نضْر بن محرز بن بعیث ابو الفرج ازدی بَثَنِی

حافظ ابو حاتم l نے نضْر بن محرز کو ’’مجهول‘‘[40]  کہا ہے۔

حافظ عقیلی l ’’الضعفاء الكبير‘‘[41] میں فرماتے ہیں:’’عن محمد بن المنكدر، لا يتابع على حديثه، ولا يعرف إلا به ‘‘. یہ محمد بن منکدر سے روایت کرتا ہے، اس کی حدیث پر متابعت نہیں کی جاتی، اور اسی حدیث سے اس کی معرفت ہے۔

حافظ ابن حبان l ’’المجروحين‘‘[42] میں فرماتے ہیں:’’منكر الحديث جدا، لا يجوز الاحتجاج به ‘‘. منکر الحدیث جداً ہے، اس سے احتجاج کرنا جائز نہیں ہے۔

علامہ شہاب الدین ابو عبد اللہ یاقوت بن عبدا للہ حموی l نے ’’معجم البلدان‘‘[43] میں حافظ ابن حبان l کے کلام پر اعتماد کیا ہے۔

حافظ ابن عدی l ’’الكامل‘‘[44] میں نضْر بن محرز کے ترجمہ میں زیر بحث روایت اور چند دیگر احادیث تخریج کرنے کے بعد فرماتے ہیں: ’’وهذه الأحاديث بأسانيدها غير محفوظة، وليس للنضْر كثير حديث‘‘. یہ احادیث ان اسانید سے محفوظ نہیں ہیں، اور نضْر کی احادیث زیادہ نہیں ہیں۔

حافظ دار قطنی l نے ’’المؤتلف والمختلف‘‘[45] میں اسے ’’منكر الحديث‘‘ کہا ہے۔

حافظ ابو محمد عبد الغنی بن سعید ازدی l نے نضر بن محرز کو ’’ضعيف‘‘ کہا ہے[46]  ۔

حافظ ابن ماکولا l نے نضْر بن محرز کو ’’منكر الحديث‘‘[47] کہا ہے۔

حافظ ابن قیسرانی l نے اسے ’’ذخيرة الحفاظ‘‘[48] میں ایک دوسری حدیث کے تحت ’’ضعيف‘‘ کہا ہے۔

حافظ ابن قیسرانی l نے ’’تذكرة الحفاظ‘‘[49]  میں ایک دوسری حدیث کے تحت نضْر بن محرز کو ’’منكر الحديث ‘‘ کہا ہے۔

حافظ ذہبی l نے ’’تلخيص الموضوعات‘‘[50] میں ایک حدیث کے تحت  نضر بن محرز کو  ’’هالك‘‘ کہا ہے۔