روایت: ’’رسول اللہ ﷺ نے ارشاد فرمایا: ’’أفضل العبادات أحمزها‘‘. عبادات میں افضل عبادت وہ ہے جس میں مشقت زیادہ ہو‘‘۔
حکم: حافظ مزی رحمہ اللہ فرماتے ہیں: ’’یہ حدیث غرائب میں سے ہے، اور یہ حدیث کتب ستہ میں سے کسی سے بھی روایت نہیں کی گئی‘‘، حافظ ابن قیم رحمہ اللہ فرماتے ہیں: ’’اس کی کوئی اصل نہیں ہے‘‘، حافظ سیوطی رحمہ اللہ فرماتے ہیں: ’’اس کی معرفت نہیں ہے‘‘، ملا علی قاری رحمہ اللہ نے حافظ ابن قیم رحمہ اللہ اور حافظ سیوطی رحمہ اللہ کے کلام پر اعتماد کیا ہے،نیز ملا علی قاری رحمہ اللہ یہ بھی فرماتے ہیں :’’اس کا معنی درست ہے‘‘، الحاصل زیر بحث روایت کو ان الفاظ سے رسول اللہ ﷺکے انتساب سے بیان کرنا درست نہیں ہے، واللہ اعلم۔
تحقیق کی تفصیل
علامہ ابو عبید احمد بن محمد ہروی رحمہ اللہ نے ’’الغريبين‘‘[1]میں زیر بحث روایت بغیر سند کے ان الفاظ سے ذکر کی ہے:
’’وفي حديث ابن عباس: وسئل رسول الله صلى الله عليه وسلم أي الأعمال أفضل؟ قال: أحمزها‘‘.ابن عباس رضی اللہ عنہما کی حدیث میں ہے، رسول اللہ ﷺ سے پوچھا گیا: اعمال میں کونسا عمل افضل ہے؟ آپ ﷺ نے فرمایا: جس میں مشقت زیادہ ہو۔
زیر بحث روایت علامہ ابو نصر اسماعیل بن حماد جوہری رحمہ اللہ نے ’’الصحاح‘‘[2] میں، علامہ ابو الحسین احمد بن فارس رازی رحمہ اللہ نے ’’مجمل اللغة‘‘[3] میں، امام شمس الائمہ سرخسی رحمہ اللہ نے ’’المبسوط‘‘[4] میں، علامہ ابن اثیر جزری رحمہ اللہ نے ’’النهاية‘‘[5] میں، امام فخر الدین رازی رحمہ اللہ نے اپنی تفسیر ’’مفاتيح الغيب‘‘[6] اور ’’المحصول‘‘[7] میں، علامہ برہان الدين محمود بن احمد حنفی رحمہ اللہ نے ’’المحيط البرهاني‘‘[8] میں، علامہ شرف الدین عبد اللہ بن محمد بن علی المعروف ابن تلمسانی رحمہ اللہ نے ’’شرح المعالم‘‘[9] میں، امام ابو الفضل عبد اللہ بن محمود بن مودود موصلی حنفی رحمہ اللہ نے ’’الاختيار‘‘[10] میں، علامہ ناصر الدین ابو الخیر عبد اللہ بن عمر بیضاوی رحمہ اللہ نے اپنی ’’تفسير‘‘[11] میں، علامہ صفی الدین محمد بن عبد الرحیم ارموی ہندی رحمہ اللہ نے ’’نهاية الوصول‘‘[12] میں، علامہ نجم الدین سلیمان بن عبد القوی طوفی صرصری رحمہ اللہ نے ’’كتاب التعيين‘‘[13] میں، علامہ عبدالعزیز بخاری رحمہ اللہ نے ’’ کشف الأسرار‘‘[14] میں، علامہ شمس الدین محمود بن عبد الرحمن اصفہانی رحمہ اللہ نے ’’بيان المختصر‘‘[15] میں، علامہ ابو زکریا یحیی بن موسی رہونی رحمہ اللہ نے ’’تحفة المسؤول‘‘[16] میں، علامہ ابو حفص ابن عادل دمشقی رحمہ اللہ نے ’’اللباب‘‘[17] میں، علامہ اکمل الدین محمد بن محمود بابرتی رحمہ اللہ نے ’’الردود‘‘[18] میں، علامہ شمس الدین محمد بن عبد الدائم برماوی عسقلانی رحمہ اللہ نے ’’اللامع الصبيح‘‘[19] میں، علامہ زرقانی رحمہ اللہ نے ’’شرح الزرقاني‘‘[20] میں اور علامہ امیر کبیر مالکی رحمہ اللہ نے ’’ضوء الشموع‘‘ ۰میں بلا سند ذکر کی ہے۔
روایت پر ائمہ کا کلام
حافظ مزی رحمہ اللہ فرماتے ہیں ’’هو من غرائب الأحاديث، ولم يرو في شيء من الكتب الستة‘‘[21]. یہ حدیث غرائب میں سے ہے، اور یہ حدیث کتب ستہ میں کسی سے بھی روایت نہیں کی گئی ہے۔
حافظ زرکشی رحمہ اللہ ’’اللآلئ المنثورة‘‘میں حافظ مزی رحمہ اللہ کا کلام نقل کرنے کے بعد فرماتے ہیں:
’’في صحيح مسلم: قوله لعائشة: إنما أمرك على قدر نصبك‘‘. صحیح مسلم میں ہے: آپ ﷺ نے عائشہ رضی اللہ عنہا سے فرمایا: آپ کے معاملہ کا اجر آپ کی مشقت کے بقدر ہوگا۔
حافظ سخاوی رحمہ اللہ ’’المقاصد الحسنة‘‘[22] میں حافظ مزی رحمہ اللہ کا کلام ذکر کرنے کے بعد فرماتے ہیں:
’’وهو منسوب في النهاية لابن الأثير، لابن عباس بلفظ: سئل رسول الله صلى الله عليه وسلم: أي الأعمال أفضل؟ قال: أحمزها‘‘. اور ابن اثیر رحمہ اللہ کی ’’النہایہ‘‘میں یہ روایت ابن عباس رضی اللہ عنہما کی طرف منسوب ہے،ان الفاظ کے ساتھ: رسول اللہ ﷺ سے پوچھا گیا: اعمال میں کون سا عمل افضل ہے؟ آپ ﷺ نے فرمایا: جس میں مشقت زیادہ ہو۔
حافظ ابن قیم رحمہ اللہ ’’مدارج السالكين‘‘[23]میں فرماتے ہیں: ’’ورووا حديثا لا أصل له: أفضل الأعمال أحمزها ‘‘. اور ایک حدیث روایت کی جاتی ہے جس کی کوئی اصل نہیں ہے: اعمال میں افضل عمل وہ ہے جس میں مشقت زیادہ ہو۔
حافظ سیوطی رحمہ اللہ ’’الدرر المنتثرة‘‘[24]میں فرماتے ہیں: ’’لايعرف‘‘.اس کی معرفت نہیں ہے۔
ملا علی قاری رحمہ اللہ زیر بحث روایت کو ’’المصنوع‘‘[25]میں ذکر فرماکر حافظ زرکشی رحمہ اللہ اور حافظ ابن قیم رحمہ اللہ کے کلام کو نقل کرتے ہوئے فرماتے ہیں:
’’قال الزركشي: لا يعرف، وقال ابن القيم في شرح منازل السائرين: لا أصل له‘‘. زرکشی رحمہ اللہ فرماتے ہیں اس کی معرفت نہیں ہے، اور ابن قیم رحمہ اللہ ’’شرح منازل السائرین‘‘ میں فرماتے ہیں: یہ بے اصل ہے۔
نیز ملا علی قاری’’الأسرار المرفوعة‘‘[26]میں زیر بحث روایت کے بارے میں حافظ زرکشی رحمہ اللہ اور حافظ ابن قیم رحمہ اللہ کا کلام ذکر کرنے کے بعد فرماتے ہیں:
’’ومعناه صحيح، لما في الصحيحين عن عائشة: الأجر على قدر التعب، وهو في النهاية لابن الأثير منسوب إلى ابن عباس، وهو بالمهملة والزاي‘‘. اس کا معنی درست ہے، اس لئے کہ ’’صحیحین‘‘ میں حضرت عائشہ رضی اللہ عنہا سے روایت ہے: ثواب بقدر مشقت ہوتا ہے، اور ابن اثیر رحمہ اللہ کی ’’النہایہ‘‘ میں یہ روایت ابن عباس رضی اللہ عنہما کی طرف منسوب ہے، اور یہ لفظ ’’حا‘‘ اور ’’زاء‘‘کے ساتھ ہے۔
علامہ محمد بن محمددرویش حوت رحمہ اللہ ’’أسنى المطالب‘‘[27]میں فرماتے ہیں: ’’هو من كلام ابن عباس، كما في النهاية لابن الأثير‘‘. یہ ابن عباس رضی اللہ عنہما کا کلام ہے، جیسا کہ ابن الاثیر رحمہ اللہ کی ’’النہایہ‘‘میں ہے۔
واضح رہے کہ ہمارے پاس موجودہ ’’النہایۃ‘‘[28] کے نسخہ میں یہ الفاظ حضرت ابن عباس رضی اللہ عنہما سے مرفوعاً منقول ہیں، نیز پہلے گزر چکا ہے کہ حافظ سخاوی رحمہ اللہ نے حافظ ابن اثیر رحمہ اللہ کے حوالہ سے یہ قول نقل کیا ہے، لیکن وہ مرفوع ہے، تاہم بعض دیگر کتب میں یہ روایت صراحتاً حضرت ابن عباس رضی اللہ عنہما کے قول کے طور پر مروی ہے، جس کی تفصیل آگے آرہی ہے، واللہ اعلم۔
امام نووی رحمہ اللہ سابقہ ذکر کردہ حدیث عائشہ رضی اللہ عنہا (ثواب بقدر مشقت ہوتا ہے) کی تشریح کرتے ہوئے فرماتے ہیں:
’’ظاهر الحديث أن الثواب والفضل في العبادة يكثر بكثرة النصب والنفقة‘‘[29].حدیث کے ظاہر سے معلوم ہوتا کہ عبادت میں ثواب کثرت مشقت وخرچ کی وجہ سے بڑھ جاتا ہے۔
حافظ ابن حجر عسقلانی رحمہ اللہ ’’فتح الباري‘‘[30]میں امام نووی رحمہ اللہ کا یہ قول نقل کرنے بعد فرماتے ہیں:
’’لكن ليس ذلك بمطرد، فقد يكون بعض العبادة أخف من بعض، وهو أكثر فضلا وثوابا بالنسبة إلى الزمان، كقيام ليلة القدر بالنسبة لقيام ليال من رمضان غيرها، وبالنسبة للمكان، كصلاة ركعتين في المسجد الحرام بالنسبة لصلاة ركعات في غيره ...‘‘.
’’لیکن یہ قاعدہ کلیہ نہیں ہے، کیونکہ بعض عبادات خفیف ہوتی ہیں، لیکن زمان اور مکان کی طرف نسبت کرتے ہوئے ان کا ثواب بڑھ جاتا ہے، جیسے: لیلۃ القدر کے قیام کا ثواب رمضان کی دیگر راتوں کے قیام سے بہت زیادہ ہے، اور مسجد حرام میں دو رکعت نماز کا ثواب غیر مسجد حرام میں پڑھنے سے بہت زیادہ ہے۔۔۔‘‘۔
حافظ مزی رحمہ اللہ فرماتے ہیں: ’’یہ حدیث غرائب میں سے ہے، اور یہ حدیث کتب ستہ میں سے کسی سے بھی روایت نہیں کی گئی‘‘، حافظ ابن قیم رحمہ اللہ فرماتے ہیں: ’’اس کی کوئی اصل نہیں ہے‘‘، حافظ سیوطی رحمہ اللہ فرماتے ہیں: ’’اس کی معرفت نہیں ہے‘‘، ملا علی قاری رحمہ اللہ نے حافظ ابن قیم رحمہ اللہ اور حافظ سیوطی رحمہ اللہ کے کلام پر اعتماد کیا ہے،نیز ملا علی قاری رحمہ اللہ یہ بھی فرماتے ہیں :’’اس کا معنی درست ہے‘‘، الحاصل زیر بحث روایت کو ان الفاظ سے رسول اللہ ﷺکے انتساب سے بیان کرنا درست نہیں ہے، واللہ اعلم۔
آپ ماقبل تفصیل میں دیکھ چکے ہیں کہ زیر بحث روایت کے مرفوع (آپ ﷺ کے ارشاد) ہونے پر ائمہ نے کلام کیا ہے، البتہ یہی مضمون حضرت ابن عباس رضی اللہ عنہما کے قول کے طور پر بھی ملتا ہے، اس لئے اسے حضرت ابن عباس رضی اللہ عنہما کے قول کے طور پر بیان کرنے میں کوئی حرج نہیں ہے، ملاحظہ فرمائیں:
امام ابو عبد الرحمن خلیل بن احمد بصری نحوی فراہیدی رحمہ اللہ (المتوفی ۱۶۰ھ او بعد) ’’كتاب العين‘‘[31] میں فرماتے ہیں:
’’وقال ابن عباس: أفضل الأشياء أحمزها‘‘. حضرت ابن عباس رضی اللہ عنہما فرماتے ہیں: اشیاء میں افضل وہ ہے جس میں مشقت زیادہ ہو۔
امام ابو عبید قاسم بن سلام ہروی رحمہ اللہ (المتوفی ۲۲۴ھ) اپنی کتاب ’’غريب الحديث‘‘[32] میں فرماتے ہیں:
’’في حديث ابن عباس، أنه سئل: أي الأعمال أفضل؟ فقال: أحمزها‘‘. حضرت ابن عباس رضی اللہ عنہما کی حدیث میں ہے، ابن عباس رضی اللہ عنہما سے پوچھا گیا: اعمال میں افضل عمل کون سا ہے؟ ابن عباس رضی اللہ عنہما نے فرمایا: جس میں مشقت زیادہ ہو۔
علامہ ابو منصور محمد بن احمد ہروی ازہری لغوی رحمہ اللہ (المتوفی ۳۷۰ ھ) نے ’’تهذيب اللغة‘‘[33] میں حضرت ابن عباس رضی اللہ عنہما کا یہی قول امام ابو عبید قاسم بن سلام ہروی رحمہ اللہ کے حوالہ سے ذکر کیا ہے۔
نیز حضرت ابن عباس رضی اللہ عنہما کے قول کے طور پر اسے حافظ ابن قتیبہ دینوری رحمہ اللہ (المتوفی ۲۷۶ ھ) نے ’’غريب الحديث‘‘[34] میں، علامہ ابو الحسن علی بن اسماعیل مرسی المعروف بابن سیدہ رحمہ اللہ (المتوفی ۴۵۸ ھ) نے ’’المخصص‘‘[35] اور ’’المحكم‘‘[36] میں، علامہ زمخشری رحمہ اللہ (المتوفی ۵۳۸ ھ) نے ’’الفائق‘‘[37] میں، اور حافظ ابن جوزی رحمہ اللہ (المتوفی ۵۹۷ ھ) نے ’’غريب الحديث‘‘[38] میں ذکر کیا ہے۔
حوالہ جات
[1] الغريبين في القرآن والحديث:2/494،ت:أحمد فريد المزيدي،مكتبة نزار مصطفى الباز ـ الرياض،الطبعة الأولى1419هـ .
[2] الصحاح تاج اللغة وصحاح العربية:3/875،ت:أحمد عبد الغفور عطار،دار العلم للملايين ـ بيروت، الطبعة الثانية1399هـ .
[3] مجمل اللغة:1/251،ت:زهير عبد المحسن سلطان،مؤسسة الرسالة ـ بيروت،الطبعة الثانية1406هـ .
[4] كتاب المبسوط:۴/۳۲،دار المعرفة ـ بيروت .
[5] النهاية في غريب الحديث والأثر:۱/۴۴۰،ت:طاهر أحمد الزاوي ومحمود محمد الطناحي،المكتبة الإسلامية،الطبعة الأولى1383هـ .
’’النہایہ‘‘ کی عبارت ملاحظہ ہو: ’’في حديث ابن عباس: سئل رسول الله صلى الله عليه وسلم: أي الأعمال أفضل؟ فقال: أحمزها‘‘.
یہی الفاظ ’’النہایہ‘‘ کے ایک دوسرے نسخہ میں بھی ہیں، ملاحظہ فرمائیں: ’’في حديث ابن عباس: سئل رسول الله صلى الله عليه وسلم: أي الأعمال أفضل؟ فقال: أحمزها‘‘ (النهاية في غريب الحديث والأثر:ص:209،ت:علي بن حسن بن علي بن عبد الحميد الحلبي الأثري،دار ابن الجوزي ـ الرياض،الطبعة الأولى1434هـ) .
[6] مفاتيح الغيب:۳۰/۱۷۶،دار الفكر ـ بيروت،الطبعة الأولى1401هـ .
[7] المحصول في علم أصول الفقه:6/8،ت:طه جابر فياض،مؤسسة الرسالة ـ بيروت،الطبعة الثانية1412هـ .
[8] المحيط البرهاني:2/221،ت:نعيم أشرف نور أحمد،إدارة القرآن والعلوم الإسلامية ـ كراتشي ـ باكستان، الطبعة1424هـ .
[9] شرح المعالم في أصول الفقه:2/440،ت:عادل أحمد عبد الموجود وعلي محمد معوض،عالم الكتب ـ بيروت،الطبعة الأولى1419هـ .
[10] الاختيار لتعليل المختار:1/67،ت:محمود أبو دقيقة،دار الكتب العلمية ـ بيروت .
[11] أنوار التنزيل وأسرار التأويل:1/147،ت:محمد عبد الرحمن المرعشلي،دار إحياء التراث العربي ـ بيروت .
[12] نهاية الوصول في دراية الأصول:8/3795،ت:صالح بن سليمان اليوسف،المكتبة التجارية ـ مكة المكرمة .
[13] كتاب التعيين في شرح الأربعين:ص:17،ت:أحمد حاج محمد عثمان،مؤسسة الريان ـ بيروت، الطبعة الأولى1419هـ .
[14] كشف الأسرار عن أصول فخر الإسلام البزدوي:3/188،مطبعة الشركة الصحافية العثمانية .
[15] بيان المختصر شرح مختصر ابن الحاجب:3/296،ت:محمد مظهر بقا،دار المدني ـ جده،الطبعة الأولى1406هـ .
[16] تحفة المسؤول في شرح مختصر منتهى السول:4/248،ت:يوسف الأخضر القيم،دار البحوث للدراسات الإسلامية وإحياء التراث ـ دبي،الطبعة الأولى1422هـ .
[17] اللباب في شرح الكتاب:1/537،ت:عادل أحمد عبد الموجود وعلي محمد معوض،دار الكتب العلمية ـ بيروت، الطبعة الأولى1419هـ .
[18] الردود والنقود شرح مختصر ابن الحاجب:2/682،ت:ترحيب بن ربيعان الدوسري،مكتبة الرشد ـ الرياض، الطبعة الأولى1426هـ .
[19] اللامع الصبيح بشرح الجامع الصحيح:4/216،دار النوادر ـ سوريا،الطبعة الأولى1433هـ .
[20] شرح الزرقاني على المواهب:۸/۲۹۹،ت:محمد عبد العزيز الخالدي،دار الكتب العلمية ـ بيروت،الطبعة الثانية1417هـ .
۰كتاب ضوء الشموع:2/124،المكتبة الأزهرية للتراث .
[21] انظراللآلئ المنثورة:ص:۱۶۲،ت:مصطفى عبد القادر عطا،دار الكتب العلمية ـ بيروت،الطبعة الأولى 1406هـ .
[22] المقاصد الحسنة:ص:۱۳۰،رقم:۱۳۸،ت:محمد عثمان الخشت،دار الكتاب العربي ـ بيروت،الطبعة الأولى 1405هـ .
اس کے بعد حافظ سخاوی رحمہ اللہ مزید لکھتے ہیں: ’’وفي الفردوس مما عزاه لعثمان بن عفان مرفوعا: أفضل العبادات أخفها، فيجمع بينهما على تقدير ثبوتهما بأن القوة والشدة بالنظر لتبين شروط الصحة ونحوها فيها، والخفة بالنظر لعدم الإكثار بحيث تمل، ولكن الظاهر أن لفظ الثاني العيادة بالتحتانية لا بالموحدة ويروى عن جابر رفعه: أفضل العيادة أجرا سرعة القيام من عند المريض، وفي فضائل العباس لابن المظفر من حديث هود بن عطاء سمعت طاوسا يقول: أفضل العيادة ما خف منها، ومن الآثار في تخفيف العيادة ـ مما هو في سادس المجالسة للدينوري من جهة شيبان ـ عن أبي هلال، قال: عاد قوم بكر بن عبد الله المزني فأطالوا الجلوس: فقال لهم بكر: إن المريض ليعاد والصحيح يزار، ومن جهة الأصمعي قال: عاد قوم مريضا في بني يشكر، فأطالوا عنده، فقال لهم: إن كان لكم في الدار حق فخذوه، ومن جهة الأصمعي أيضا قال: مرض أبو عمرو بن العلاء، فأتى أصحابه إلا رجلا منهم، ثم جاءه بعد ذلك، فقال: إني أريد أن أسامرك الليلة، فقال: أنت معافى وأنا مبتلى، فالعافية لا تدعك تسهر، والبلاء لا يدعني أنام، والله أسأل أن يسوق إلى أهل العافية الشكر، وإلى أهل البلاء الصبر‘‘.
[23] مدارج السالكين:1/106،ت:محمد المعتصم بالله البغدادى،دار الكتاب العربى ـ بيروت،الطبعة السابعة 1423هـ .
[24] الدرر المنتثرة:51،رقم،25،ت:لطفي الصباغ،جامعة الملك السعود ـ الرياض .
علامہ ابن علان رحمہ اللہ ’’الفتوحات الربانیہ‘‘ میں فرماتے ہیں: ’’ما وقع من حديث ابن عباس سئل رسول الله صلى الله عليه وسلم أي الأعمال أفضل؟ فقال: أحمزها. أي: أشدها وأقواها، وهذا الحديث مذكور في الكتب الكلامية في بحث تفضيل الأنبياء على الملائكة اهـ، وهو في النهاية منسوب لابن عباس موقوفا، وضبطه بالمهملة والزاي، وذكره الجلال السيوطي في الدرر المنتثرة بلفظ: أفضل العبادات أشدها. وقال: لا يعرف أي: مرفوعا أو موقوفا بسند معروف، وعلى تقدير صحته يحمل على ما لم يكن فيه نص من الشارع‘‘(الفتوحات الربانية على الأذكار النواوية:1/154، ت:عبد المنعم خليل إبراهيم،دار الكتب العلمية ـ بيروت،الطبعة الأولى 1424هـ) .
[25] المصنوع في معرفة الحديث الموضوع:ص:57،رقم:33،ت:عبد الفتاح أبو غدة،مكتب المطبوعات الإسلامية ـ حلب،الطبعة الثانية1398هـ .
[26] الأسرارالمرفوعة:ص:101،ت:محمد الصباغ،مؤسسة الرسالة ـ بيروت،الطبعة1391هـ .
[27] أسنى المطالب:ص:۶۲،رقم:۲۳۴،ت:مصطفى عبد القادر عطا،دار الكتب العلمية ـ بيروت،الطبعة الأولى 1418هـ .
[28] النهاية في غريب الحديث والأثر:۱/۴۴۰،ت:طاهر أحمد الزاوي ومحمود محمد الطناحي،المكتبة الإسلامية، الطبعة الأولى1383هـ .
النهاية في غريب الحديث والأثر:ص:209،ت:علي بن حسن بن علي بن عبد الحميد الحلبي الأثري،دار ابن الجوزي ـ الرياض،الطبعة الأولى1434هـ .
[29] انظر فتح الباري:۳/۶۱۱،ت:محمد فؤاد عبد الباقي،المكتبة السلفية .
[30] فتح الباري:۳/۶۱۱،ت:محمد فؤاد عبد الباقي،المكتبة السلفية .
حافظ ابن حجر عسقلانی رحمہ اللہ کی بقیہ عبارت ملاحظہ ہو: ’’وبالنسبة إلى شرف العبادة المالية والبدنية كصلاة الفريضة بالنسبة إلى أكثر من عدد ركعاتها أو أطول من قراءتها ونحو ذلك من صلاة النافلة، وكدرهم من الزكاة بالنسبة إلى أكثر منه من التطوع، أشار إلى ذلك ابن عبد السلام في القواعد قال: وقد كانت الصلاة قرة عين النبي صلى الله عليه وسلم، وهي شاقة على غيره، وليست صلاة غيره مع مشقتها مساوية لصلاته مطلقا، والله أعلم‘‘.
[31] كتاب العين:1/356،ت:عبد الحميد هنداوي،دار الكتب العلمية ـ بيروت،الطبعة الأولى1424هـ .
[32] غريب الحديث:5/248،ت:حسين محمد محمد شرف،الهيئة العامة لشئون المطابع الأميرية ـ القاهرة، الطبعة1404هـ .
[33] تهذيب اللغة:4/379،ت:عبد الكريم ومحمد علي النجار،الدار المصرية للتأليف والترجمة .
[34] غريب الحديث:۱/۲۷۰،ت:عبد الله الجبوري،مطبعة العاني ـ بغداد، الطبعة الأولى1397هـ .
حافظ ابن قتیبہ دینوری رحمہ اللہ کی عبارت ملاحظہ ہو: ’’وسئل ابن عباس: أي الأعمال أفضل؟ قال: أحمزها‘‘.
[35] المخصص:۱/۲۵۶،ت:خليل إبراهم جفال،دار إحياء التراث العربي ـ بيروت،الطبعة الأولى1417هـ .
علامہ ابو الحسن علی بن اسماعیل مرسی رحمہ اللہ کی عبارت ملاحظہ ہو: ’’وسئل ابن عباس: أي الأعمال أفضل؟ فقال: أحمزها‘‘.
[36] المحكم والمحيط الأعظم:3/234،ت:عبد الحميد هنداوي،دار الكتب العلمية ـ بيروت،الطبعة الأولى 1421هـ .
[37] الفائق في غريب الحديث:۱/۳۱۹،ت:علي محمد البجاوي ومحمد أبو الفضل إبراهيم،مطبعة عيسى البابي الحلبي وشركاءه .
علامہ زمخشری رحمہ اللہ کی عبارت ملاحظہ ہو: ’’ابن عباس رضي الله عنهما سئل: أي الأعمال أفضل؟ فقال: أحمزها‘‘.
[38] غريب الحديث:1/242،ت:عبد المعطي أمين القلعجي،دار الكتب العلمية ـ بيروت،الطبعة1425هـ .
حافظ ابن جوزی رحمہ اللہ کی عبارت ملاحظہ ہو: ’’وسئل ابن عباس: أي الأعمال أفضل؟ قال: أحمزها‘‘.