روایت: ’’رسول اللہ ﷺ نے ارشاد فرمایا: ’’الآباء ثلاثة: أب ولدك، وأب علمك، وأب رباك‘‘.باپ تین ہیں: (ایک) وہ باپ ہے جس سے تمہاری ولادت ہوئی، (دوسرا) باپ وہ ہے جس نے تمہیں علم سکھایا، (تیسرا) باپ وہ ہے جس نے تمہاری تربیت کی ہے‘‘، اور بعض مقامات پر یہ بھی ہے: ’’وأب زوجك‘‘. اور وہ باپ جس نے اپنی بیٹی تمہیں نکاح میں دی‘‘۔

روایت: ’’نبی ﷺ نے ارشاد فرمایا: ’’خير الآباء من علمك‘‘. تمہارا بہترین والد وہ ہے جس نے تمہیں علم سکھایا‘‘۔

روایت: ’’نبی ﷺ نے ارشاد فرمایا: ’’إنما المعلم [أب لكم]، مثل الوالد لولده‘‘. معلم تمہارا باپ ہی ہے، جیسے: والد اپنے بیٹے کےلئے‘‘۔

روایت:’’ويقال: إن كل حرف من كلام الله عز وجل في اللوح المحفوظ أعظم من جبل قاف، وإن الملائكة لو اجتمعت على الحرف الواحد أن يقلوه ما أطاقوه، حتى يأتي إسرافيل، وهو ملك اللوح المحفوظ، فيرفعه، فيقله بإذن الله عز وجل ورحمته، إذ كان الله تعالى أطاقه ذلك لما استعمله به‘‘. اور کہا جاتا ہے: لوح محفوظ میں موجود اللہ عزوجل کے کلام کا ہر حرف جبل قاف سے بڑاہے، اور اگر فرشتے مل کر کسی ایک حرف کو اٹھانا چاہیں تو وہ اس کی طاقت نہیں رکھتے، یہاں تک کہ لوح محفوظ کا فرشتہ اسرافیل e تشریف لاکر اللہ عزوجل کے حکم ورحمت سے اسے اٹھائے گا، کیونکہ اللہ تعالی نے ان کو اس کے استعمال کی طاقت دے رکھی ہے۔

روایت: ’’رسول اللہ ﷺ نے ارشاد فرمایا: ’’من صلى صلاة لم يدع فيها للمؤمنين والمؤمنات فصلاته خداج‘‘. جس نے نماز پڑھی اور اس میں مؤمن مردوں اور مؤمن عورتوں کےلئے دعا نہ کی تو اس کی نماز نامکمل ہے‘‘۔

روایت: ’’رسول اللہ ﷺ نے ارشاد فرمایا: ’’من رفع قرطاسا من الأرض فيه: بسم الله الرحمن الرحيم، إجلالا لله عز وجل أن يداس، كتب عند الله من الصديقين، وخفف عن والديه العذاب، وإن كانا مشركين‘‘. جس شخص نے زمین سے ایسا کاغذ اٹھایاجس میں بسم اللہ الرحمن الرحیم لکھی ہوئی ہو، اللہ تعالی کے نام کی تعظیم کی وجہ سے کہ وہ روندا جائے گا،تو اللہ تعالی کے نزدیک اسے صدیقین میں لکھا جائے گا، اور اس شخص کے والدین سے عذاب کو ہلکا کردیا جائے گا، اگر چہ وہ مشرک ہوں‘‘۔