چاشت کے وقت کی دعا: ’’اللهم بك أحاول وبك أصاول وبك أقاتل‘‘. اے اللہ! میں تجھ ہی سے اپنے مقاصد کی کامیابی طلب کرتا ہوں اور تیری ہی مدد سے دشمنوں پر حملہ کرتا ہوں اور تیری ہی مدد سے جہاد کرتا ہوں۔
حکم: مصادرِ اصلیہ کے مطابق راجح یہی ہے کہ مذکورہ مسنون دعا کو فجر کے بعد، نیز دشمن سے مقابلہ کے وقت، اور جہاد میں پڑھا جائے، تاہم اس دعا کا چاشت کے وقت مسنون جان کر پڑھنا مصادرِ اصلیہ کے لحاظ سے مخدوش، محلِ نظر ہے، درست نہیں ہے، ذکر کردہ یہ حکم دعا بحیثیتِ حدیث ہے۔
تحقیق کی تفصیل
واضح رہے کہ زیر بحث دعا مسند مصادر میں مختلف صحابہ رضی اللہ عنہم سے مختلف سیاق و الفاظ سے منقول ہے، ان تمام میں کسی بھی جگہ ’’چاشت‘‘ کے وقت اس دعا کے پڑھنے کا ذکر نہیں ہے، ملاحظہ ہو:
امام احمد بن حنبل رحمہ اللہ ’’مسند أحمد‘‘[1] میں تخریج فرماتے ہیں:
’’حدثنا أبو النضر هاشم بن القاسم، حدثنا أبو سلام عبد الملك بن مسلم الحنفي، عن عمران بن ظبيان، عن حكيم بن سعد أبي تِحْيَى، عن علي، قال: كان النبي صلى الله عليه وسلم إذا أراد سفرا قال: اللهم بك أصول، وبك أحول، وبك أسير‘‘.
حضرت علی رضی اللہ عنہ سے منقول ہے کہ نبی ﷺ جب کسی سفر کا ارادہ فرماتے تو یہ دعا پڑھتے تھے: اے اللہ! میں آپ کی مدد سے حملہ کرتا ہوں، اور آپ کی مدد سے دفاع کرتا ہوں، اور آپ کی مدد سے چلتا ہوں۔
یہی روایت ان الفاط سے’’الدعاء للطبراني‘‘[2] اور ’’مسند البزار‘‘[3] میں بھی تخریج کی گئی ہے۔
امام احمد بن حنبل رحمہ اللہ اپنی ’’مسند‘‘[4] میں تخریج فرماتے ہیں:
’’حدثنا وكيع، عن حماد بن سلمة، عن ثابت، عن عبد الرحمن بن أبي ليلى، عن صهيب، قال: كان رسول الله صلى الله عليه وسلم يحرك شفتيه أيام حنين بشيء لم يكن يفعله قبل ذلك، قال: فقال النبي صلى الله عليه وسلم: إن نبيا كان فيمن كان قبلكم أعجبته أمته، فقال: لن يروم هؤلاء شيء، فأوحى الله إليه: أن خيرهم بين إحدى ثلاث: إما أن أسلط عليهم عدوا من غيرهم فيستبيحهم، أو الجوع، أو الموت، قال: فقالوا: أما القتل أو الجوع فلا طاقة لنا به، ولكن الموت، قال: قال رسول الله صلى الله عليه وسلم: فمات في ثلاث سبعون ألفا، قال: فقال: فأنا أقول الآن: اللهم بك أحاول، وبك أصول، وبك أقاتل‘‘.
حضرت صہیب رضی اللہ عنہ فرماتے ہیں کہ رسول اللہ ﷺ غزوہ حنین کے دنوں میں اپنے ہونٹ ہلا رہے تھے آپ ﷺ ایسا پہلے نہیں کرتے تھے، راوی کہتے ہیں کہ نبی ﷺ نے فرمایا: تم سے پچھلی قوموں میں ایک نبی تھے جن کو اپنی امت کو دیکھ کر خوشی ہوئی، اور یہ خیال گزرا کہ ان میں سے تو کوئی بھی برائی کا ارادہ نہیں کر سکتا، اس پر اللہ کی طرف سے ان پر وحی ہوئی کہ تین میں سے ایک کو اختیار کرو: یا تو ان پر ان کے دشمن کو مسلط کردو جو ان کو ملیا میٹ کردے، یا بھوک کو مسلط کردو، یا موت کو مسلط کردو، اس پر قوم نے عرض کیا کہ بھوک یا قتل کو ہم پر مسلط کیا جائے، اس کی تو ہم میں ہمت نہیں ہے، ہاں موت کےلئے ہم تیار ہیں، راوی کہتے ہیں کہ رسول اللہ ﷺ نے فرمایا: پھر تین دنوں میں ستر ہزار لوگوں کا انتقال ہوا، راوی کہتے ہیں کہ آپ ﷺ نے فرمایا: اسی وجہ سے اب میں یہ مانگتا ہوں: اے اللہ! میں آپ ہی کی مدد سے تدبیر کرتا ہوں، اور آپ ہی کی مدد سے حملہ کرتا ہوں، اور آپ ہی کی مدد سے قتال کرتا ہوں۔
حضرت صہیب رضی اللہ عنہ سے منقول یہ روایت ان کتب میں مختلف الفاط سے تخریج کی گئی ہے:
’’المعجم الكبير‘‘[5]، ’’القضاء والقدر‘‘[6] اور ’’السنن الكبرى‘‘[7].
’’صحيح ابن حبان‘‘[8] میں ’’ كان رسول الله صلى الله عليه وسلم يحرك شفتيه بشيء...‘‘ کا ذکر ہے۔
’’مسند الشهاب للقضاعي‘‘[9] میں ’’ایام خیبر‘‘ کا ذکر ہے۔
’’عمل اليوم والليلة لابن السني‘‘[10] میں ’’بعد صلاۃ الفجر بشیء‘‘ کا ذکر ہے۔
’’صحيح ابن حبان‘‘[11] میں ’’ایام خیبر‘‘ اور ’’بعد صلاۃ الفجر‘‘ کا ذکر ہے۔
’’صحيح ابن حبان‘‘[12] کی ایک دوسری سند میں اور ’’سنن الدارمي‘‘[13] میں اور ’’مسند السراج‘‘[14] میں ’’ایام حنین‘‘ کا ذکر ہے۔
’’تهذيب الآثار‘‘[15]، ’’حلية الأولياء‘‘[16]، ’’السنن الكبرى للنسائي‘‘[17] اور ’’مسند أحمد‘‘[18] ان تمام میں ’’ایام حنین‘‘ اور ’’بعد صلاۃ الفجر‘‘کے الفاظ ہیں۔
’’مسند البزار‘‘[19] میں یہ دعا ’’ كان إذا صلى جلس فهمس‘‘ (جب آپ ﷺ نماز پڑھتے تو آہستہ سے کچھ پڑھتے تھے)کے سیاق کے ساتھ ہے، اور اس جیسے سیاق کے ساتھ یہی دعاان کتب میں بھی موجود ہے:
’’الدعاء للطبراني‘‘[20]، ’’شعب الإيمان‘‘[21]، ’’مسند أحمد‘‘[22]، ’’تعظيم قدر الصلاة‘‘[23]، ’’عمل اليوم والليلة للنسائي[24]، ’’السنن الكبرى للنسائي‘‘[25]، ’’الأحاديث المختارة‘‘[26]، ’’مسند ابن أبي شيبة‘‘[27]، ’’مصنف ابن أبي شيبة‘‘[28] اور ’’مسند السراج‘‘[29].
نیز ’’الأحاديث المختارة‘‘[30] میں ’’ كان إذا لقي العدو يقول‘‘ کے الفاظ بھی ہیں۔
’’المسند للشاشي‘‘[31] میں ’’يكثر أن يقول يوم الأحزاب‘‘ کے الفاظ ہیں۔
’’مصنف عبد الرزاق‘‘[32]، اور پھر حافظ عبد الرزاق رحمہ اللہ کی سند سے ’’سنن الترمذي‘‘[33] اور ’’الأحاديث المختارة‘‘[34] میں ’’ہمس‘‘ کے سیاق کے ساتھ ساتھ ’’صلاۃ عصر‘‘ کا بھی ذکر ہے۔
الحاصل حضرت صہیب رضی اللہ عنہ کے طریق میں مختلف سندوں سے ’’بعد الفجر، ’’بعد العصر‘‘، اسی طرح ’’ایام حنین‘‘ یا ’’ایام خیبر‘‘، ’’لقاء عدو‘‘، ’’یوم الاحزاب‘‘ میں ان دعائیہ کلمات کے پڑھنے کا ذکر ہے، ان تمام سندوں میں کسی ایک مقام پر بھی چاشت کے وقت ان کلمات کے پڑھنے کا ذکر نہیں ہے۔
امام سعید بن منصور رحمہ اللہ کی ’’سنن‘‘[35] میں ہے:
’’حدثنا سعيد، قال: نا مروان بن معاوية، قال: أنا عمران بن حدير، عن أبي مجلز، قال: كان النبي صلى الله عليه وسلم إذا حضر القتال يقول: اللهم أنت عضدي ونصيري، بك أحول، بك أصول، وبك أقاتل‘‘.
حضرت ابومجلز رحمہ اللہ فرماتے ہیں کہ جب لڑائی کا وقت ہوتا تو نبی ﷺ یہ دعا فرماتے: اے اللہ! آپ میرا سہارا اور میرے مددگار ہیں، آپ کی مدد سے میں دفاع کرتا ہوں، اور آپ کی مدد سے میں حملہ کرتا ہوں، اور آپ کی مدد سے میں قتال کرتا ہوں۔
اور ’’تهذيب الآثار للطبري‘‘[36] میں ابو مجلز رحمہ اللہ کے طریق سے یہ روایت ’’إن نبي الله صلى الله عليه وسلم كان إذا حضر العدو‘‘ کے الفاظ کے ساتھ ہے۔
امام طبرانی رحمہ اللہ ’’المعجم الأوسط‘‘[37] اور ’’المعجم الكبير‘‘[38] میں فرماتے ہیں:
’’حدثنا أحمد، قال: نا عبد الرحمن بن بكر، قال: حدثني محمد، قال: حدثني عثمان بن ربيعة، عن عكرمة، عن ابن عباس، أن رسول الله صلى الله عليه وسلم كان إذا لم يلق العدو من أول النهار أخر، حتى تهب الرياح، ويكون عند مواقيت الصلاة، وكان يقول: اللهم بك أصول، وبك أحول، ولا حول ولا قوة إلا بالله‘‘.
حضرت ابن عباس رضی اللہ عنہما فرماتے ہیں کہ رسول اللہ ﷺ کا دن کے شروع میں اگر دشمن سے مقابلہ نہ ہوتا تو قتال کو مؤخر فرماتے، یہاں تک کہ ہوائیں چلنے لگے، اور نماز کا وقت ہوجائے، اور پھر آپ ﷺ یہ دعا مانگتے: اے اللہ! میں آپ کی مدد سے حملہ کرتا ہوں، اور آپ کی مدد سے دفاع کرتا ہوں، اور طاقت و قدرت تو صرف اللہ ہی کےلئے ہے۔
امام ابو داود رحمہ اللہ اپنی ’’سنن‘‘[39] میں تخریج فرماتے ہیں:
’’حدثنا نصر بن علي، أخبرني أبي، حدثنا المثنى بن سعيد، عن قتادة، عن أنس بن مالك، قال: كان رسول الله صلى الله عليه وسلم إذا غزا قال: اللهم أنت عضدي ونصيري، بك أحول، وبك أصول، وبك أقاتل‘‘.
حضرت انس بن مالک رضی اللہ عنہ فرماتے ہیں کہ رسول اللہ ﷺ جب غزوہ کےلئے نکلتے تو یہ دعا مانگتے تھے: اے اللہ! آپ میرا سہارا اور میرے مددگار ہیں، آپ کی مدد سے میں دفاع کرتا ہوں، اور حملہ کرتا ہوں، اور قتال کرتا ہوں۔
اور تقریباً اس سے ملتے جلتے الفاظ حضرت انس رضی اللہ عنہ ہی کے طریق سے درج ذیل کتب میں بھی تخریج کئے گئے ہیں:
’’مسند أحمد‘‘[40]، ’’مسند أبي عوانة‘‘[41]، ’’مسند أبي يعلى الموصلي‘‘[42]، ’’مسند البزار‘‘[43]، ’’الدعوات الكبير للبيهقي‘‘[44]، ’’الأسماء والصفات للبيهقي‘‘[45]، ’’السنن الكبرى للنسائي‘‘[46]، ’’عمل اليوم والليلة للنسائي‘‘[47]، ’’الأحاديث المختارة‘‘[48]، ’’ كتاب الدعاء للطبراني‘‘[49]، ’’صحيح ابن حبان‘‘[50]اور ’’سنن الترمذي‘‘[51].
الحاصل اب تک ذکر کردہ تمام مصادر میں مذکورہ دعا، چاشت کے وقت مانگنے کا کسی مقام پر بھی ذکر نہیں ہے۔
حافظ ابن سنی رحمہ اللہ زیر بحث دعا نقل کرنے سے پہلے ’’باب ما یقول فی دبر صلاة الصبح‘‘ قائم کیا ہے، پھر ’’نوع آخر‘‘ کے عنوان سے مختلف احادیث لائے ہیں، اور اس زیر بحث روایت سے پہلے بھی ’’نوع آخر‘‘ فرما کر ان الفاظ سے اس کی تخریج کی ہے:
’’أخبرنا أبو يعلى، حدثنا إبراهيم بن الحجاج السامي، حدثنا حماد بن سلمة، عن ثابت، عن عبد الرحمن بن أبي ليلى، عن صهيب رضي الله عنه، أن رسول الله صلى الله عليه وسلم كان يحرك شفتيه بعد صلاة الفجر بشيء، فقلت: يا رسول الله! إنك تحرك شفتيك بشيء ما كنت تفعل، ما هذا الذي تقول؟ قال: أقول: اللهم بك أحاول، وبك أصاول، وبك أقاتل‘‘[52].
حضرت صہیب رضی اللہ عنہ فرماتے ہیں کہ رسول اللہ ﷺ فجر کی نماز کے بعد اپنے ہونٹوں کو حرکت دے رہے تھے، میں نے عرض کیا: اے اللہ کے رسول! آپ اپنے ہونٹوں کو کسی ایسی چیز کے ساتھ حرکت دے رہے تھے کہ اس سے پہلے آپ اس طرح نہیں کرتے تھے، آپ کیا پڑھ رہے تھے؟ آپ ﷺ نے فرمایا: میں یہ پڑھ رہا تھا: اے اللہ! میں تجھ ہی سے اپنے مقاصد کی کامیابی طلب کرتا ہوں اور تیری ہی مدد سے دشمنوں پر حملہ کرتا ہوں اور تیری ہی مدد سے جہاد کرتا ہوں۔
آپ ملاحظہ فرما چکے ہیں کہ حافظ ابن سنی رحمہ اللہ اس روایت کو حافظ ابو یعلی رحمہ اللہ سے نقل کر رہے ہیں، اور حافظ ابو یعلی رحمہ اللہ کے اس طریق کا ذکر حافظ ابن حجر عسقلانی رحمہ اللہ نے ’’نتائج الأفكار‘‘[53] میں ان الفاظ سے کیا ہے:
’’والرواية المختصرة التي اقتصر عليها الشيخ، أخرجها أبو يعلى في مسنده الكبير من طريق حماد أيضا، وعنه أخرجها ابن السني‘‘.اور وہ مختصر روایت جس پر شیخ (نووی رحمہ اللہ )نے اکتفاء کیا ہے، اس کی تخریج ابو یعلی رحمہ اللہ نے اپنی ’’ مسند کبیر ’’ میں حماد کے طریق سے کی ہے، اور ابو یعلی رحمہ اللہ کے طریق سے ابن سنی رحمہ اللہ نے اس کی تخریج کی ہے۔
الحاصل امام نووی رحمہ اللہ کے ذکر کردہ الفاظ سے منقول روایت حافظ ابو یعلی رحمہ اللہ نے تخریج کی ہے، اور حافظ ابو یعلی رحمہ اللہ کے طریق سے حافظ ابن سنی رحمہ اللہ نے تخریج کی ہے، اور امام نووی رحمہ اللہ کے الفاظ یہ ہیں:
’’وروينا فيه عن صهيب رضي الله عنه، أن رسول الله صلى الله عليه وسلم كان يحرك شفتيه بعد صلاة الفجر بشيء، فقلت: يا رسول الله! ما هذا الذي تقول؟ قال: اللهم بك أحاول، وبك أصاول، وبك أقاتل‘‘[54].
یہاں بھی واضح طور پر ’’بعد صلاۃ الفجر‘‘ کے الفاظ موجود ہیں۔
نتیجہ یہ رہا کہ ’’مسند ابی یعلی‘‘، ’’عمل الیوم واللیلہ‘‘، اور ان سے اخذ کرنے والے امام نووی رحمہ اللہ کی ’’الاذکار‘‘ میں یہ روایت ’’بعد صلاۃ الفجر‘‘ کے الفاظ سے ہے، اور یہاں چاشت کا کوئی ذکر نہیں ہے۔
اور حضرت صہیب رضی اللہ عنہ کے طریق سے منقول یہ روایت مختلف کتب کے حوالہ سے گزر چکی ہے، کسی ایک مقام پر بھی چاشت کا ذکر نہیں ہے، بلکہ ان کے علاوہ دیگر صحابہ رضی اللہ عنہم سے منقول روایات میں بھی کسی مقام پر چاشت کا ذکر نہیں ہے۔
حافظ ابن سنی رحمہ اللہ کی ’’عمل اليوم والليلة‘‘ کے بعض نسخوں میں یہ دعا چاشت کے بعد مانگنا منقول ہے۔
حافظ ابن الجزری رحمہ اللہ نے ’’الحصن الحصين‘‘[55] میں یہ روایت بحوالہ ابن سنی رحمہ اللہ نقل کی ہے، اور اس میں چاشت کے بعد اس دعا کے مانگنے کا ذکر ہے، اسی طرح علامہ شوکانی رحمہ اللہ نے ’’تحفة الذاكرين‘‘[56] میں اور علامہ ابن علان رحمہ اللہ نے ’’الفتوحات الربانية‘‘[57] میں یہ روایت بحوالہ ’’الحصن الحصين‘‘نقل کی ہے، وہاں بھی بحوالہ ابن سنی رحمہ اللہ چاشت کے بعد ان الفاظ کے پڑھنے کا ذکر ہے۔
الحاصل ’’عمل الیوم واللیلہ‘‘ کے بعض نسخوں میں چاشت کے بعد اس دعا کے مانگنے کا ذکر ہے، اور بعض نسخوں میں فجر کے بعد مانگنے کا ذکر ہے، حافظ ابن الجزری رحمہ اللہ نے ان بعض نسخوں کی اتباع کرتے ہوئے چاشت کے بعد کے الفاظ کے ساتھ اسے نقل کیا ہے، اور بعد والوں نے ان کی اتباع کی ہے، جیسا کہ ان بعض نسخوں کا ذکر علامہ ابن علان رحمہ اللہ اور علامہ شوکانی رحمہ اللہ نے بھی کیا ہے، تاہم ’’عمل الیوم واللیلہ‘‘ کے جن بعض نسخوں میں ’’بعد صلاۃ الفجر‘‘ کا ذکر ہے، وہ درج ذیل امور کی بناء پر راجح ہیں:
1 ’’عمل الیوم واللیلہ‘‘میں موجود یہ روایت حضرت صہیب رضی اللہ عنہ سے مختلف کتب میں موجود ہے، جس میں کسی بھی مقام پر چاشت کے بعد کے الفاظ نہیں ہیں، بلکہ فجر کے بعد اور اس کے علاوہ اوقات میں مانگنے کا ذکر ہے۔
2 حافظ ابن سنی رحمہ اللہ نے بذات خود اس روایت سے پہلے یہ عنوان قائم کیا ہے: ’’باب ما یقول فی دبر صلاة الصبح‘‘، اس لئے یہ بعید ہے کہ اس عنوان کے بعد روایت ’’بعد صلاة الضحى‘‘ کو ذکر کریں۔
3 حافظ ابن سنی رحمہ اللہ نے یہ روایت حافظ ابو یعلی رحمہ اللہ سے نقل کی ہے، اور حافظ ابو یعلی رحمہ اللہ نے یہ روایت اپنی ’’مسند کبیر‘‘ میں ’’بعد صلاة الفجر‘‘ کے الفاظ سے نقل کی ہے، جیسا کہ تفصیل گزر چکی ہے۔
4 حضرت صہیب رضی اللہ عنہ اور دیگر صحابہ رضی اللہ عنہم سے منقول یہ روایت اپنے مضمون کے لحاظ سے خاص چاشت کے وقت سے کوئی مناسبت نہیں رکھتی، یہی وجہ ہے کہ یہ دعا ’’بعد الفجر، إذا صلى، إذا أراد سفرا، إذا صلى العصر، إذا غزا، إذا حضر القتال، أيام حنين، أيام خيبر‘‘ جیسے الفاظ سے منقول ہے، اور دعا کے الفاظ ان مواضع کے مناسب بھی ہیں۔
اس لئے راجح یہی ہے کہ ’’عمل الیوم واللیلہ‘‘ میں بھی درست الفاظ ’’بعد صلاة الفجر‘‘ کے ہیں، واللہ اعلم۔
مصادرِ اصلیہ کے مطابق راجح یہی ہے کہ مذکورہ مسنون دعا کو فجر کے بعد، نیز دشمن سے مقابلہ کے وقت، اور جہاد میں پڑھا جائے، تاہم اس دعا کا چاشت کے وقت مسنون سمجھ کر پڑھنا مصادرِ اصلیہ کے لحاظ سے مخدوش، محلِ نظر ہے، درست نہیں ہے، ذکر کردہ یہ حکم دعا بحیثیتِ حدیث ہے، واللہ اعلم۔
حوالہ جات
[1] مسند أحمد:2/104،رقم:691،ت:شعيب الأرنؤوط،مؤسسة الرسالة ـ بيروت .
[2] كتاب الدعا للطبراني:ص:256،رقم:806 ،ت:مصطفى عبد القادر عطا،دار الكتب العلمية ـ بيروت،الطبعة الأولى1413هـ .
[3] مسند البزار:3/49،رقم:804 ،ت:محفوظ الرحمن زين الله،مكتبة العلوم والحكم ـ المدينة المنورة،الطبعة الأولى1409هـ .
[4] مسند أحمد:31/262،رقم:18933،ت:شعيب الأرنؤوط،مؤسسة الرسالة ـ بيروت،الطبعة الأولى1420هـ .
[5] المعجم الكبير:8/48،رقم:7318،ت:حمدي عبد المجيد السلفي،مكتبة ابن تيمية ـ القاهرة .
[6] القضاء والقدر للبيهقي:ص:174،رقم:142،ت:محمد بن عبد الله آل عامر،مكتبة العبيكان ـ الرياض،الطبعة الثانية1427هـ .
[7] السنن الكبرى للبيهقي:9/257،رقم:18464،ت:محمد عبد القادر عطا،دار الكتب العلمية ـ بيروت،الطبعة الثانية 1424هـ .
[8] صحيح ابن حبان:5/374،رقم:2027،ت:شعيب الأرنؤوط،مؤسسة الرسالة ـ بيروت،الطبعة الأولى 1408هـ .
[9] مسند الشهاب:2/339،رقم:1483،ت:حمدي عبد المجيد السلفي،مؤسسة الرسالة ـ بيروت،الطبعة الأولى۱۴۰۵هـ. .
[10] عمل اليوم والليلة:ص:90،رقم:117،ت:عبد الرحمن كوثر،شركة دار الأرقم بن أبي الأرقم ـ بيروت، الطبعة الأولى۱۴۱۸ هـ. .
[11] صحيح ابن حبان:5/374،رقم:2027،ت:شعيب الأرنؤوط،مؤسسة الرسالة ـ بيروت،الطبعة الأولى 1408هـ .
[12] صحيح ابن حبان:11/72،رقم:4758،ت:شعيب الأرنؤوط،مؤسسة الرسالة ـ بيروت،الطبعة الأولى 1408هـ .
[13] سنن الدارمي:3/1585،رقم:2485،ت:حسين سليم أسد الداراني،دار المغني ـ الرياض،الطبعة الأولى1421هـ .
[14] مسند السراج:ص:278،رقم:848 ،ت:إرشاد الحق الأثري،إدارة العلوم الأثرية ـ فيصل آباد ـ باكستان، الطبعة الأولى1423هـ .
[15] تهذيب الآثار للطبري:مسند علي بن أبي طالب:ص:92،رقم:153،ت:أبو فهر محمود محمد شاكر،مطبعة المدني ـ القاهرة .
[16] حلية الأولياء:1/155،دار الفكر ـ بيروت،الطبعة1416هـ .
[17] السنن الكبرى للنسائي:8/30،رقم:8579 ،ت:حسن عبد المنعم شلبي، مؤسسة الرسالة ـ بيروت،الطبعة الأولى 1421هـ .
[18] مسند أحمد:31/269،رقم:18940،ت:شعيب الأرنؤوط،مؤسسة الرسالة ـ بيروت،الطبعة الأولى 1420هـ .
[19] مسند البزار:6/16،رقم:2089،ت:محفوظ الرحمن زين الله،مكتبة العلوم والحكم ـ المدينة المنورة،الطبعة الأولى1415هـ .
[20] الدعاء للطبراني:ص:211،رقم:664،ت:مصطفى عبد القادر،دار الكتب العلمية ـ بيروت،الطبعة الأولى 1413هـ .
[21] شعب الإيمان:4/517،رقم:2914،ت:عبد العلي عبد الحميد حامد،مكتبة الرشد ـ الرياض،الطبعة الأولى1423هـ .
[22] مسند أحمد:31/267،رقم:18937،ت:شعيب الأرنؤوط،مؤسسة الرسالة ـ بيروت،الطبعة الأولى 1420هـ .
[23] تعظيم قدر الصلاة للمروزي:1/226،رقم:209،ت:عبد الرحمن عبد الجبار الفريوائي،مكتبة الدار ـ المدينة المنورة،الطبعة الأولى1406هـ .
[24] عمل اليوم والليلة للنسائي:ص:397،رقم:614،ت:فاروق حمادة،مؤسسة الرسالة ـ بيروت .
[25] السنن الكبرى:9/227،رقم:10375،ت:حسن عبد المنعم،مؤسسة الرسالة ـ بيروت،الطبعة الأولى 1421هـ .
[26] الأحاديث المختارة:8/60،رقم:53،ت:عبد الملك بن عبد الله بن دهيش،دار خضر ـ بيروت،الطبعة الثالثة1420هـ .
[27] مسند ابن أبي شيبة:1/322،رقم:480،ت:أبو عبد الرحمن عادل بن يوسف الغزاوي،دار الوطن ـ الرياض، الطبعة الأولى1418هـ .
[28] مصنف ابن أبي شيبة:6/64،رقم:29508،ت:كمال يوسف الحوت،دار التاج ـ بيروت،الطبعة الأولى 1409هـ .
[29] مسند السراج:ص:277،رقم:847 ،ت:إرشاد الحق،إدارة العلوم الأثرية ـ فيصل آباد،باكستان، الطبعة الأولى1423هـ .
[30] الأحاديث المختارة:8/61،رقم:54،ت:عبد الملك بن عبد الله،دار خضر ـ بيروت،الطبعة الثالثة 1420هـ .
[31] المسند للشاشي:2/389،رقم:992،ت:محفوظ الرحمن زين الله،مكتبة العلوم والحكم ـ المدينة المنورة،الطبعة الأولى1414هـ .
[32] مصنف عبد الرزاق:5/420،رقم:9751،ت:حبيب الرحمن الأعظمي،المكتب الإسلامي ـ بيروت،الطبعة الأولى 1392هـ .
[33] سنن الترمذي:5/437،رقم:3340،ت:إبراهيم عطوه عوض،مكتبة مطبعة مصطفى البابي الحلبي وأولاده ـ مصر، الطبعة الثانية1395هـ .
[34] الأحاديث المختارة:8/60،رقم:52،ت:عبد الملك بن عبد الله بن دهيش،دار خضر ـ بيروت،الطبعة الثالثة1420هـ .
[35] كتاب السنن لسعيد بن منصور:القسم الثاني من المجلد الثالث:ص:244،رقم:2522،ت:حبيب الرحمن الأعظمي، الدار السلفية ـ الهند،الطبعة الأولى1403هـ .
[36] تهذيب الآثار للطبري:مسند علي بن أبي طالب:ص:92،رقم:154،ت:أبو فهر محمود محمد شاكر،مطبعة المدني ـ القاهرة
[37] المعجم الأوسط:1/299،رقم:1003،ت:طارق بن عوض الله،دار الحرمين ـ القاهرة،الطبعة۱۴۱۵هـ .
[38] المعجم الكبير:11/349،رقم:11980،ت:حمدي عبد المجيد السلفي،مكتبة ابن تيمية ـ القاهرة .
[39] سنن أبي داود:4/270،رقم:2632،ت:شعيب الأرنؤوط ومحمد كامل قره بللي،مؤسسة الرسالة العالمية ـ بيروت، الطبعة1430هـ .
[40] مسند أحمد:20/255،رقم:12909،ت:شعيب الأرنؤوط،مؤسسة الرسالة ـ بيروت،الطبعة الأولى1418هـ .
[41] مسند أبي عوانة:4/217،رقم:6564،ت:أيمن بن عارف الدمشقي،دار المعرفة ـ بيروت،الطبعة الأولى1419هـ .
[42] مسند أبي يعلى:5/326،رقم:2949،ت:حسين سليم أسد،دار المامون للتراث ـ بيروت،الطبعة الأولى1405هـ .
[43] مسند البزار:13/454،رقم:7227 ،ت:عادل بن سعد،مكتبة العلوم والحكم ـ المدينة المنورة،الطبعة الأولى1426هـ .
[44] الدعوات الكبير:2/67،رقم:476،ت:بدر بن عبد الله البدر،غراس للنشر والتوزيع ـ الكويت،الطبعة الأولى1429هـ .
[45] الأسماء والصفات:1/178،رقم:117،ت:عبد الله بن محمد،مكتبة السوادي ـ جدة،الطبعة الأولى1413هـ .
[46] السنن الكبرى:8/29،رقم:8576 ،ت:حسن عبد المنعم،مؤسسة الرسالة ـ بيروت،الطبعة الأولى1421هـ .
[47] عمل اليوم والليلة للنسائي:ص:393،رقم:604،ت:فاروق حمادة،مؤسسة الرسالة ـ بيروت .
[48] الأحاديث المختارة:6/338،رقم:2360،ت:عبد الملك بن عبد الله،دار خضر ـ بيروت،الطبعة الثالثة1420هـ .
[49] الدعاء للطبراني:ص:328،رقم:1073،ت:مصطفى عبد القادر،دار الكتب العلمية ـ بيروت،الطبعة الأولى1413هـ .
[50] صحيح ابن حبان:11/76،رقم:4761 ،ت:شعيب الأرنؤوط،مؤسسة الرسالة ـ بيروت،الطبعة الأولى1412هـ .
[51] سنن الترمذي:5/572،رقم:3584،ت:إبراهيم عطوه عوض،مكتبة مطبعة مصطفى البابي الحلبي وأولاده ـ مصر، الطبعة الثانية1395هـ .
[52] عمل اليوم والليلة:ص:90،رقم:117،ت:عبد الرحمن كوثر،شركة دار الأرقم بن أبي الأرقم ـ بيروت،الطبعة الأولى ۱۴۱۸ هـ .
[53] نتائج الأفكار:2/334،ت:حمدي عبد المجيد السلفي،دار ابن كثير ـ بيروت،الطبعة الثانية1429هـ .
[54] الأذكار النواوية:ص:156،رقم:425،ت:بسام عبد الوهاب،دار ابن حزم ـ بيروت،الطبعة الأولى1425هـ .
[55] الحصن الحصين:ص:68،ت:هيثم طعيمي،المكتبة العصرية ـ بيروت،الطبعة الأولى1425هـ .
علامہ ابن الجزری رحمہ اللہ کی عبارت ملاحظہ ہو:’’وبعد صلاة الضحى: اللهم بك أحاول، وبك أصاول، وبك أقاتل‘‘.
[56] تحفة الذاكرين:ص:208،رقم:238،ت:سيد إبراهيم،علي حسن،إبراهيم المصري،دار الحديث ـ القاهرة، الطبعة1425هـ .
علامہ شوکانی رحمہ اللہ کی عبارت ملاحظہ ہو:’’وبعد صلاة الضحى: اللهم بك أصاول، وبك أحاول، وبك أقاتل(ي). الحديث أخرجه ابن السني كما قال المصنف رحمه الله، وهو من حديث صهيب أن رسول الله صلى الله عليه وسلم كان يحرك شفتيه بعد صلاة الضحى بشيء، فقلت يا رسول الله! ما هذا الذي تقول؟ قال: أقول: اللهم بك أصاول وبك أحاول وبك أقاتل، وإسناده في عمل اليوم والليلة لابن السنى هكذا: حدثنا أبو يعلى، حدثنا إبراهيم بن الحجاج الشامي، حدثنا حماد بن سلمة، عن ثابت، عن عبد الرحمن ابن أبي ليلى، عن صهيب رضي الله عنه، أن رسول الله صلى الله عليه وسلم كان يحرك شفتيه بعد صلاة الضحى بشيء الخ وإبراهيم بن الحجاج ثقة يهم قليلا، وبقية إسناده ثقات‘‘.
[57] الفتوحات الربانية:3/50،ت:عبد المنعم خليل إبراهيم،دار الكتب العلمية ـ بيروت،الطبعة الأولى1424هـ .
علامہ ابن علان رحمہ اللہ کی عبارت ملاحظہ ہو:’’قوله: (بعد صلاة الفجر) في الحصين بعد صلاة الضحا، وكذا هو في أصل مصحح من كتاب عمل اليوم والليلة لابن السني، وفي نسخة منه: بعد صلاة الصبح، والله أعلم‘‘.