ابو علی حسین بن داؤد بن معاذ بلخی

حافظ خطیب بغدادیl ’’تاريخ بغداد‘‘[22] میں فرماتے ہیں: ’’ولم يكن الحسين بن داود ثقة، فإنه روى نسخة عن يزيد بن هارون، عن حميد، عن أنس، أكثرها موضوع‘‘. حسین بن داؤد ثقہ نہیں ہے،اس نے یزید بن ہارون، عن حمید، عن انس r  کے طریق سے ایک نسخہ روایت کیا ہے، جس کا  اکثر حصہ من گھڑت ہے۔

حافظ ذہبیl نے ’’ميزان الاعتدال‘‘[23] میں، حافظ ابن حجر عسقلانی l نے ’’ لسان‘‘[24] میں اور حافظ ابن جوزیl نے ’’الضعفاء والمتروكين‘‘[25] میں حافظ خطیب بغدادیl کے کلام پر اکتفاء کیا ہے۔

امام حاکم l اپنی ’’تاریخ‘‘[26] میں فرماتے ہیں: ’’وله عندنا عجائب يستدل بها على حاله‘‘. اور ہمارے پاس اس کے عجائب ہیں جن کے ذریعے سے اس کی حالت پر استدلال کیا جاتا ہے۔

حافظ ذہبی l ’’تاريخ الإسلام‘‘[27] میں فرماتے ہیں: ’’ أحد المتروكين‘‘. وہ متروکین میں سے ایک ہے۔

علامہ سبط ابن عجمی l ’’الكشف الحثيث‘‘[28]میں حافظ ذہبی l کا قول نقل کرنے کے بعد لکھتے ہیں: ’’وقد قال ابن الجوزي في موضوعاته بعد الدعاء بحفظ القرآن دعاء منقول في الطريق الثالث: الحسين بن داود يعني: البلخي هذا، ثلاثتهم يعني: الجويباري الذي تقدم، وسليمان بن عيسى يعني: الآتي، والحسين بن داود يعني: هذا، كانوا يضعون الحديث، والله أعلم أيهم ابتدأ بوضعه؟ ثم سرقاه الآخران، وبدلا فيه وغيرا، انتهى‘‘.

ابن  جوزی l نے اپنی ’’موضوعات‘‘ میں دعاء حفظ قرآن کے بعد ایک دعا ذکر کی ہے، جس کی تیسری سند اس حسین بن داؤد یعنی بلخی سے منقول ہے، (اسے نقل کرکے ابن جوزیl) فرماتے ہیں: یہ تینوں یعنی جویباری جس کا ذکر گزر گیا ہے، اور سلیمان بن عیسی یعنی جو عنقریب آرہا ہے، اور یہ حسین بن داؤد حدیث گھڑتے تھے، اللہ خوب جانتا ہے کہ اس حدیث کو ان میں سب سے پہلے کس نے گھڑا ہے، پھر دوسرے دو نے اس کا سرقہ کرکے اس میں تبدیلی کی ہے، انتہی۔

علامہ ابن عراق l نے ’’تنزيه الشريعة‘‘[29] میں حسین بن داؤد کو وضاعین ومتہمین کی فہرست میں شمار کرکے حافظ خطیب بغدادیl اور امام حاکم l کا قول نقل کیا ہے۔