ابو یعقوب اسحاق بن بِشْر بن مقاتل کاہلی کوفی

حافظ ابو جعفر محمد بن عبد اللہ بن سلیمان حضرمی مطین lفرماتے ہیں: ’’ما سمعت أبا بكر بن أبي شيبة كذب أحدا إلا إسحاق بن بشر الكاهلي، فإنه جاز به فقال لي: أبو يعقوب هذا كذاب‘‘[41].  میں نے ابو بکر بن ابی شیبہ l سے اسحاق بن بشر کے علاوہ کسی ایک کی بھی تکذیب نہیں سنی،ابو بکر بن ابی شیبہ l اس کے پاس سے گزرے تو انھوں نے مجھے کہا: یہ ابو یعقوب (یعنی اسحاق بن بشر ) جھوٹا ہے۔

حافظ ابو حفص فلاسl نے اسحاق بن بشر کو ’’متروك الحديث‘‘[42] کہا ہے۔

حافظ ابو زرعہ رازیl فرماتے ہیں:’’يضع الحديث، قد رأيته بالكوفة‘‘. حدیث گھڑتا تھا، میں نے اسے کوفہ میں دیکھا ہے[43]۔

حافظ ابن ابی حاتمl ’’الجرح والتعدیل‘‘[44] میں فرماتے ہیں: ’’سئل أبي عنه فقال: كان يكذب، كان يقعد في طريق قبيصة، فإذا مررنا [به] قال: من أين جئتم؟ قلنا من عند قبيصة، قال: إن شئتم حدثتكم بما كتب عني أحمد بن حنبل، ولم يكتب عنه شيئا‘‘. میرے والد سے اس کے بارے میں پوچھا گیا تو آپ نے فرمایا: یہ جھوٹ بولتا تھا، یہ قبیصہ کے راستے میں بیٹھا کرتا تھا، جب ہمارا اس پر گزر ہوتا تو یہ کہتا: تم کہاں سے آرہے ہو؟ ہم کہتے کہ قبیصہ کے پاس سے آرہے ہیں، وہ کہتا: اگر تم چاہو تو میں تمہیں وہ حدیث سناؤں جو احمد بن حنبلlنے مجھ سے لکھی ہے، حالانکہ احمد بن حنبلlنے اس سے کچھ نہیں لکھا۔   

حافظ موسی بن ہارون حمال l نے اسحاق بن بشر کو’’كذاب‘‘ کہا ہے[45]۔

حافظ عقیلی lنے ’’الضعفاء‘‘[46] میں اسحاق بن بشر کاہلی کو ’’منكر الحديث‘‘کہا ہے۔

حافظ ابن  عدیl ’’الکامل‘‘[47] میں فرماتے ہیں: ’’وهو في عداد من يضع الحديث‘‘. اس کا شمار حدیث گھڑنے والوں میں ہوتا ہے۔

امام دارقطنیlنے’’الضعفاء‘‘[48]میں اسحاق بن بشر کو ’’متروک‘‘ کہا ہے۔

حافظ خطیب بغدادی l’’تاريخ بغداد‘‘[49]میں اسحاق بن بشر کے بارے میں فرماتے ہیں: ’’يروي عن مالك بن أنس، وأبي معشر نجيح، وكامل أبي العلاء وغيرهم من الرفعاء أحاديث منكرة‘‘. کاہلی، مالک بن انس، ابی معشر نجیح اور کامل ابو العلاء اور ان کے علاوہ بڑے لوگوں کے انتساب  سے منکر احادیث نقل کرتا ہے۔

حافظ ابن عبد البر l نے ’’التمهيد‘‘[50] میں اسحاق بن بشر کاہلی کو ’’ضعيف، متروك الحديث‘‘ کہا ہے۔

حافظ ابن قیسرانی l نے ’’ذخيرة الحفاظ‘‘[51] میں ایک اور روایت کے تحت اسحاق بن بشر کو ’’ كذاب‘‘ کہا ہے۔

حافظ ابن جوزی l ’’الضعفاء‘‘[52] میں اسحاق بن بشر کے بارے میں فرماتے ہیں: ’’يروي عن مالك وغيره أحاديث منكرة‘‘. مالک l اور ان کے علاوہ کے انتساب سے منکر احادیث نقل کرتا ہے۔

حافظ ذہبی l ’’المغني‘‘[53]میں لکھتے ہیں: ’’ كوفي، متروك، متهم، روى عن أبي معشر ونحوه نزكوه‘‘. کوفی متروک، متہم ہے، ابو معشر اور دیگر حضرات سے روایت کرتا ہے، محدثین نے اس پر تنقید کی ہے۔

حافظ ذہبی l نے ’’سير أعلام النبلاء‘‘[54] میں ابو حذیفہ کے ترجمہ میں اسحاق بن بشر کو ’’أحد الهلكى‘‘ اور ’’ديوان‘‘[55] میں ’’كذاب‘‘ کہا ہے۔

حافظ ابن حجر عسقلانی l نے ایک روایت کے تحت ’’الإصابة‘‘[56] اور ’’الغرائب الملتقطة‘‘[57]  میں اسحاق بن بشر کو ’’متروك‘‘ کہا ہے۔

علامہ سبط  ابن العجمی l نے’’الكشف الحثيث‘‘[58] میں، اور علامہ ابن عراق l نے  ’’تنزيه الشريعة‘‘[59] میں اسحاق بن بشر کو وضاعین کی فہرست میں شمار کیا ہے۔