ابو الحسن محمد بن حسن بن ابی یزید ہمدانی

حافظ یحیی بن معین l نے محمد بن حسن ہمدانی کو ’’ليس بثقة‘‘ کہا  ہے[20]۔

حافظ یحیی بن معین l ایک دوسرے مقام پر فرماتے ہیں: ’’ليس بثقة، كان يكذب‘‘[21]. یہ ثقہ نہیں ہے، جھوٹ بولتا تھا۔

امام احمد بن حنبل l فرماتے ہیں: ’’ما أراه يسوى شيئا، كان ينزل عند مقابر الخَيْزُرَان، جعل يحدثنا بأحاديث يجيء بها، كما يحدث بها ابن أبي زائدة وأبو معاوية‘‘[22]. میں اسے کسی چیز کے مساوی نہیں سمجھتا، یہ ’’مقابر خَیْزُرَان‘‘ کے پاس قیام پذیر تھا، یہ احادیث لاکر ہمیں ایسے بیان کرتا تھا، جیسے ابن ابی زائدہ اور ابو معاویہ احادیث بیان کرتے تھے۔

امام ابو داؤد l، محمد بن حسن ہمدانی کے بارے میں فرماتے ہیں: ’’هذا كذاب، وثب على كتب أبيه ‘‘[23]. یہ جھوٹا ہے، اور یہ اپنے والد کی کتابوں پر قابض ہوگیا تھا۔

حافظ عبد اللہ بن احمد بن حنبل l، محمد بن حسن ہمدانی کے بارے میں فرماتے ہیں: ’’ممن دخل بغداد من الكوفيين، وحدث بها، فلم يحمد أمره‘‘[24]. یہ ان لوگوں میں سے ہے جو کوفہ سے بغداد آئے ہیں، اس نے بغداد میں حدیث بیان کی ہے، اس کا معاملہ قابل تعریف نہیں ہے۔

حافظ یعقوب بن سفیان فَسَوی l ’’المعرفة‘‘[25] میں فرماتے ہیں: ’’محمد بن الحسن الهمداني، ومحمد بن الحسن الأسدي ضعيفان‘‘. محمد بن حسن ہمدانی اور محمد بن حسن اسدی دونوں ضعیف ہیں۔

امام نسائی l نے ’’الضعفاء‘‘[26] میں محمد بن حسن ہمدانی کو ’’متروك الحديث‘‘ کہا ہے۔

حافظ ابو حاتم l نے محمد بن حسن ہمدانی کو ’’ليس بالقوي‘‘ کہا ہے[27]۔

حافظ ابن حبان l ’’المجروحين‘‘[28] میں محمد بن حسن ہمدانی کے بارے میں فرماتے ہیں: ’’منكر الحديث، يروي عن الثقات المعضلات‘‘. یہ منکر الحدیث ہے، ثقات کے انتساب سے معضل احادیث روایت کرتا ہے۔

حافظ ابن عدی l ’’الكامل‘‘[29] میں محمد بن حسن ہمدانی کے بارے میں فرماتے ہیں: ’’ومع ضعفه يكتب حديثه‘‘. اور باوجود ضعف کے اس کی حدیث لکھی جائے گی۔

حافظ ابو احمد حاکم l ’’الأسامي‘‘[30] میں فرماتے ہیں: ’’ليس بالقوي عندهم‘‘. یہ محدثین کے نزدیک قوی نہیں ہے۔

امام دار قطنی l نے محمد بن حسن ہمدانی کو ’’لا شيء‘‘ کہا ہے[31]۔

حافظ ابن قیسرانی l نے ’’تذكرة الفاظ‘‘[32] میں محمد بن حسن ہمدانی کو ’’منكر الحديث‘‘ کہا ہے۔

حافظ سمعانی l ’’الأنساب‘‘[33] میں محمد بن حسن بن ابی یزید کے بارے میں فرماتے ہیں: ’’وكان ضعيفا، لينا في الحديث‘‘. یہ ضعیف تھا، حدیث میں ’’لین‘‘تھا۔

حافظ عبد الحق اشبیلی l نے ’’الأحكام الشرعية‘‘[34] میں ایک روایت کے تحت محمد بن حسن بن ابی یزید کو’’ضعيف جدا ‘‘ کہا ہے۔

حافظ ذہبی l نے ’’سير‘‘[35] میں محمد بن حسن ہمدانی کو ’’واه جدا‘‘ اور ’’تلخيص‘‘[36] میں ’’متروك‘‘ کہا ہے۔

حافظ ذہبی l ’’ديوان‘‘[37] میں فرماتے ہیں: ’’تركوه‘‘. محدثین نے اسے ترک کردیا ہے۔

حافظ ہیثمی l نے ’’مجمع الزوائد‘‘ میں محمد بن حسن ہمدانی کو ’’متروك‘‘[38] اور ایک دوسرے مقام پر ’’كذاب‘‘[39] کہا ہے۔

حافظ ابن حجر عسقلانی l نے ’’تقريب التهذيب‘‘[40] میں محمد بن حسن ہمدانی کو ’’ضعيف‘‘ کہا ہے۔

حافظ سخاویl نے ’’المقاصد الحسنة‘‘[41] میں ایک روایت کے تحت محمد بن حسن ہمدانی کو’’ كذاب‘‘ کہا ہے۔

علامہ ابن عراق l ’’تنزيه‘‘[42] میں محمد بن حسن بن ابی یزید کو وضاعین ومتہمین کی فہرست میں شمار کرکے فرماتے ہیں: ’’ كذاب، قاله ابن الجوزي‘‘. ابن جوزی l نے اسے کذاب کہا ہے۔

علامہ سبط ابن عجمی l نے ’’ الكشف الحثيث‘‘[43] میں محمد بن حسن ہمدانی کو ذکر کرکے حافظ ابن جوزی l کے قول پر اعتماد کیا ہے۔