ابو مصعب محمد بن زیاد طحان یَشْکُرِی جزری رَقِّی کوفی میمونی

حافظ یحیی بن معین l فرماتے ہیں: ’’ كان ببغداد قوم يضعون الحديث، كذابين، منهم: محمد بن زياد، كان يضع الحديث‘‘[3]. بغداد کی  ایک جماعت حدیث گھڑتی تھی، وہ جھوٹےہیں، اسی میں سے ایک محمد بن زیاد بھی ہے، جو حدیث گھڑتا تھا۔

حافظ یحیی بن معین l ایک دوسرے مقام پر فرماتے ہیں: ’’محمد بن زياد الطحان ليس بشيء، كذاب، الذي يروي عن ميمون بن مهران ما يروي‘‘[4]. محمد بن زیاد طحان لیس بشیء، کذاب ہے، اسے کچھ نقل کرنا ہو تو  میمون بن مہران سے روایت کردیتا ہے۔

امام احمد بن حنبل l فرماتے ہیں: ’’ كذاب، خبيث، أعور، يضع الحديث‘‘[5]. کذاب ہے، خبیث ہے، کانا ہے، حدیث گھڑتا ہے۔

حافظ ذہبی l نے ’’الكاشف‘‘[6] میں محمد بن زیاد یشکری کا ترجمہ قائم کرکے امام احمد بن حنبل l  کے قول کو نقل کرنے پر اکتفاء کیا ہے۔

علامہ عبد اللہ بن علی l کہتے ہیں کہ میں نے اپنے والد علی بن مدینی l سے محمد بن زیاد کے بارے میں پوچھا، انہوں نے کہا: ’’ كتبت عنه كتابا، فرميت به، وضعفه جدا‘‘[7]. میں نے اس سے ایک کتاب لکھی تھی، پھر میں نے اسے پھینک دیا، اور انہوں نے اس کو ضعیف جداً کہا۔

امام بخاری l ’’التاريخ الكبير‘‘[8] میں فرماتے ہیں: ’’قال لي عمرو بن زرارة: كان محمد بن زياد يتهم بوضع الحديث‘‘. مجھے عمرو بن زرارہ l نے کہا: محمد بن زیاد حدیث گھڑنے میں متہم ہے۔

نیز امام بخاری l محمد بن زیاد کے بارے میں یہ بھی فرماتے ہیں: ’’محمد بن زياد صاحب ميمون بن مهران متروك الحديث‘‘[9]. میمون بن مہران کا ساتھی محمد بن زیاد ’’متروک الحدیث‘‘ ہے۔

حافظ ابراہیم بن یعقوب جوزجانی l ’’ أحوال الرجال‘‘[10] میں فرماتے ہیں: ’’ كان كذابا‘‘. یہ جھوٹا تھا۔

حافظ ابو حاتم l فرماتے ہیں: ’’متروك الحديث‘‘[11].

حافظ ابو زرعہ l فرماتے ہیں: ’’محمد بن زياد صاحب ميمون كان يكذب‘‘[12]. میمون کا ساتھی محمد بن زیاد جھوٹ بولتا ہے۔

حافظ ابو حفص عمرو بن علی فلاس l فرماتے ہیں: ’’ومحمد بن زياد صاحب ميمون بن مهران متروك الحديث، كذاب، منكر الحديث‘‘[13]. اور محمد بن زیاد جو میمون بن مہران کا ساتھی ہے ، وہ متروک الحدیث، جھوٹا، منکر الحدیث ہے۔

حافظ عجلی l نے محمد بن زیاد کو ’’متروك الحديث‘‘[14] کہا ہے۔

امام ترمذی l ایک روایت کے تحت فرماتے ہیں: ’’ومحمد بن زياد هذا هو صاحب ميمون بن مهران، ضعيف في الحديث جدا‘‘[15]. اور محمد بن زیاد یہ میمون بن مہران کا ساتھی ہے، حدیث میں انتہائی ضعیف ہے۔

امام نسائی l ’’الضعفاء والمتروكين‘‘[16] میں محمد بن زیاد کے بارے میں فرماتے ہیں: ’’متروك الحديث‘‘. یہ متروک الحدیث ہے۔

امام نسائی l نے ایک دوسرے مقام پر اسے ’’ كذاب‘‘ کہا ہے[17]۔

حافظ ابن بَرْقِی l نے محمد بن زیاد کو ’’ كذابين‘‘ کے طبقہ میں شمار کیا ہے[18]۔

حافظ ابن حبانl ’’المجروحین‘‘[19] میں فرماتے ہیں: ’’ كان ممن يضع الحديث على الثقات ويأتي عن الأثبات بالأشياء المعضلات، لا يحل ذكره في الكتب إلا على جهة القدح، ولا الرواية عنه إلا على سبيل الاعتبار عند أهل الصناعة خصوصا دون غيرهم‘‘.

یہ ان لوگوں میں سے ہے جو ثقہ راویو ں پر حدیث گھڑتے ہیں ،اور ثقہ راویوں کے انتساب سے معضل اشیاء لاتے ہیں ،کتابوں میں اس کا ذکر صرف جرح کے طور پر ہی حلال ہے، خاص اہل صناعت کےسامنے صرف اعتبار کے لئے اس کی روایت نقل کرنا حلال  ہے،اہل صناعت کے علاوہ لوگوں کے سامنےاس کی روایت نقل کرنا حلال نہیں  ہے۔

حافظ ابن عدی l ’’الكامل‘‘[20] میں محمد بن زیاد کی چند روایات ذکر کرنے بعد فرماتے ہیں: ’’ولمحمد بن زياد هذا غير ما ذكرت من الحديث، وهو بين الأمر في الضعفاء، يروي عن ميمون بن مهران أحاديث مناكير لا يرويها غيره، لا يتابعه أحد من الثقات عليها‘‘.

اور محمد بن زیاد کی میری ذکر کردہ احادیث کے علاوہ بھی روایات ہیں، اور اس کا ضعفاء میں ہونا ایک واضح بات ہے، میمون بن مہران کے انتساب سے ایسی منکر احادیث روایت کرتا ہے جنہیں اس کے علاوہ کوئی روایت نہیں کرتا، ثقات میں سے کوئی بھی اس کی متابعت نہیں کرتا۔

حافظ دار قطنی l نے اسے ’’ کذاب‘‘ کہا ہے[21]۔

امام ابو عبد اللہ حاکم l ’’المدخل‘‘[22] میں فرماتے ہیں: ’’يروي عن ميمون بن مهران وغيره الموضوعات‘‘. میمون بن مہران وغیرہ کے انتساب سے من گھڑت روایات نقل کرتا ہے۔

حافظ ابو نعیم اصبہانیl  ’’ کتاب الضعفاء‘‘[23] میں فرماتے ہیں:  ’’يروي عن ميمون بن مهران وغيره الموضوعات‘‘. میمون بن مہران وغیرہ کے انتساب سے من گھڑت روایات نقل کرتا ہے۔

حافظ ذہبی l نے ایک مقام پر محمد بن زیاد کو ’’وضاع‘‘ کہا ہے[24]۔

حافظ ابن حجر عسقلانی l ’’التقريب‘‘[25]میں فرماتے ہیں: ’’ كذبوه‘‘. محدثین نے اسے کذاب کہا ہے۔

علامہ ابن عراق l نے ’’تنزيه الشريعة‘‘[26] میں محمد بن زیاد کو وضاعین ومتہمین کی فہرست میں شمار کر کے امام احمد بن حنبل l  کا قول نقل کیا ہے۔