ابو عبد اللہ محمد بن عامر بن رشید بن خباب رَملی

حافظ ابن حبانl ’’المجروحین‘‘[19] میں فر ماتے ہیں: ’’يقلب الأخبار، ويروي عن الثقات ما ليس من أحاديثهم‘‘. اخبار میں قلب کرتا ہے، اور ثقات کے انتساب سے ایسی احادیث روایت کرتا ہے جو ان کی احادیث میں سے نہیں ہوتیں۔

حافظ ابن قیسرانی lنے ’’تذكرة الحفاظ‘‘[20] میں، حافظ ابن جوزی l نے ’’الضعفاء‘‘[21] میں، حافظ ذہبی l نے ’’ميزان الاعتدال‘‘[22] ، ’’المغني‘‘[23] اور ’’ديوان الضعفاء‘‘[24] میں حافظ ابن حبانl کے کلام پر اعتماد کیا ہے۔

نیز حافظ ابن حبانl اسی محمد بن عامر رَملی کو ’’ثقات‘‘[25] میں ذکر کرکے فرماتے ہیں: ’’لم أر في حديثه مما في القلب منه شيء إلا حديثا واحدا‘‘. میں نے اس کی حدیث میں ایسا کچھ نہیں دیکھا جس کی وجہ سے دل میں کچھ ہو سوائے ایک حدیث کے۔

حافظ ابن حجر عسقلانیl نے ’’لسان‘‘[26] میں حافظ ابن حبانl کے کلام کو ذکر کرنے پر اکتفاء کیا ہے۔

حافظ ابن یونس l فرماتے ہیں: ’’هو من أهل فلسطين، يروي عن الوليد بن مسلم، وبقية بن الوليد، قدم مصر قديما وكتبت عنه، آخر من حدث عنه ابن القياس، وقد حدثنا عنه غير واحد‘‘[27]. محمد بن عامر اہل فلسطین میں سے ہے، ولید بن مسلم اور بقیہ بن ولید سے روایت کرتا ہے، یہ بہت پہلے مصر آیا تھا اور میں نے اس سے لکھا ہے، سب سے آخر میں اس سے روایت کرنے والے ابن قیاس ہیں، اور مجھ سے کئی افراد نے اس کی روایات بیان کی ہیں۔

حافظ خطیب بغدادی l نے محمد بن عامر رَملی کو ’’مجهول‘‘ کہا ہے[28]۔

علامہ سبط ابن عجمی l ’’الكشف الحثيث‘‘[29] میں محمد بن عامر خراسانی کے ترجمہ میں فرماتے ہیں: ’’محمد بن عامر الرملي اضطرب فيه كلام ابن حبان في توثيقه وتجريحه، وقال الخطيب مجهول‘‘. محمد بن عامر رَملی کی توثیق اور جرح کے بارے میں ابن حبان l کے کلام میں اضطراب ہے، اور خطیب l  نے اسے مجہول کہا ہے۔