اس کی تعدیل کرنا جائز نہیں ہے مگر سبر (اعتبار) کے بعد، اگر یہ اُن لوگوں میں سے ہو جو مناکیر روایت کرتے ہیں اور اخبار میں ثقات کی موافقت کرتے ہیں تو یہ عادل، مقبول الروایہ ہوگا، اس لئے کہ لوگوں کے احوال صلاح اور عدالت پر ہیں، یہاں تک کہ اگر اِن میں ایسی چیز ظاہر ہوجائے جو جرح کا موجب ہو، چنانچہ اس سے ظاہر ہونے والے امر جرح کی وجہ سے اس کی جرح کی جائے گی، یہ حکم اُن راویوں کے اعتبار سے ہے جو مشاہیر ہیں، البتہ ایسے مجاہیل جن سے صرف ضعفاء ہی روایت کرتے ہیں  وہ تمام احوال میں متروک ہی ہوں گے۔

نیز حافظ ابن حبانl نے عائذ اللہ مجاشعی کو ’’الثقات‘‘[47]میں بھی ذکر کیا ہے۔

حافظ ذہبیl نے ’’المغني‘‘[48] میں حافظ ابو حاتمl کے قول کو نقل کیا ہے۔

حافظ ابن عدیl ’’الكامل‘‘[49] میں عائذ اللہ مجاشعی کے ترجمہ میں فرماتے ہیں: ’’عن أبي داود، روى عنه سلام بن مسكين، لا يصح حديثه‘‘.یہ ابو داؤد سے روایت کرتا ہے، اس سے سلام بن مسکین روایت کرتا ہے، اس کی حدیث صحیح نہیں ہے۔

اس کے بعد حافظ ابن عدی l نے سابقہ امام بخاری l کا قول نقل کرکے زیر بحث روایت تخریج کی ہے۔

حافظ ذہبی l ’’ميزان الاعتدال‘‘[50] میں عائذ اللہ مجاشعی کے ترجمہ میں فرماتے ہیں: ’’عن أبي داود نفيع، قال أبو حاتم: منكر الحديث، وعنه سلام بن مسكين، حديثه في الأضحية: وأن بكل شعرة حسنة، وقال البخاري: لا يصح حديثه‘‘. یہ ابو داؤد نفیع سے روایت کرتا ہے، ابو حاتم l فرماتے ہیں: یہ منکر الحدیث ہے، اور اس سے سلام بن مسکین روایت کرتا ہے، اور اس عائذ اللہ مجاشعی کی قربانی کے باب میں ایک حدیث ہے: ’’ہر بال کے بدلہ میں ایک نیکی ہے‘‘، بخاری l  کا کہنا ہے کہ اس کی حدیث صحیح نہیں ہے۔

حافظ ابن حجرعسقلانیl نے ’’تقريب التهذيب‘‘[51] میں عائذ اللہ مجاشعی کو ’’ضعيف‘‘ کہا ہے۔