ابو العباس احمد بن محمد بن صلت بن مغلس حمانی ویقال احمد بن صلت او احمد بن محمد بن مغلس او احمد بن عطیہ

حافظ ابن حبانl ’’المجروحين‘‘[36] میں فرماتے ہیں: ’’من أهل بغداد، يروي عن العراقيين، كان يضع الحديث عليهم‘‘.یہ بغداد والوں میں سے ہے، عراقیوں سے روایت کرتا ہے، یہ ان پر حدیث گھڑتا ہے۔

حافظ ابن عدیl ’’الكامل‘‘[37] میں فرماتے ہیں: ’’رأيته في سنة سبع وتسعين ومئتين يحدث عن ثابت الزاهد، وعبد الصمد بن النعمان وغيرهما من قدماء الشيوخ قوما قد ماتوا قبل أن يولد بدهر ... وما رأيت في الكذابين أقل حياء منه، وكان ينزل عند أصحاب الكتب يحمل من عندهم رزما فيحدث بما فيها، وباسم من كتب الكتاب باسمه، فيحدث عن الرجل الذي اسمه في الكتاب، ولا يبالي ذلك الرجل متى مات، ولعله قد مات قبل أن يولد منهم من ذكرت‘‘.

میں نے ۲۹۷ھ میں اسے دیکھا تھا، یہ ثابت زاہد، عبد الصمد بن نعمان وغیرہ ایسے قدیم شیوخ کے انتساب سے روایت کرتا تھا جو اس کی پیدائش سے ایک زمانہ قبل ہی انتقال کرچکے تھے۔۔۔، اور میں نے جھوٹ بولنے والوں میں اس سے کم حیاء والا کسی کو نہیں دیکھا، یہ کتب والوں کے پاس ٹھہرتا تھا، ان کے پاس سے کتابوں کی گٹھڑیاں لے کر ان میں موجود احادیث بیان کرتا تھا، یہ شخص جس کا نام کتاب میں لکھا ہوتا تھا اسی سے نقل کرکے حدیث بیان کردیتا تھا، اور اسے اس کی کوئی پرواہ نہیں ہوتی تھی کہ اس کا انتقال کب ہوا ہے، شاید ان کا انتقال اس کی پیدائش سے بھی پہلے ہو چکا ہوتا تھا، جن میں بعض کا ذکر میں کرچکا ہوں۔ 

حافظ دارقطنیl ’’ الضعفاء‘‘[38] میں فرماتے ہیں: ’’يضع الحديث‘‘. حدیث گھڑتا تھا۔

حافظ دارقطنیl ایک دوسرے مقام پر فرماتے ہیں: ’’متروك، يضع الحديث‘‘[39] . متروک ہے، حدیث گھڑتا تھا۔

حافظ ابو عبداللہ حاکمl ’’ المدخل‘‘[40]میں فرماتے ہیں: ’’من أهل العراق روى عن القعنبي، ومسدد، وإسماعيل بن أبي أويس، وبشر بن الوليد أحاديث وضعها، وقد وضع المتون أيضا مع كذبه في لقي هؤلاء حدثونا عنه ببعضها‘‘. عراق والوں میں سے ہے، اس نے قعنبی، مسدد، اسماعیل بن ابی ادریس اور بشر بن ولید کے انتساب سے ایسی احادیث روایت کی ہیں جنہیں اسی نے گھڑا ہے، اور اس نے متون گھڑنے کے ساتھ ساتھ یہ جھوٹ بھی کہا ہے کہ وہ ان لوگوں سے ملا ہے جن کی بعض احادیث محدثین نے ہمیں اس سے روایت کر کے بیان کی ہیں۔

حافظ ابو نعیم اصبہانیl ’’المسند المستخرج‘‘[41] میں فرماتے ہیں: ’’يروي عن ابن أبي أويس، والقعنبي، وعن شيوخ لم يلقهم بالمشاهير والمناكير، لا شيء، مات بعد الثلاثمائة‘‘.اس نے ابن ابی اویس، قعنبی، اور  دیگر ایسے شیوخ کے انتساب سے مشہور اور منکر روایات نقل کی ہیں جن سے اس کی ملاقات نہیں ہوئی، یہ لاشئ ہے، اس کا انتقال تین سو کے بعد ہوا ہے۔  

حافظ ابو بکر برقانیl فرماتے ہیں: ’’وقال لي محمد بن أبي الفوارس: هو ابن أخي جبارة بن مغلس كان يضع‘‘[42]. مجھے محمد بن ابی الفوارس نے کہا کہ یہ جبارہ بن مغلس کا بھتیجا ہے، یہ حدیث گھڑتا تھا۔

حافظ خطیب بغدادیl ’’تاريخ بغداد‘‘[43] میں فرماتے ہیں: ’’وحدث عن ثابت بن محمد الزاهد، وأبي نعيم الفضل بن دكين، ومسلم بن إبراهيم، وبشر بن الوليد، ومحمد بن عبد الله بن نمير، وجبارة بن مغلس، وأبي بكر بن أبي شيبة، وأبي عبيد القاسم بن سلام أحاديث، أكثرها باطلة، هو وضعها‘‘.اور یہ ثابت بن محمد زاہد، ابو نعیم فضل بن دکین، مسلم بن ابراہیم، بشر بن ولید، محمد بن عبد اللہ بن نمیر، جبارہ بن مغلس، ابو بکر بن ابی شیبہ اور ابو عبید قاسم بن سلام کے انتساب سے احادیث روایت کرتا ہے، جن میں اکثر باطل ہیں، جنہیں اسی نے گھڑا ہے۔

حافظ ابن جوزیl نے ’’المنتظم‘‘[44] میں حافظ خطیب بغدادیl کے کلام پر اعتماد کیا ہے۔

حافظ ابن قیسرانیl ’’تذكرة الحفاظ‘‘[45] میں فرماتے ہیں: ’’وأحمد هذا يضع الحديث على الثقات‘‘. اور یہ احمد ثقات کے انتساب سے حدیث گھڑتا ہے۔

حافظ ابو الحسین عبدالباقی بن قانعl نے اسے ’’ ليس بثقة‘‘[46] کہا ہے۔

حافظ ابن عبد الہادی l نے ’’تنقيح التحقيق‘‘[47] میں احمد بن محمد بن صلت کو ’’ كذاب، وضاع‘‘ کہا ہے۔

حافظ ذہبیl  نے اسے ’’ميزان‘‘[48] میں ایک مقام پر ’’هالك‘‘ اور دوسرے مقام پر ’’ كذاب، وضاع‘‘[49]  کہا ہے، اور ’’المغني‘‘[50] میں فرماتے ہیں:’’ كان يضع الحديث‘‘. یہ حدیث گھڑتا تھا۔

حافظ ابن کثیر ’’البداية‘‘[51] میں فرماتے ہیں: ’’ أحد الوضاعين للأحاديث‘‘. یہ احادیث گھڑنے والوں میں سے ایک ہے۔

حافظ ابن حجرعسقلانیl نے ’’الإصابة‘‘[52] میں ابن صلت کو ’’متروك‘‘ کہا ہے۔

علامہ ابن عراق l نے ’’تنزيه الشريعة‘‘[53] میں احمد بن محمد بن صلت کو ’’وضاع‘‘ کہا ہے۔