ابو محمد مُعان بن رِفاعہ سَلامی دمشقی

حافظ یحیی بن معینl نے اسے ’’ ضعيف‘‘ کہا ہے[38]۔

امام علی بن مدینیl فرماتےہیں:’’ثقة، قد روى الناس عنه‘‘[39].یہ ثقہ ہے، لوگ اس سے روایت نقل کرتے ہیں ۔

امام علی بن مدینیl ایک دوسرے مقام پر فرماتےہیں:’’ كان شيخا ضعيفا‘‘[40]. یہ ضعیف شیخ تھا۔

حافظ دحیمl نے اسے ’’ ثقة‘‘ کہا ہے[41]۔

حافظ ابو زرعہ دمشقیl فرماتے ہیں:’’شيخان، معناهما واحد: عثمان بن أبي العاتكة، ومُعان بن رفاعة، وأخبرني دحيم أن مُعانا أرفعهما وأرجحهما‘‘[42]. دو شیخ ہیں، جن کا ایک ہی معنی ہے: عثمان بن ابی عاتکہ اور مُعان بن رِفاعہ، اور مجھے دُحیم l نے بتایا کہ مُعان ان میں زیادہ بلند اور زیادہ راجح ہے۔

حافظ ابراہیم بن یعقوب جوزجانی سعدی lنے اسے ’’ليس بحجة‘‘ کہا ہے[43]۔

حافظ ابن حبانl  فرماتے ہیں:’’منكر الحديث، يروي مراسيل كثيرة، ويحدث عن أقوام مجاهيل، لا يشبه حديثه حديث الأثبات، فلما صار الغالب على روايته ما تنكر القلوب استحق ترك الاحتجاج به‘‘[44].منکر الحدیث ہے، کثرت سے مرسل روایات اور مجہول راویوں سے روایت بیان کرتا ہے، اس کی حدیث اثبات کے مشابہ نہیں ہوتی، جب اس کی روایت پر اس چیز کا غلبہ ہوگیا جن کا قلوب انکار کرتے ہیں تو یہ احتجاج میں ترک کئے جانے کا مستحق ہوگیا۔

امام بخاریl نے ’’التاريخ الكبير‘‘[45] میں مُعان بن رِفاعہ کا ترجمہ بلاجرح وتعدیل ذکر کیا ہے۔

امام ابوداؤدl نے مُعان کو ’’ليس به بأس‘‘ کہا ہے[46] ۔

امام احمد بن حنبلl نے مُعان بن رِفاعہ کو ’’ لم يكن به بأس‘‘ کہا ہے[47]۔

حافظ ابو حاتمl فرماتے ہیں: ’’يكتب حديثه، ولا يحتج به‘‘[48]. اس کی حدیث لکھی جائے گی، اور اس سے احتجاج نہیں کیا جائے گا۔

حافظ ابراہیم بن یعقوب جوزجانیl نے اسے ’’ ليس بحجة‘‘ کہا ہے[49]۔

حافظ یعقوب بن سفیان فسوی lنے ’’المعرفة والتاريخ‘‘[50] میں اسے ’’لين الحديث‘‘ کہا ہے۔

حافظ ابوالفتح ازدیl فرماتے ہیں :’’لا يحتج به‘‘[51]. اس سے احتجاج نہیں کیا جائے گا۔

حافظ ابن عدیl ’’الكامل‘‘[52] میں فرماتے ہیں:’’ومُعان بن رِفاعة عامة ما يرويه لا يتابع عليه، وله غير ما ذكرت من رواية الشاميين عنه، مثل الوليد بن مسلم، وأبو حيوة شريح بن يزيد، ومبشر بن إسماعيل، وبقية وغيرهم‘‘. عام طورپر مُعان بن رِفاعہ کی روایات میں اس کی متابعت نہیں ہوتی، اس کی اور بھی روایتیں ہیں جنہیں میں نےذکر نہیں کیا جو  اہل شام ان سے  نقل کرتےہیں،مثلاً ولید بن مسلم، ابو حیوہ شریح بن یزید، مبشر بن اسماعیل اور بقیہ بن ولید وغیرہ  ۔

حافظ ذہبیl ’’ميزان الاعتدال‘‘[53] میں فرماتے ہیں:’’هو صاحب حديث، ليس بمتقن‘‘. یہ صاحبِ حدیث ہے، متقن نہیں ہے۔

حافظ ذہبیlنے ’’تلخيص الموضوعات‘‘[54] میں ایک حدیث کے تحت مُعان بن رِفاعہ کو ’’متروك‘‘ کہا ہے۔

اسی طرح حافظ ذہبیl ہی نے مُعان کو ’’سير أعلام النبلاء‘‘[55] میں ’’ليس بذاك القوي‘‘ اور ’’ميزان‘‘[56] میں ابراہیم بن عبد الرحمن عذری کے ترجمہ میں ’’ليس بعمدة‘‘کہا ہے۔

حافظ ابن کثیرl نے اپنی ’’تفسير‘‘[57] میں مُعان بن رِفاعہ کو ’’ضعيف‘‘ کہا ہے۔

حافظ ابن حجر عسقلانیl ’’تقريب التهذيب‘‘[58]میں فرماتے ہیں: ’’لين الحديث كثير الإرسال‘‘. یہ لین الحدیث، کثیر الارسال ہے۔