روایت: ”حق جل جلا لہ نے آنحضرت ﷺ کا سایہ اپنے پاس رکھ لیا تا کہ تسلی رہے“، یہ جاہلوں کی ایجاد ہے۔

”۔۔۔ اسی   طرح  ایک  اور  شعر  ہے :    ؎

پے تسکین خاطر صورت پیراہن یوسف                       محمد کو جو بھیجا حق نے سایہ رکھ لیا قد کا

یعنی جیسے یعقوب e نے اپنی تسلی کے واسطے حضرت یوسف e کاکرتہ مبارک رکھ لیا تھا، اسی طرح حق جل جلا لہ نے آنحضرت ﷺ کا سایہ اپنے پاس رکھ لیا کہ تسلی رہے، کیا (نعوذ باللہ) حضور ﷺ دنیا میں آکر خدا سے غائب ہو گئے تھے اور نظر نہ آتے تھے،  کیا  (نعوذ باللہ) حق تعالیٰ کو سکون کی بھی ضرورت ہے؟ ناس ہو ایسی جہالت کا، شاعر نے اپنے نزدیک حس  [كذا في الأصل]  تعلیل برتی ہے اور اس پر نازاں ہے: اول تو وہ روایت ہی متکلم فیہ ہے جس میں حضور ﷺ کے سایہ نہ ہو نے کا بیان ہے، دوسرے خود اس روایت میں سایہ نہ ہونے کی وجہ بھی موجود ہے کہ آپ پر ابر سایہ فگن رہتا تھا، اس لیے حضور ﷺ کا سایہ نہ ہو تا تھا، اور یہ  علت کیسے ہو سکتی ہے جو شاعر نے بیان کی  ہے، کیا  وہ  خدا  کو  حاضر  و ناظر  نہیں  جانتا؟[1]۔