سعید بن سنان ابومہدی

امام ابو حاتم l فرماتے ہیں: ’’ضَعِیفُ الحدیث، مُنْکَرُ الحدیث، یَرْوِي عن أبي الزاهریة، عن کثیر بن مُرَّة، عن ابن عمر، عن النبي صلى الله عليه وسلم بنحوٍ مِنْ ثلاثین حدیثاً أحادیثَ مُنْکَرَةً‘‘[11].

سعید بن سنان ’’ضعیف الحدیث‘‘(کلمہ جرح)، ’’منکر الحدیث‘‘ (کلمہ جرح) ہے، جس نے اس سند سے یعنی ’’عن أبي الزاهریة، عن کثیر بن مُرَّة، عن ابن عمر، عن النبی صلى الله عليه وسلم‘‘ تقریباً تیس منکر حدیثیں نقل کی ہے۔

امام عبدالرحمن بن ابی حاتم l فرماتے ہیں: ’’سألتُ أبا زُرْعَة عن سعید بن سِنان أبي مَهْدِي، فأومأ بیَدِه أنَّه ضَعِیفٌ‘‘[12].میں نے ابوزرعہ l سے ابومہدی سعید بن سنان کے بارے میں پوچھا تو انہو ں نے ہاتھ کے اشارے سے بتایا کہ وہ’’ ضعیف ‘‘ہے۔

حافظ یحیی بن مَعِین lفرماتے ہیں: سعید بن سنان ’’لیس بشيء‘‘     ہے[13]۔

حافظ یحیی بن مَعِینl ایک دوسرے موقع پر فرماتے ہیں: ’’تلک لا یُعْتَبَرُ بها، هي بَوَاطِیل‘‘. سعید بن سنان کی ان روایتوں کا اعتبا ر نہیں ہے،یہ باطل ہیں[14]۔

امام احمد بن حنبلl فرماتے ہیں : ابو مہدی سعید بن سنان ’’ضعیف‘‘ ہے[15]۔

امام بخاری l رقم طراز ہیں: سعید بن سنان ’’منکر الحدیث‘‘ (کلمہ جرح) ہے، اور ایک روایت میں ہے کہ سعید بن سنان ’’متروک الحدیث‘‘ (کلمہ جرح) ہے[16]۔

 احمد ابن عَدِی l فرماتے ہیں: ’’وعامة ما یَرْوِیه وخَاصَّةً عن أبي الزاهریة غیرُ محفوظة، ولو قُلنا: إنَّه هو الذي یَروِیه، عن أبي الزاهریة لا غیره، جاز ذلک لي، وکان مِنْ صَالِحِي أهل الشام وأفضِلهم، إلّا أنَّ في بعض روایاتِه مَا فیه‘‘[17].

سعید بن سنان کی اکثر روایات غیر محفوظ ہیں،اور خصوصاً وہ روایات جو ابو الزاہریہ سے مروی ہیں، اور اگر ہم یہ کہیں کہ ان روایتوں کو ابو زاہریہ  سے سعید بن سنان کے علاوہ کسی اور نے نقل نہیں کیا، تو میرے لئے یہ کہنا جائز ہے، اور وہ شام کے نیک اور فضیلت والے لوگوں میں تھا، البتہ اس کی بعض روایتوں میں ’’کچھ‘‘ہے۔

حافظ ابراہیم بن یعقوب جوزجانی l فرماتے ہیں: ’’أخافُ أن تکونَ أحادیثُه موضوعةً، لا تُشبهُ أحادیث الناس ...‘‘[18]. مجھے خوف ہے کہ سعید کی روایتیں من گھڑت ہیں، یہ روایتیں دوسرے لوگوں کی احادیث کے مشابہ نہیں ہیں۔۔۔‘‘۔

امام نسائی l فرماتے ہیں: ’’متروک الحدیث‘‘[19]. سعید بن سنان ’’متروک الحدیث‘‘ (شدید جرح) ہے۔

اما م علی بن مَدِینی l فرماتے ہیں: ’’لا أعْرِفُه‘‘.[20] میں سعید کو نہیں پہچانتا۔

حافظ ابوبکر بن ابی خیثمہ l فرماتے ہیں: حَدَّثَنِي صاحبٌ لِي مِنْ بَنِي تَمِیمٍ، قال: قال أبو مُسْهِر: حدثنا صدقة بن خالد، قال: حدَّثني أبو مَهْدِي سعید بن سنان مؤذّن أهل حِمْصَ، وکان ثِقَةً مَرْضِیًّا‘‘[21].

ابوبکر بن ابی خیثمہ l فرماتے ہیں کہ مجھے بنو تمیم کے ایک ساتھی نے کہا: ابو مسہر کا کہنا ہے کہ صدقہ بن خالد نے ہمیں احادیث بیان کرتے ہوئے فرمایا تھا کہ مجھے ابومہدی سعید بن سنان نے حدیث بیان کی ہے،اور یہ سعید بن سنان حمص والوں کے موذن اور ثقہ، پسندیدہ شخص ہیں۔

حافظ ابن حجرl فرماتے ہیں: ’’متروک، ورَمَاه الدَّارَقُطْنِي وغیره بالوَضْعِ‘‘[22].

سعید بن سنان’’متروک‘‘ راوی ہے،اور دارَ قُطْنِی l وغیرہ نے سعید بن سنان کو وضعِ حدیث میں متّہم قرار دیا ہے۔

حافظ ذَہَبِی lفرماتے ہیں: ’’زاهدٌ، ضعیفُ الحدیث‘‘[23].

سعید بن سنان زاہد، ’’ضعیف الحدیث‘‘ (کلمہ جرح) راوی ہے۔

البتہ حافظ ذَہَبِی l نے ایک دوسرے مقام پر،سعید بن سنان کو ’’متروک‘‘ (شدید جرح) راوی کہا ہے،چنانچہ حافظ ذَہَبِی l ’’تَلْخِیْصُ الموضوعات‘‘[24] میں، حضرت ابن مسعودr کی روایت: ’’سَمِعَ رَجُلاً یُغَنِّي مِنَ اللَّیل فقال: لا صلاةَ له حتی مثلها ثلاثَ مَرَّاتٍ‘‘. کے تحت لکھتے ہیں:

’’فیه سعیدُ بن سِنان، متروک، عن أبي الزاهریة، عن کثیر بن مُرَّوة، عن الربیع بن خیثم، عن ابن مسعود‘‘.

اس حدیث میں سعید بن سنان ’’متروک‘‘ (شدید جرح)راوی ہے، جو ابو الزاہریۃ، عن کثیر بن مرہ، عن ربیع بن خیثم عن ابن مسعودکی سند سے اس روایت کو بیان کرتے ہیں۔