ابراہیم بن حیان بن حکیم بن علقمہ اوسی مدنی انصاری

حا فظ ابن عدیl نے ’’الكامل‘‘[38] میں ابراہیم بن حیان کو ’’ضعيف الحديث‘‘ کہا ہے۔

حا فظ ابن عدیl ’’الكامل‘‘[39] میں ابراہیم بن حیان کے ترجمہ میں دو روایات  ذکر کرنے کے بعدفرماتے ہیں: ’’وهذان الحديثان مع أحاديث غيرها بالأسانيد التي ذكرها إبراهيم بن حيان عامتها موضوعة مناكير، وهكذا سائر أحاديثه‘‘. یہ دو حدیثیں دوسری احادیث کے ساتھ اُن اسانید کے ساتھ جنہیں ابراہیم بن حیان نے ذکر کیا ہے، ان میں اکثر من گھڑت مناکیر ہیں، اور اسی طرح اس کی دیگر احادیث ہیں۔

حافظ ابن ماکولاl نے ’’الإكمال‘‘[40] میں، حافظ ابن جوزی l نے ’’الضعفاء‘‘[41] میں اور حافظ ذہبی l نے ’’میزان الاعتدال‘‘[42] میں حا فظ ابن عدی l کے کلام پر اعتماد کیا ہے۔

حافظ ابن قیسرانی l ’’ذخيرة الحفاظ‘‘[43] میں ایک روایت کو ’’موضوع منكر‘‘ کہنے کے بعد فرماتے ہیں: ’’والحمل فيه على إبراهيم‘‘. اس میں حمل ابراہیم پر ہے۔

حافظ سخاوی l ’’المقاصد الحسنة‘‘[44] میں ایک حدیث کے تحت فرماتے ہیں: ’’المتهم بالوضع‘‘. حدیث گھڑنے میں متہم ہے۔

علامہ ابن عراق l ’’تنزيه الشريعة‘‘[45] میں ابراہیم بن حیان کو وضاعین ومتہمین کی فہرست میں شمار کرکے فرماتے ہیں: ’’قال ابن عدي: أحاديثه موضوعة‘‘. ابن عدی l فرماتے ہیں کہ اس کی احادیث من گھڑت ہیں۔