بھنگ،سگرٹ نوشی،اورتارکِ نماز کی مذمت پر مشتمل یہ حدیثیں کہیں نہیں ملتیں،حتیٰ کہ من گھڑت روایتوں پرلکھی گئی کتابوں میں بھی نہیں ہیں۔

’’سوال: حضرت الاستاذ شیخ الحدیث مولانا زکریا صاحب l کی خدمت میں ایک سوال آیا جس کا جواب لکھنے کو حضرت موصوف نے بندہ کو ارشاد فرمایا ۔

سوال کا خلاصہ یہ ہے کہ ایک بزرگ ’’محمد شاہ پناہ‘‘ تقریباً دو سو سال قبل لاہور سے آکر بسلسئہ تبلیغ کَچھ (گجرات) میں مقیم ہوئے، نہایت باشرع تھے، ان کے کتب خانہ کی باقی ماندہ کتابوں میں ایک کتاب میں تارکِ نماز اور شاربِ دخان[سگرٹ پینے والا] کے بارے میں کچھ احادیث نقل کی گئی ہیں جو غیر معروف ہونے کے ساتھ مضمون کے اعتبار سے بھی غریب ہیں،اگر یہ احادیث کتبِ حدیث میں آپ نے دیکھی ہوں تو تحریر فرمائیں، وہ احادیث یہ ہیں :

1 ×قال النبي صلى الله عليه وسلم: من سمع الأذان والإقامة ولم يحضر الجماعة، فكأنما زنى مع أمه ألف مرات÷. [آپ ﷺ نے فرمایا: جس نے اذان واقامت سنی اور جماعت میں حاضر نہ ہوا گویا کہ اس نے ہزار مرتبہ اپنی ماں سے زنا کیا]

2 ×قال النبي صلى الله عليه وسلم: من أعان تارك الصلوة متعمدا بِذرّة، فكأنما زنى مع أمه ألف مرات÷. [آپ ﷺ کا ارشاد ہے: اگر کسی نے جان بوجھ کر نماز چھوڑنے والے کی ذرّہ بھر مدد کی تو   گویا کہ اس نے اپنی ماں سے ہزار مرتبہ زنا کیا]

3 ×قال النبي صلى الله عليه وسلم: سيأتي زمان على أمتي يأكل الدخان في فم، وليس من أمتي، وليس شفاعة له يوم القيمة÷. [آپ ﷺ نے فرمایا: میری امت پر ایک زمانہ آئے گا کہ وہ دھواں اپنے منہ میں داخل کریں گے، اور یہ لوگ نہ میری امت میں سے ہیں، اور نہ روز قیامت ان کی شفاعت ہوگی]

4 ×قال النبي صلى الله عليه وسلم: من أكل البَنْج مرة، فكأنما زنى مع أمه سبعين مرة÷. [آپ ﷺ نے فرمایا: جس نے ایک مرتبہ بھی بھنگ نوشی کی، اس نے اپنی ماں سے ستر مرتبہ زنا کیا]

جواب:  یہ احاد یث باوجود کثرتِ تتبع و تلاش کے کہیں نظر سے نہیں گذریں، حتیٰ کہ کتب موضوعہ للاحادیث الموضوعۃ [من گھڑت روایتوں پر لکھی گئی کتابوں] میں بھی ان کا پتہ نہیں چلتا ہے، واللہ اعلم!

(تتمہ) پھر بہت دنوں کے بعد ’’مجموعۂ فتاوی ‘‘ لمولانا عبد الحی l ( ص : ۴۱،ج ۳) دیکھنے کی نوبت آئی، اس میں یہ عبارت ملی:

سوال: ×كل دخان حرام، من أكل البنج لقمة فكأنما زنى مع بأمه÷. [ہر دھواں حرام ہے، جس نے بھنگ کا ایک لقمہ بھی کھایا، گویا کہ اس نے اپنی ماں کے ساتھ زنا کیا] حدیث است یا نہ؟

جواب:  درکتبِ معتبرہ حدیث بنظر نر سیدہ وکسیکہ ایں را حدیث نوشتہ نہ باشد، مجرد نوشتن آں قابل اعتبار نیست، اعتبار بر قولِ محدث معتبر است کہ حدیث را باسند بیان نماید، وبعض وُعَّاظ احادیث غیر معتبرہ را برائے تخویف وترغیب ذکر می کنند واز حال آں احادیث مطلع نمی باشد، انتہیٰ‘‘[1]۔

[یہ حدیث معتبر کتبِ حدیث میں نہیں گذری، اور نہ ہی کسی نے اس کو حدیث لکھا ہے،صرف اس کو لکھنا قابلِ اعتبار نہیں ہے،کسی معتبر محدث کے قول پر اعتماد کیا جائے گا، جو اس کو سند کے ساتھ بیان کرتا ہو، ویسے بھی بعض واعظین غیر معتبر روایات کو بطور تخویف و ترغیب ذکر کر دیتے ہیں، حالانکہ اس حدیث کے مکمل حالات سے مطلع نہیں ہوتے]۔