قاضی ابو صالح خلف بن یحیی مازنی بخاری

حافظ ابو حاتم l، خلف بن یحیی  کے بارے میں فرماتے ہیں: ’’متروك الحديث، كان كذابا، لا يشتغل به ولا بحديثه‘‘[2]. یہ متروک الحدیث ہے، یہ جھوٹا تھا، اس میں اور اس کی حدیث میں مشغول نہیں ہوا جائے گا۔

حافظ ذہبی l نے ’’ميزان‘‘[3] میں، حافظ ابن حجر عسقلانی l نے ’’لسان‘‘[4] میں اور حافظ سخاوی l  نے ’’الأجوبة‘‘[5] میں حافظ ابو حاتم l کے قول پر اعتماد کیا ہے۔

حافظ ابو احمد حاکم l ’’الأسامي‘‘میں خلف بن یحیی کے ترجمہ میں خلف بن یحیی  عن ابی مقاتل کی سند سے ایک حدیث تخریج کرکے فرماتے ہیں: ’’هذا حديث منكر، والله يرحم خَلَف وأبا مقاتل‘‘[6]. یہ منکر حدیث ہے، اور اللہ تعالی خلف اور ابو مقاتل پر رحم فرمائے۔

حافظ ہیثمی l نے ’’مجمع الزوائد‘‘[7] میں ایک حدیث کے تحت خلف بن یحیی کو ’’ضعيف‘‘ کہا ہے۔

علامہ ابن عراق l نے ’’تنزيه الشريعة‘‘[8] میں خلف بن یحیی خراسانی کو وضاعین ومتہمین کی فہرست میں شمار کرکے حافظ ابو حاتم l کے قول پر اعتماد کیا ہے۔