ابو عفان عثمان بن خالدبن عمر مدنی عثمانی اموى

امام بخاریl ’’التاریخ الأوسط‘‘[45]میں فرماتے ہیں: ’’عنده مناكير‘‘. اس کے پاس منکر روایات ہیں، اسی طرح ’’التاریخ الکبیر‘‘[46]میں لکھتے ہیں: ’’منكر الحديث‘‘.یہ منکرالحدیث ہے،(امام بخاری l ’’منکرالحدیث‘‘ اکثر شدید جرح کے لئے استعمال فرماتے ہیں)۔

آپ موصوف کے بارے میں فرماتے ہیں: ’’ منكر الحديث‘‘ . (جرح)۔

امام ابن حبان l ’’المجروحین‘‘[47] میں عثمان بن خالد کے متعلق فرماتے ہیں:

’’ كان ممن يروی المقلوبات عن الثقات، ويروي عن الأثبات أسانيد ليس من رواياتهم، كأنه كان يقلب الأسانيد، لا يحل الاحتجاج بخبره ‘‘.

یہ ان لوگوں میں سے تھا جو ثقہ راویوں سے مقلوب روایات کو نقل کرتے تھے،اور ثقہ راویوں کی روایات ایسی سندوں سے نقل کیاکرتے تھے جوان کی روایات نہیں ہوا کرتی تھیں،گویا کہ یہ سندوں کو قلب کردیاکرتاتھا،اس کی روایت سے احتجاج جائز نہیں ہے۔

حافظ ابن جوزی l نے عثمان بن خالد کے متعلق’’الضعفاء والمتروکین‘‘[48] میں امام بخاریl،امام ابو حاتم l اور حافظ ابن حبانl کے کلام کو نقل کرنے پر اکتفاء کیا ہے۔

امام نسائی l فرماتے ہیں: ’’ ليس بثقة ‘‘[49]  (جرح)۔

حافظ ابن عدی l ’’الکامل‘‘[50]میں عثمان بن خالد کےبارے میں فرماتے ہیں : ’’ولعثمان غير ما ذكرت وكلها غير محفوظة‘‘.عثمان کی مذکورہ (سابقہ) روایا ت کے علاوہ دیگر احادیث بھی ہیں، اور وہ تمام کی تمام غیر محفوظ ہیں ۔

حافظ ابو عبد اللہ حاکم l ’’المدخل‘‘[51] میں عثمان بن خالد کے متعلق فرماتے ہیں:

’’عثمان بن خالد بن عمر ... روى عن مالك وعيسى بن يونس وغيرهما أحاديث موضوعة‘‘.عثمان نے مالک اور عیسی بن یونس وغیرہ سے من گھڑت روایات نقل کی ہیں۔

حافظ دارقطنی l ’’المؤتلف والمختلف‘‘میں فرماتے ہیں: ’’ضعيف الحديث‘‘[52].

حافظ سبط ابن العجمیl،محمد بن عثمان بن خالدابومروان عثمانی کے ترجمہ میں ابومروان عثمان کےوالدعثمان بن خالد کے متعلق صالح جزرہ l کا کلام اس طرح لکھتے ہیں :

’’قال صالح جَزَرَة: ثقة صدوق، والمناکیرالتی من قبل أبیه، لامنه فأبوه متروک متهم كما قال المصنف في الميزان ...‘‘[53].صالح جزرہ نے کہا: (محمدبن عثمان) ثقہ اورصدوق ہے اور منکر روایات ان کے والد کی طرف سے ہیں نہ کہ محمد بن عثمان کی طرف سے،ان کے والد (عثمان بن خالد ابومروان عثمانی) متروک اور متہم ہے،جیسا کہ حافظ ذہبی l نے ’’میزان‘‘ میں کہا ہے ...‘‘۔

حافظ ابو نعیم اصبہانی l ’’کتاب الضعفاء‘‘[54] میں عثمان بن خالد کے بارے میں لکھتے ہیں:

’’عثمان بن خالد بن عمر عن مالك وعيسى وغيرهما أحاديث موضوعةلا شيء‘‘. عثمان بن خالد نے مالک اور عیسی وغیرہ سے من گھڑت روایات نقل کی ہیں،اور وہ)عثمان) لاشیء(جرح) ہے۔

حافظ ذہبی l  نے’’ الكاشف‘‘[55] میں عثمان کے متعلق سابقہ ذکر کردہ امام نسائیl کے قول کو ذکر کیا ہے اور ’’المقتنى في سرد الكنى‘‘[56] میں موصوف کے بارے میں فرماتے ہیں: ’’ واهٍ ‘‘. (شدیدجرح)۔

  حافظ ہیثمی l نے ’’مجمع الزوائد‘‘[57]میں ایک مقام پر موصوف کو ’’متروک‘‘.(شدید جرح) کہا ہے۔

حافظ ابن حجرl موصوف کے بارے میں ’’تقريب التهذيب‘‘[58] میں فرماتے ہیں: ’’ متروك الحديث‘‘. کہا ہے۔