حسین بن دا ؤ د بن معاذ بلخی

خطیب بغدادی l ’’تاریخ بغداد‘‘[6]میں ’’حسین بن داؤد بلخی‘‘ کے متعلق لکھتے ہیں:

’’ولم يكن الحسين بن داود ثقة، فإنه روى نسخة عن يزيد بن هارون، عن حميد، عن أنس، أكثرها موضوع‘‘ .حسین بن داؤد ثقہ نہیں ہے،کیونکہ اس نے یزید بن ہارون عن حمید عن انس r كى سند سے اىك نسخہ نقل کىا ہے،جس کی اکثر روایات من گھڑت ہیں۔

حافظ ابن جوزی l ’’الضعفاء والمتروکین‘‘[7]میں نقل کرتے ہیں: ’’قال الأزدي: كذاب، ساقط‘‘.ازدی l فرماتے ہیں:حسین بن داؤد جھوٹا، ساقط ہے۔

حافظ ذہبی l ’’تاریخ الإسلام‘‘[8] میں فرماتےہیں : ’’نزيل نيسابور، وأحد المتروكين‘‘.’’نیشاپور میں آیا ہےاور متروکین میں سےایک تھا‘‘ (شدید جرح)۔

اسی طرح حافظ ذہبی l ’’المغنی‘‘[9]میں فرماتے ہیں: ’’متهم بالكذب‘‘ .حسین بن داؤد متہم بالکذب ہے (شدید جرح)۔

’’تنزيه الشريعة‘‘[10]کے مقدمہ میں وضاعین کی فہرست میں ابن عرّاق l نے حسین بن داؤد کے بارے میں یہ کلمات نقل کیے ہیں:

’’قال الخطیب: حدیثه موضوع، وقال الحاکم: له عجایب یستدل بها على حاله‘‘.خطیب l نے کہا کہ اس کی حدیث گھڑی ہوئی ہے، اور امام حاکم lنے فرمایا کہ ان سے عجیب روایتیں منقول ہیں،ان روایتوں سے حسین بن داؤد کی حالت پر استدلال کیا جاسکتا ہے۔