روایت: مسنون دعا:’’اللّهم أرنا الحق حقا وارزقنا اتباعه،وأرنا الباطل باطلا وارزقنا اجتبابه‘‘.’’اےاللہ! ہمیں حق کا حق ہونا دکھا کر اس کی پیروی کی توفیق عطاء کر،اور باطل کا باطل ہونا دکھا کر اس سے بچنے کی توفیق عطاء کر‘‘۔

امام غزالی l رحمہ اللہ ’’إحياءعلوم الدين‘‘[1] میں اس روایت کو مرفوعاً ان الفاظ سے نقل کرتے ہیں:

’’اللّهم أرني الحق حقا فأتبعه، وأرني المنكر منكرا وارزقني اجتنابه، وأعذني من أن يشتبه علي، فأتبع هواي بغير هدى منك، واجعل هواي تبعا لطاعتك، وخذ رضا نفسك من نفسي في عافية، واهدني لما اختلف فيه من الحق بإذنك، إنك تهدي من تشاء إلى صراط مستقيم‘‘.

اےاللہ!مجھے حق کا حق ہونا دکھا کر اس کی اتباع کی توفیق عطاء کر، اور منکر کا منکر ہونا دکھا کر اس سے بچنے کی توفیق عطا کر، اور مجھ پر حق کو مشتبہ نہ ہونے دیں کہ میں آپ کی رہنمائی کے بغیر خواہشات کی پیروی کرنے لگوں، اور میری خواہشات کو اپنی اطاعت کے تابع کردے، اور عافیت میں اپنی ذات کی رضا مندی میرے جی میں ڈال دیجئے، اور جس چیز میں اختلاف ہوجائے اس میں اپنے حکم سے حق کی طرف میری رہنمائی فرما، بےشک آپ جسے چاہیں سیدھے راستے کی طرف رہنمائی کرتے ہیں۔

نیز حافظ ابن کثیرl رحمہ اللہ نے اپنی ’’تفسیر‘‘ میں اسے ان الفاظ سے نقل کیا ہے:

’’وفي الدعاء المأثور: اللهم أرنا الحق حقا وارزقنا اتباعه، وأرنا الباطل باطلا، ووفقنا لاجتنابه، ولا تجعله ملتبسا علينا فنضل، واجعلنا للمتقين إماما‘‘.

اور ایک ماثوردعا میں آتا ہے کہ اےاللہ!ہمیں حق کا حق ہونا دکھا کر اس کی اتباع کی توفیق عطاء کر، اور باطل کا باطل ہونا دکھا کر اس سے بچنے کی توفیق عطاء کر، اور حق کو ہم پر ملتبس نہ کیجئےتاکہ ہم گمراہ نہ ہوجائیں، اور ہمیں متقی لوگوں کا امام بنادیجئے۔[2]

حافظ ابن تیمیہ l رحمہ اللہ نے بھی ’’منهاج السنة النبوية‘‘[3] میں اسے ’’دعائے ماثور‘‘ کہہ کر نقل کیا ہے۔

حافظ عراقی l رحمہ اللہ ’’المغني عن حمل الأسفار‘‘ [4] میں اس روایت کے بارے میں فرماتے ہیں: ’’لم أقف لأوله على أصل‘‘.میں اس حدیث کے ابتدائی حصے کی کسی اصل پر واقف نہیں ہوسکا ہوں۔

حافظ تاج الدین سبکی l رحمہ اللہ نے ’’طبقات الشافعية الكبرى‘‘ [5] میں مذکورہ روایت کو ان روایات میں شمار کیا ہے جس کی انہیں سند نہیں مل سکی ہے۔

علامہ ابوطالب مکی l رحمہ اللہ نے ’’قوت القلوب‘‘ [6] میں زیرِ بحث دعا حضرت ابوبکر صدیق r رضی اللہ عنہ  کے قول کے طور پر نقل کی ہے، الفاظ یہ ہیں:

 ’’اللّهم أرنا الحق حقا فنتبعه، وأرنا الباطل باطلا فنجتنبه، ولا تجعل ذلك علينا متشابها، فنتبع الهوى‘‘.اےاللہ!ہمیں حق کا حق ہونا دکھا کر اس کی اتباع کی توفیق عطاء کر، اور باطل کا باطل ہونا دکھا کر اس سے بچنے کی توفیق کر، اور حق کو ہم پر متشابہہ نہ کیجئےکہ ہم خواہشات کی پیروی کرنے لگ جائیں۔

امام غزالی l رحمہ اللہ نے بھی ’’إحياءعلوم الدين‘‘ [7] میں اسی طرح اسے حضرت ابوبکر صدیق r رضی اللہ عنہ  کے قول کے طور پر ذکر کیا ہے۔

اور علامہ منصور بن یونس بن ادریس بہوتی l رحمہ اللہ (المتوفی ۱۰۵۱ھ) نے ’’شرح منتهي الإرادات‘‘ [8] میں اسے حضرت عمر r رضی اللہ عنہ  کی دعا کے طور پر ذکر کیا ہے، ملاحظہ ہو:

’’وكان من دعاء عمر: اللّهم أرني الحق حقا، ووفقني لاتباعه، وأرني الباطل باطلا، ووفقني لاجتنابه‘‘.اور حضرت عمر r رضی اللہ عنہ  کی دعا ہے: اےاللہ!مجھے حق کا حق ہونا دکھا کر اس کی اتباع کی توفیق عطاء کر، اور باطل کا باطل ہونا دکھا کر اس سے بچنے کی توفیق عطا فرما۔