ابو عبد اللہ محمد بن قاسم بن زکریا محاربی سُوْدَانی کوفی

حافظ حمزہ بن یوسف سہمی l فرماتے ہیں: ’’سألت أبا الحسن بن حماد الحافظ القرشي بالكوفة عن محمد بن القاسم بن زكريا المُحاربي؟ فقال: ليس بشيء، وهو يعرف بالسُوْدَاني، وكان ابن عقدة يدخل عليه الحديث، وكان غاليا [ كذا في الأصل]، وذكر أنه كان له ابن غال، ما كان يخرج يده من كمه، ويقول: قد صافحت به الإمام، حتى نهاه عنه ابن عمر العلوي أمير الكوفة‘‘[70]. میں نے کوفہ میں حافظ ابو الحسن بن حماد قرشی l سے محمد بن قاسم بن زکریا محاربی کے بارے میں پوچھا تو آپ نے فرمایا: لیس بشیء ہے، اور سُوْدَانی سے معروف ہے، اور ابن عقدہ اس پر حدیث داخل کردیتا تھا[71]، اور وہ غالی تھا، اور انہوں نے ذکر کیا کہ اس کا ایک غالی بیٹا تھا، وہ اپنی آستین سے ہاتھ نکالتا اور کہتا کہ میں نے اس سے امام سے مصافحہ کیا ہے، حتی کہ کوفہ کے امیر ابن عمر علوی نے اسے اس سے منع کیا۔

حافظ ذہبی l ’’ميزان‘‘[72] میں فرماتے ہیں: ’’وقيل: كان يؤمن بالرجعة، قاله أبو الحسن بن حماد الكوفي الحافظ، وزاد فقال: ما رؤي له أصل، وقد حدث بكتاب النهي عن حسين بن نصر بن مزاحم، ولم يكن له فيه سماع‘‘. اور کہا گیا ہے کہ یہ رجعت پر ایمان رکھتا تھا، یہ بات حافظ ابو الحسن بن حماد کوفی lنے کہی ہے، وہ مزید فرماتے ہیں: ان کی کوئی اصل نہیں دیکھی گئی، اور اس نے حسین بن نصر بن مزاحم کے حوالہ سے ’’کتاب النہی‘‘بیان کی ہے، حالانکہ اس میں اس کا سماع نہیں تھا۔

حافظ ابن نقطہ حنبلی l ’’تكملة‘‘[73] میں محمد بن قاسم بن زکریا کے بارے میں فرماتے ہیں: ’’ضعيف، يقال: إنه كان يؤمن بالرجعة‘‘. ضعیف ہے، کہا جاتا ہے کہ یہ رجعت پر ایمان رکھتا تھا۔

حافظ ذہبی l ’’ميزان الاعتدال‘‘[74] میں محمد بن قاسم بن زکریا کے بارے میں فرماتے ہیں: ’’تكلم فيه‘‘. اس کے بارے میں کلام کیا گیا ہے۔

نیز حافظ ذہبی l ’’المغني‘‘[75] میں محمد بن قاسم بن زکریا کے بارے میں فرماتے ہیں: ’’مشهور، ضعف، يقال: كان يرمى بالرجعة، كذاب‘‘. مشہور ہے، اس کی تضعیف کی گئی ہے، کہا جاتا ہے کہ یہ رجعت میں متہم تھا، کذاب ہے۔

حافظ ابن ناصر الدین دمشقیl نے ’’توضيح المشتبة‘‘[76] میں محمد بن قاسم بن زکریا کو ’’ ضعيف‘‘ کہا ہے۔