روایت : ’’عید کے دن رسالت مآبﷺ کا ایک بے سہارایتیم بچےکے ساتھ اخلاق کریمانہ سے پیش آنا ‘‘

شیخ عبدالمجید بن علی عدوی l رحمہ اللہ  (متوفی۱۳۰۳ھ) ’’التحفة المرضیة في الأخبار القدسية‘‘ [1] میں بلاسند لکھتے ہیں: ’’روی أن النبی صلى الله علیه وسلم خرج یوما لصلاة العید والصبیان یلعبون، وفیهم صبی جالس فی ناحیة یبکی ولایلعب معهم، فقال النبی صلى الله علیه وسلم: أیها الصبی! مالک تبکی، ولاتلعب مع الصبیان؟ فقال له الصبي، وهو لایعرفه: دعنی أیها الرجل! فإن أبی مات فی الغزوة مع رسول الله صلى الله علیه وسلم، فتزوجت أمی برجل غیره، فأکل مالی وأخرجنی زوجها من بیتی، ولیس لی طعام ولاشراب ولا ثیاب ولا بیت آوي إلیه، فلما رأیت الصبیان ذوی الآباء ویلعبون وعلیهم الثیاب الجدد تجدد حزنی، فلذلک بکیت .

فأخذ النبی صلى الله علیه وسلم بیده فقال: أما ترضى أن أکون لک أبا وعائشة أما وفاطمة أختا وعلی عما والحسن والحسین إخوة؟ فعرف الصبی أنه النبی صلى الله علیه وسلم فقال: کیف لا أرضى یا رسول الله! فحمله النبی صلى الله علیه وسلم إلى منزله وألبسه أحسن الثیاب، وزینه، وأطعمه حتى أرضاه، فخرج إلى الصبیان ضاحکا مسرورا، فلما راوه قالوا: أنت الآن کنت تبکی فما بالک صرت مسرورا؟ فقال لهم: کنت جائعا فشبعت، وکنت عریانا فاکتسیت، وکنت یتیما فصار رسول الله صلى الله علیه وسلم أبی وعائشة أمی إلى أخر ماتقدم، فقال الصبیان: لیت آباءنا کلهم ماتوا فی الغزوة مثلک، واستمر الصبی عند رسول الله صلى الله علیه وسلم حتى قبض، فخرج یبکی ویحثو التراب على رأسه ویقول: الآن صرت یتیما، الآن صرت غریبا، فضمه أبوبکر رضی الله عنه‘‘.

منقول ہے کہ نبی اکرم ﷺ عید کی نماز کے لئے گھر سے باہرتشریف لائے، بچے کھیل رہے تھے، ان میں ایک بچہ کونے میں بیٹھا رو رہا تھا ،آپ ﷺ نے فرمایا کہ اے بچے ! تجھے کیا ہوا کہ تو رو رہا ہے اور ان بچوں کے ساتھ نہیں کھیل رہا ؟وہ بچہ آپ ﷺ کونہیں جانتا تھا، اس نے کہا :اےشخص !مجھے اپنے حال پررہنےدو،میرے والد رسول اللہ ﷺ کے ساتھ ایک غزوہ میں شہید ہوگئے ہیں،اور میری والدہ دوسرے شخص سے نکاح کرچکی ہیں،جس نے میرامال بھی کھا لیاہے،اور اب اس کے شوہر نے مجھ کو میرے گھر سےنکال دیاہے،اوراب نہ میرے پاس کھا نا ہے نہ پینا ہے،نہ کپڑے ہیں،نہ ہی کو ئی گھرہے جو میراٹھکانہ ہو،جب میں نے ان بچوں کوکھیلتےہوئے دیکھا جن کے باپ زند ہ ہیں اور انہوں نے نئے کپڑے پہنے ہوئے ہیں تومیراغم اوربھی بڑھ گیا،اس لئے میں روپڑا۔

آپﷺ نے اس کا ہاتھ پکڑا اور کہا: کیا تواس چیز پر راضی نہیں کہ میں تیرا باپ ہوں،عائشہR رضی اللہ عنہا  تیری ماں ہو،فاطمہR رضی اللہ عنہا  تیری بہن ہو،علی r رضی اللہ عنہ  تیرےچچا ہوں ،حسن r رضی اللہ عنہ  وحسینr رضی اللہ عنہ  تیرے بھائی ہوں ؟ اب بچے نے پہچان لیا کہ یہ رسول اللہ ﷺ ہیں ،اس نے کہا :یارسول اللہ !میں کیسےاس پر راضی نہ ہوں ،آپ ﷺ نے اسے اٹھایا اور گھر لے آئے، اسے اچھا لباس پہناکرخوب آراستہ کیا ،اسے کھانا کھلایاحتی کہ اسے خوش کردیا ،یہ لڑکا بچوں کے پاس ہنستا مسکراتا ہوا آیا ،بچوں نے جب اسے اس حال میں دیکھا تو کہا : ابھی تو تم رورہےتھے ،تجھے کیا ہوا کہ تم خوش ہو ؟ اس نے کہا کہ میں بھوکا تھا میرا پیٹ بھرگیا، میں بے لباس تھا مجھے کپڑے مل گئے ،میں یتیم تھا رسول اللہ ﷺ میرے باپ، عائشہR رضی اللہ عنہا  میری ماں بن گئیں اور آخر تک تمام قصہ سنایا ،بچوں نے کہا :کاش ہم سب کے والد بھی غزوہ میں شہید ہوجاتے جس طرح تیرے والد شہید ہوئے ،وہ بچہ آپ ﷺ کے ساتھ رہا یہاں تک آپﷺ کا وصال ہوگیا،اس دن وہ بچہ روتے ہوئے سرپر مٹی ڈالتے ہوئے نکلا اور کہہ رہاتھا کہ آج میں یتیم ہوگیا ،آج میں غریب ہوگیا ،ابوبکر r رضی اللہ عنہ  نے اسے اپنے سے چمٹالیا[2]۔

یہ واقعہ اس خاص انداز وسیاق سے ہمیں باوجود تتبع وتلاش کےذخیرۂ احادیث میں سنداًکہیں نہیں مل سکا،چنانچہ جب تک اس روایت کی کوئی معتبر سند نہیں مل جاتی اسے بیان کرنے کو موقوف رکھا جائےاورہرگز بیان نہ کریں ۔