روایت: ’’نبی ﷺ نے فرمایا: ’’صلاة النهار عجماء‘‘. دن کی نماز گونگی ہوتی ہے (یعنی دن کی نمازوں میں بلند آواز سے قرأت نہیں کی جاتی)‘‘۔
حکم: حضرات محدثین کی ایک جماعت نے ان الفاظ کے حدیثِ رسول اللہ ﷺ ہونے کی نفی کی ہے، اس لئے اسے رسول اللہ ﷺ کے انتساب سے بیان کرنا درست نہیں ہے، البتہ انہی محدثین کے مطابق یہ روایت حضرت ابو عبیدہ بن عبد اللہ بن مسعود رحمہ اللہ ، حضرت حسن بصری رحمہ اللہ اور حضرت مجاہد رحمہ اللہ کے قول کے طور پر ملتی ہے، اس لئے اسے ان حضرات کے انتساب سے ان کے قول کے طور پر بیان کرنا چاہئے، واللہ اعلم۔
تحقیق کی تفصیل
زیر بحث روایت قاضی ابو الحسن علی بن محمد مَاوَرْدِی رحمہ اللہ نے ’’الحاوي الكبير‘‘[3] میں، علامہ ابن سیدہ رحمہ اللہ نے ’’المخصص‘‘[4] میں، حافظ ابن عبد البر رحمہ اللہ نے ’’التمهيد‘‘[5] اور ’’الاستذكار‘‘[6]میں، امام شمس الائمہ سرخسی رحمہ اللہ نے ’’المبسوط‘‘[7] میں، علامہ ابراہیم بن عبد الصمد تنوخی رحمہ اللہ نے ’’التنبيه‘‘[8] میں، امام علاء الدین کاسانی حنفی رحمہ اللہ نے ’’بدائع الصنائع‘‘[9] میں، امام برہان الدین مرغینانی رحمہ اللہ نے ’’ الهداية‘‘[10] میں، علامہ ابو الولید ابن رشد مالکی رحمہ اللہ نے ’’بداية المجتهد‘‘[11] میں، حافظ ابن جوزی رحمہ اللہ نے’’صيد الخاطر‘‘0 میں، علامہ برہان الدين محمود بن احمد حنفی رحمہ اللہ نے ’’ المحيط البرهاني‘‘[12] میں، علامہ موفق الدین ابن قدامہ مقدسی رحمہ اللہ نے ’’الكافي‘‘[13] میں، امام ابو الفضل عبد اللہ بن محمود بن مودود موصلی حنفی رحمہ اللہ نے ’’الاختيار‘‘[14] میں، علامہ فخر الدین عثمان بن علی زیلعی رحمہ اللہ نے ’’تبيين الحقائق‘‘[15] میں، علامہ ضیاء الدین خلیل بن اسحاق مالکی رحمہ اللہ نے ’’التوضيح‘‘[16] میں، علامہ ابو بکر بن علی الحداد رحمہ اللہ نے ’’الجوهرة النَيِّرَة‘‘[17] میں اور علامہ ملا خسرو رحمہ اللہ نے ’’درر الحكام‘‘[18] میں بلا سند ذکر کی ہے۔
روایت پر ائمہ کا کلام
امام عبد الواحد بن اسماعیل رویانی شافعی رحمہ اللہ ’’بحر المذهب‘‘[19] میں زیر بحث روایت کے بارے میں امام دار قطنی رحمہ اللہ کا کلام نقل کرتے ہوئے فرماتے ہیں:
’’وأما الخبر، قال الدارقطني: هذا لم يرو عن رسول الله صلى الله عليه وسلم، وإنما هو من قول الفقهاء‘‘. اور رہی بات خبر کی، دار قطنی رحمہ اللہ فرماتے ہیں: یہ رسول اللہ ﷺ سے منقول نہیں ہے، اور یہ صرف فقہاء کا قول ہے۔
اورعلامہ شہاب الدین احمد بن ادریس قَرَافِی رحمہ اللہ نے’’الذخيرة‘‘[20] میں یہی قول امام دار قطنی رحمہ اللہ کے حوالہ سے نقل کیا ہے۔
علامہ ابو الحسین یحیی بن ابی الخیر یمانی رحمہ اللہ ’’البيان‘‘[21] میں زیر بحث روایت کے بارے میں فرماتے ہیں:
’’فلا يصح ذلك عن النبي صلى الله عليه وسلم، وإنما هو من قول بعض الفقهاء‘‘. یہ نبی ﷺ کے انتساب سے صحیح نہیں ہے، اور یہ صرف بعض فقہاء کا قول ہے۔
امام نووی رحمہ اللہ ’’خلاصة الأحكام‘‘[22] میں زیر بحث روایت نقل کرنے کے بعد فرماتے ہیں: ’’باطل، لا أصل له‘‘. باطل ہے، اس کی کوئی اصل نہیں ہے۔
نیز امام نووی رحمہ اللہ ’’ شرح المهذب‘‘[23] میں مزید فرماتے ہیں:
’’قال الدارقطني وغيره من الحفاظ: هذا ليس من كلام النبي صلى الله عليه وسلم، ولم يرو عنه، وإنما هو قول بعض الفقهاء، قال الشيخ أبو حامد وسألت عنه أبا الحسن الدارقطني فقال: لا أعرفه عن النبي صلى الله عليه وسلم صحيحا ولا فاسدا، مع أن المراد معظم صلوات النهار، ولهذا يجهر في الجمعة والعيد، والله أعلم‘‘.
حفاظ میں سے دار قطنی رحمہ اللہ وغیرہ فرماتے ہیں: یہ نبی ﷺ کے کلام میں سے نہیں ہے، اور نہ ہی نبی ﷺ سے مروی ہے، اور یہ صرف بعض فقہاء کا قول ہے، شیخ ابو حامد (یعنی اسفرایینی رحمہ اللہ )فرماتے ہیں کہ میں نے ابو الحسن دار قطنی رحمہ اللہ سے اس بارے میں سوال کیا، تو انہوں نے فرمایا: میں اسے نبی ﷺ سے نہیں پہچانتا، نہ صحیح طور پر اور نہ ہی فاسد، اس کے ساتھ ساتھ یہ کہ مراد دن کی اکثر نمازیں ہیں، اور اسی وجہ سے جمعہ اور عید میں بلند آواز سے قراءت کی جاتی ہے، واللہ اعلم۔
حافظ سخاوی رحمہ اللہ نے ’’المقاصد‘‘[24] میں حافظ سیوطی رحمہ اللہ نے ’’الدرر المنتثره‘‘[25] میں، علامہ پٹنی رحمہ اللہ نے ’’تذكرة الموضوعات‘‘[26] میں، ملا علی قاری رحمہ اللہ نے ’’المصنوع‘‘[27] اور ’’الأسرار المرفوعة‘‘[28] میں، علامہ اسماعیل عجلونی رحمہ اللہ نے ’’ كشف الخفاء‘‘[29] میں، علامہ شوکانی رحمہ اللہ نے ’’الفوائد المجموعة‘‘[30] میں، علامہ محمد بن محمد درویش حوت رحمہ اللہ نے ’’أسنى المطالب‘‘[31] میں اور علامہ قاوقجی رحمہ اللہ نے ’’اللؤلؤ المرصوع‘‘[32]میں امام دارقطنی lاور امام نووی lکے کلام پر اعتماد کیا ہے۔
حافظ جمال الدین زیلعی رحمہ اللہ ’’نصب الراية‘‘[33] میں زیر بحث روایت کے بارے میں فرماتے ہیں:
’’غريب، ورواه عبد الرزاق في مصنفه من قول مجاهد، وأبي عبيدة‘‘. یہ غریب ہے، اور عبد الرزاق رحمہ اللہ نے اپنی ’’مصنف‘‘میں اسے مجاہد اور ابو عبیدہ کے قول کے طور پر روایت کیا ہے۔
چند سطر کے بعد حافظ زیلعی رحمہ اللہ نے امام نووی lکا قول نقل کیا ہے۔
علامہ صدر الدین ابن ابی العز رحمہ اللہ ’’التنبيه‘‘[34] میں روایت نقل کرنے کے بعد فرماتے ہیں:
’’قال السَرُوجي: وروى جماعة من أصحابنا ذلك عن النبي صلى الله عليه وسلم، ولم أقف عليه، وذكر الحديث صاحب المهذب أيضا، قال النووي: باطل، غريب، لا أصل له‘‘.
سَرُوجی (یعنی ابو العباس احمد بن ابراہیم رحمہ اللہ )کہتے ہیں: اور ہمارے اصحاب میں سے ایک جماعت نے اسے نبی ﷺ سے روایت کیا ہے، اور میں اس پر واقف نہیں ہوسکا ہوں، اور صاحبِ ’’مہذب‘‘(یعنی امام ابو اسحاق شیرازی رحمہ اللہ ) نے بھی یہ حدیث ذکر کی ہے، نووی رحمہ اللہ فرماتے ہیں: یہ باطل، غریب ہے، اس کی کوئی اصل نہیں ہے۔
حافظ ابن رجب حنبلی رحمہ اللہ ’’فتح الباري‘‘[35] میں زیر بحث روایت کے بارے میں فرماتے ہیں:
’’وكثير من العلماء جعله حديثا مرفوعا، منهم: ابن عبد البر، وابن الجوزي، ولا أصل لذلك، وحكي عن أبي حامد الإسفراييني أنه سأل الدارقطني عنه، فقال: لا أعرف صحيحا ولا فاسدا ‘‘.
بہت سارے علماء نے اس کو مرفوع حدیث بنایا ہے، ان میں سے ابن عبد البر رحمہ اللہ اور ابن جوزی رحمہ اللہ ہیں، حالانکہ اس کی کوئی اصل نہیں ہے، اور ابوحامد اسفرا یینی رحمہ اللہ سے نقل کیا گیا ہے کہ انہوں نے دارقطنی رحمہ اللہ سے اس روایت کے بارے میں پوچھا، تو دارقطنی رحمہ اللہ نے فرمایا: میں اس کے صحیح اور فاسد کو نہیں جانتا۔
حافظ ابن حجر عسقلانی رحمہ اللہ ’’الدراية‘‘[36] میں زیر بحث روایت کے بارے میں فرماتے ہیں:
’’لم أجده، وهو عند عبد الرزاق من قول مجاهد، ومن قول أبي عبيدة بن عبد الله بن مسعود موقوفا عليهما، وفي الصحيحين ما يدل على الإسرار بالقراءة في الظهر والعصر، حديث أبي قتادة وحديث خباب عند البخاري، وحديث أبي سعيد عند مسلم‘‘.
مجھے یہ حدیث نہیں مل سکی، اور عبد الرزاق رحمہ اللہ کے ہاں یہ مجاہد اور ابو عبیدہ بن عبد اللہ بن مسعود سے موقوفاً ان کے قول کے طور پر ہے، صحیحین میں احادیث ہیں جو ظہر اور عصر میں آہستہ آواز سے قراءت پر دلالت کرتی ہیں، حدیثِ ابو قتادہ رضی اللہ عنہ اور حدیثِ خباب رضی اللہ عنہ ، بخاری l کے نزدیک، اور حدیثِ ابو سعید رضی اللہ عنہ ، مسلم رحمہ اللہ کے نزدیک۔
حافظ بدر الدین عینی رحمہ اللہ ’’البناية‘‘[37] میں زیر بحث روایت کے متعلق فرماتے ہیں:
’’هذا ليس بحديث مرفوع عن النبي صلى الله عليه وسلم، وقال النووي في الروضة: هذا باطل، ليس له أصل، ورواه عبد الرزاق في مصنفه من قول مجاهد وأبي عبيدة‘‘.
یہ نبی ﷺ سے مرفوع حدیث نہیں ہے، اور نووی رحمہ اللہ ’’روضہ‘‘ میں فرماتے ہیں: یہ باطل ہے، اس کی کوئی اصل نہیں ہے، اور عبد الرزاق رحمہ اللہ نے اپنی ’’مصنف‘‘ میں اسے مجاہد اور ابو عبیدہ کے قول کے طور پر روایت کیا ہے۔
نیز حافظ بدر الدین عینی رحمہ اللہ ’’شرح سنن أبي داود‘‘[38] میں زیر بحث روایت کے متعلق فرماتے ہیں:
’’وقد قيل: إن هذا حديث، وليس بصحيح‘‘. اور کہا گیا کہ یہ حدیث ہے، حالانکہ یہ صحیح نہیں ہے۔
علامہ عبد الکریم غزی رحمہ اللہ ’’الجد الحثيث‘‘[39] میں زیر بحث روایت کے بارے میں فرماتے ہیں:
’’قال النووي: باطل، لا أصل له، أي: في المرفوع، وإلا فقد روي من قول مجاهد وأبي عبيدة بن عبيد الله بن مسعود، وقال: إنه من كلام الحسن البصري‘‘.
نووی رحمہ اللہ فرماتے ہیں کہ یہ باطل ہے، اس کی کوئی اصل نہیں ہے، یعنی مرفوع میں، ورنہ یہ مجاہد اور ابو عبیدہ بن عبید اللہ بن مسعود کے قول کے طور پر مروی ہے، اور کہا ہے: یہ حسن بصری رحمہ اللہ کا کلام ہے۔
امام دار قطنی رحمہ اللہ فرماتے ہیں: ’’یہ نبی ﷺ کے کلام میں سے نہیں ہے، اور نہ ہی نبی ﷺ سے مروی ہے، اور یہ صرف فقہاء کا قول ہے‘‘، امام عبد الواحد رویانی رحمہ اللہ اور علامہ شہاب الدین احمد بن ادریس قرَافی رحمہ اللہ نے امام دارقطنی رحمہ اللہ کے قول پر اعتماد کیا ہے، علامہ ابو الحسین یحیی بن ابی الخیر رحمہ اللہ فرماتے ہیں: ’’یہ نبی ﷺ کے انتساب سے صحیح نہیں ہے، اور یہ صرف بعض فقہاء کا قول ہے‘‘، امام نووی رحمہ اللہ فرماتے ہیں:’’باطل ہے، اس کی کوئی اصل نہیں ہے‘‘۔
حافظ سخاوی رحمہ اللہ ، حافظ سیوطی رحمہ اللہ ، علامہ پٹنی رحمہ اللہ ، ملا علی قاری رحمہ اللہ ، علامہ اسماعیل عجلونی رحمہ اللہ ، علامہ شوکانی رحمہ اللہ ، علامہ محمد بن محمددرویش حوت رحمہ اللہ اور علامہ قاوقجی رحمہ اللہ نے امام دارقطنی lاور امام نووی lکے کلام پر اعتماد کیا ہے۔
حافظ جمال الدین زیلعی رحمہ اللہ فرماتے ہیں: ’’یہ غریب ہے، اور عبد الرزاق رحمہ اللہ نے اپنی ’’مصنف‘‘میں اسے مجاہد اور ابو عبیدہ کے قول کے طور پر روایت کیا ہے‘‘، چند سطر بعد حافظ زیلعی رحمہ اللہ نے امام نووی lکا قول نقل کیا ہے۔
علامہ صدر الدین ابن ابی العز رحمہ اللہ فرماتے ہیں: ’’سَرُوجی (یعنی ابو العباس احمد بن ابراہیم رحمہ اللہ )کہتے ہیں: اور ہمارے اصحاب میں سے ایک جماعت نے اسے نبی ﷺ سے روایت کیا ہے، اور میں اس پر واقف نہیں ہوسکا ہوں، اور صاحبِ ’’مہذب‘‘(یعنی امام ابو اسحاق شیرازی رحمہ اللہ ) نے بھی یہ حدیث ذکر کی ہے، نووی رحمہ اللہ فرماتے ہیں: یہ باطل، غریب ہے، اس کی کوئی اصل نہیں ہے‘‘۔
حافظ ابن رجب حنبلی رحمہ اللہ فرماتے ہیں: ’’بہت سارے علماء نے اس کو مرفوع حدیث بنایا ہے، ان میں سے ابن عبد البر رحمہ اللہ اور ابن جوزی رحمہ اللہ ہیں، حالانکہ اس کی کوئی اصل نہیں ہے، اور ابوحامد اسفرا یینی رحمہ اللہ سے نقل کیا گیا ہے کہ انہوں نے دارقطنی رحمہ اللہ سے اس روایت کے بارے میں پوچھا، تو دارقطنی رحمہ اللہ نے فرمایا: میں اس کے صحیح اور فاسد کو نہیں جانتا‘‘۔
حافظ ابن حجر عسقلانی رحمہ اللہ فرماتے ہیں: ’’مجھے یہ حدیث نہیں مل سکی، اور عبد الرزاق رحمہ اللہ کے ہاں یہ مجاہد اور ابو عبیدہ بن عبد اللہ بن مسعود سے موقوفاً ان کے قول کے طور پر ہے، صحیحین میں احادیث ہیں جو ظہر اور عصر میں آہستہ آواز سے قراءت پر دلالت کرتی ہیں، حدیثِ ابو قتادہ رضی اللہ عنہ اور حدیثِ خباب رضی اللہ عنہ ، بخاری l کے نزدیک، اور حدیثِ ابو سعید رضی اللہ عنہ ، مسلم رحمہ اللہ کے نزدیک‘‘۔
حافظ بدر الدین عینی رحمہ اللہ فرماتے ہیں: ’’یہ نبی ﷺ سے مرفوع حدیث نہیں ہے، اور نووی رحمہ اللہ ’’روضہ‘‘ میں فرماتے ہیں: یہ باطل ہے، اس کی کوئی اصل نہیں ہے، اور عبد الرزاق رحمہ اللہ نے اپنی ’’مصنف‘‘میں اسے مجاہد اور ابو عبیدہ کے قول کے طور پر روایت کیا ہے‘‘۔
الحاصل اسے رسول اللہ ﷺ کے انتساب سے بیان کرنا درست نہیں ہے، البتہ یہ روایت حضرت ابو عبیدہ بن عبد اللہ بن مسعود رحمہ اللہ ، حضرت حسن بصری رحمہ اللہ اور حضرت مجاہد رحمہ اللہ کے قول کے طور پر ملتی ہے، اس لئے اسے ان حضرات کے انتساب سے بیان کرنا چاہئے، واللہ اعلم۔
آپ ماقبل تفصیل میں دیکھ چکے ہیں کہ روایت حضرت ابو عبیدہ بن عبد اللہ بن مسعود رحمہ اللہ ، حضرت حسن بصری رحمہ اللہ اور حضرت مجاہد رحمہ اللہ کے قول کے طور پر ملتی ہے، ذیل میں ان حضرات کے اقوال ملاحظہ ہوں:
امام عبد الرزاق رحمہ اللہ ’’المصنف‘‘[40] میں فرماتے ہیں:
’’عن معمر، عن عبد الكريم الجزري، قال: سمعت أبا عبيدة يقول: صلاة النهار عجماء‘‘. ابو عبیدہ رحمہ اللہ فرماتے ہیں: دن کی نماز گونگی ہوتی ہے۔
امام ابو بکر ابن ابی شیبہ رحمہ اللہ ’’المصنف‘‘[41] میں فرماتے ہیں:
’’حدثنا حفص، عن هشام، عن الحسن قال: صلاة النهار عجماء، وصلاة الليل تسمع أذنيك‘‘. حسن رحمہ اللہ فرماتے ہیں: دن کی نماز گونگی ہوتی ہے، اور رات کی نماز تیرے کانوں کو سناتی ہے۔
امام عبد الرزاق رحمہ اللہ ’’المصنف‘‘[42] میں فرماتے ہیں:
’’عن ابن جريج، قال: قال مجاهد: صلاة النهار عجماء‘‘. حضرت مجاہد رحمہ اللہ فرماتے ہیں: دن کی نماز گونگی ہوتی ہے۔
حوالہ جات
[1] شرح مختصر الطحاوي:۱/۶۶۲،ت:عصمت الله عنايت الله محمد،دار البشائر الإسلامية ـ بيروت،الطبعة الأولى1431 هـ .
[2] امام ابو بکر جصاص رحمہ اللہ فرماتے ہیں: ’’صلاة النهار عجماء‘‘، يعني لا يفصح فيها بالقراءة‘‘. (شرح مختصر الطحاوي: ۱/۶۶۲،ت:عصمت الله عنايت الله محمد،دار البشائر الإسلامية ـ بيروت،الطبعة الأولى1431هـ) .
اسی طرح حافظ بدر الدین عینی رحمہ اللہ فرماتے ہیں: ’’وقال: صلاة النهار عجماء‘‘، لأنها لا يجهر فيها بالقراءة‘‘. (البناية شرح الهداية:7/198،ت:أيمن صالح شعبان،دار الكتب العلمية ـ بيروت،الطبعة الأولى۱۴۲۰هـ) .
[3] الحاوي الكبير وهو شرح مختصر المزني:۲/۴۳۵،ت:عادل أحمد عبد الموجود وعلي محمد معوض، دار الكتب العلمية ـ بيروت،الطبعة الأولى1414هـ .
[4] المخصص:۱/۲۱۱،ت:خليل إبراهم جفال،دار إحياء التراث العربي ـ بيروت،الطبعة الأولى1417هـ .
[5] التمهيد:۳/۶۸،ت:بشار عواد معروف،مؤسسة الفرقان للتراث الإسلامي،الطبعة الأولى1439هـ .
[6] الاستذكار:2/414،ت:محمد علي معوض،دار الكتب العلمية – بيروت،الطبعة الأولى1421هـ .
[7] كتاب المبسوط:1/16،دار المعرفة ـ بيروت .
[8] التنبيه على مبادئ التوجيه:۱/۴۹۳،ت:محمد بلحسان،دار ابن حزم ـ بيروت،الطبعة الأولى1428هـ .
[9] بدائع الصنائع في ترتيب الشرائع:1/110،دار الكتب العلمية ـ بيروت الطبعة الثانية 1406هـ .
[10] الهداية:۱/۳۴۸،ت:نعيم أشرف نور أحمد،إدارة القرآن والعلوم الإسلامية ـ كراتشي ـ باكستان،الطبعة الأولى 1417هـ .
[11] بداية المجتهد ونهاية المقتصد:۱/۴۰۵،ت:ماجد الحموي،دار ابن حزم ـ بيروت،الطبعة الأولى 1416هـ .
0 صيد الخاطر: ص:238،رقم:734،ت:حسن السماجي سويدان،دار القلم ـ دمشق،الطبعة الثالثة 1433هـ .
[12] المحيط البرهاني في الفقه النعماني:۱/۳۰۰،ت:عبد الكريم سامي الجندي،دار الكتب العلمية ـ بيروت، الطبعة الأولى1424هـ .
[13] الكافي في فقه الإمام أحمد:1/249،ت:محمد فارس ومسعد عبد الحميد السعدني،دار الكتب العلمية ـ بيروت،الطبعة الأولى1414هـ .
[14] الاختيار لتعليل المختار:۱/۵۰،ت:محمود أبو دقيقة،دار الكتب العلمية ـ بيروت .
[15] تبيين الحقائق:۱/۳۱۲،المطبعة الكبرى الأميرية ـ مصر،الطبعة الأولى1313هـ .
[16] التوضيح في شرح المختصر الفرعي لابن الحاجب:۱/۳۴۸،ت:أحمد بن عبد الكريم نجيب،مركز نجيبويه للمخطوطات وخدمة التراث،الطبعة1429هـ .
[17] الجوهرة النيرة شرح مختصر القدوري:۱/۱۵۱،ت:إلياس قبلان،دار الكتب العلمية ـ بيروت،الطبعة الأولى1427هـ .
[18] درر الحكام في شرح غرر الأحكام:۱/۱۹۶،مير محمد كتب خانة ـ كراتشي ـ باكستان .
[19] بحر المذهب في فروع المذهب الشافعي:۱/۳۸۸،ت:طارق فتحي السيد،دار الكتب العلمية ـ بيروت، الطبعة الأولى2009ء .
[20] الذخيرة:2/20،ت:سعيد أعراب،دار الغرب الإسلامي ـ بيروت،الطبعة الأولى1994ء .
[21] البيان في مذهب الإمام الشافعي:۲/۳۴،ت:قاسم محمد النوري،دار المنهاج ـ بيروت،الطبعة الأولى 1421هـ .
’’البیان‘‘ کی مکمل عبارت ملاحظہ ہو: ’’وأما قوله: (صلاة النهار عجماء). فلا يصح ذلك عن النبي صلى الله عليه وسلم، وإنما هو من قول بعض الفقهاء، فإن صح .. فالمراد به: معظم صلاة النهار عجماء، بدليل: أن الجمعة والعيدين من صلاة النهار، ويجهر فيهما‘‘.
[22] خلاصة الأحكام في مهمات السنن وقواعد الإسلام:1/394،رقم:1243،ت:حسين إسماعيل الجمل، مؤسسة الرسالة ـ بيروت،الطبعة الأولى1418هـ .
امام نووی رحمہ اللہ کی مکمل عبارت ملاحظہ ہو: ’’منه: عن أبي هريرة رفعه: من جهر بالقراءة في صلاة النهار فارموه بالبعر، ويقول: إن صلاة النهار عجماء، باطل، لا أصل له‘‘.
[23] المجموع شرح المهذب:۳/۴۶،إدارة الطباعة المنيرية .
[24] المقاصد الحسنة:ص:۴۲۶،رقم:۶۲۸،ت:محمد عثمان الخشت،دار الكتاب العربي ـ بيروت،الطبعة الأولى 1405هـ .
حافظ سخاوی رحمہ اللہ کی مکمل عبارت ملاحظہ ہو: ’’صلاة النهار عجماء. قال النووي في الكلام على الجهر بالقراءة من شرح المهذب: إنه باطل، لا أصل له، وكذا قال الدارقطني: لم يرو عن النبي صلى الله عليه وسلم، وإنما هو من قول بعض الفقهاء.. حكاه الروياني في البحر، وقال: المراد به معظم الصلاة، ولهذا يجهر في الجمعة والعيد، وذكره، غير أنه من كلام الحسن البصري، بل هو عند أبي عبيد في فضائل القرآن من قول أبي عبيدة بن عبد الله بن مسعود، وكذا أخرجه عبد الرازق من قوله، ومن قول مجاهد موقوفا عليهما، ولابن أبي شيبة في مصنفه، عن يحيى بن أبي كثير، إنهم قالوا: يا رسول الله! إن ههنا قوما يجهرون بالقراءة بالنهار، فقال: ارموهم بالبعر، وهذا مرسل، وقد رواه ابن شاهين مسندا عن أبي هريرة، وثبت عن أبي قتادة وخباب وأبي سعيد مرفوعا، ما يدل على الإسرار بالقراءة في الظهر والعصر‘‘.
[25] الدرر المنتثرة في الأحاديث المشتهرة:ص:۱۳۷،رقم:۲۷۴،ت:محمد بن لطفي الصباغ،عمادة شؤون المكتبات ـ الرياض.
[26] تذكرة الموضوعات:ص:۳۸،دار إحياء التراث العربي ـ بيروت،الطبعة الثانية1399هـ .
[27]المصنوع في معرفة الحديث الموضوع:ص:۱۱۹،رقم:ٍ۱۸،ت:عبد الفتاح أبو غدة،مؤسسة الرسالة ـ بيروت، الطبعة الثانية 1398هـ .
[28] الأسرار المرفوعة في الأخبار الموضوعة:ص:۲۳۴،رقم:۲۶۶،ت:محمد الصباغ،مؤسسة الرسالة ـ بيروت، الطبعة1391هـ .
[29] الكشف الخفاء:۲/۲۸،رقم:۱۶۰۹،مكتبة القدسي ـ القاهرة،الطبعة الأولى1351هـ .
[30] الفوائد المجموعة:ص:۲۸،رقم:۵۳،ت:عبدالرحمن بن يحيى المعلمي،دار الكتب العلمية ـ بيروت، الطبعة۱۴۱۶هـ .
[31] أسنى المطالب:ص:۱۷۳،رقم:۸۲۵،ت:مصطفى عبد القادر عطا،دار الكتب العلمية ـ بيروت،الطبعة الأولى1418هـ .
[32] اللؤلؤ المرصوع فيما لا أصل له أو بأصله موضوع:۱۱۰،رقم:۳۰۸،ت:فواز أحمد زمرلي،دار البشائر الإسلامية ـ بيروت،الطبعة الأولى۱۴۱۵هـ .
[33] نصب الراية:2/1،رقم:53،ت:محمد عوامة،مؤسسة الريان ـ بيروت،الطبعة الأولى1418هـ .
[34] التنبيه على مشكلات الهداية:۲/۵۸۲،ت:أنور صالح أبو زيد،مكتبة الرشد ـ الرياض،الطبعة الأولى 1424هـ .
[35] فتح الباري:7/84 ،ت:إبراهيم بن إسماعيل القاضي،مكتبة الغرباء الأثرية - المدينة النبوية،الطبعة الأولى1416هـ .
[36] الدراية في تخريج أحاديث الهداية:1/160،رقم:193ت:عبد الله هاشم اليماني،دار المعرفة ـ بيروت .
[37] البناية شرح الهداية:۲/۲۹۴،ت:أيمن صالح شعبان،دار الكتب العلمية ـ بيروت،الطبعة الأولى۱۴۲۰هـ .
[38] شرح سنن أبي داود:۳/۴۶۱،ت:أبو المنذر خالد بن إبراهيم المصري،مكتبة الرشد ـ الرياض،الطبعة الأولى ۱۴۲۰هـ .
[39] الجد الحثيث في بيان ما ليس بحديث:ص:۵۲،رقم:۲۰۴،دار الراية ـ الرياض،الطبعة الأولى1412هـ .
[40] المصنف:۲/۴۹۳،رقم:۴۲۰۱،ت:حبيب الرحمن الأعظمي،المكتب الإسلامي ـ بيروت،الطبعة الأولى1390هـ .
[41] الكتاب المصنف في الأحاديث والآثار:1/320،رقم:3664،ت:كمال يوسف الحوف،دار التاج ـ بيروت، الطبعة الأولى1409هـ .
[42] المصنف:۲/۴۹۳،رقم:۴۲۰۰،ت:حبيب الرحمن الأعظمي،المكتب الإسلامي ـ بيروت،الطبعة الأولى1390هـ .
[43] نصب الراية:2/1،رقم:53،ت:محمد عوامة،مؤسسة الريان ـ بيروت،الطبعة الأولى1418هـ .
[44] المقاصد الحسنة:ص:۴۲۶،رقم:۶۲۸،ت:محمد عثمان الخشت،دار الكتاب العربي ـ بيروت،الطبعة الأولى1405هـ .