ابو محمد عبد اللہ بن ابراہیم بن ابی عمرو غفاری مدنی

امام ابوداؤد l نے ’’سنن‘‘[3] میں ایک روایت کے تحت عبد اللہ بن ابراہیم غفاری کو ’’شيخ، منكر الحديث‘‘ کہا ہے۔

امام بیہقی l نے ’’السنن الكبرى‘‘[4] میں امام ابو داؤد l کے قول پر اعتماد کیا ہے۔

حافظ ابو یحیی زکریا بن یحیی ساجی l نے اسے ’’منكر الحديث‘‘[5] کہا ہے۔

حافظ دار قطنی l فرماتے ہیں:’’حديثه منكر‘‘[6]. اس کی حدیث منکر ہے۔

حافظ ابو سعید نقاش l فرماتے ہیں:’’يروي أحاديث موضوعة، وقال: لا يرويها عنهم غيره‘‘[7]. من گھڑت حدیثیں نقل کرتا ہے، اور وہ مزید فرماتے ہیں:ان سے اس کے علاوہ ان موضوعات کو کوئی دوسرا نقل نہیں کرتا۔

حافظ عقیلی l ’’الضعفاء الكبير‘‘[8] میں فرماتے ہیں: ’’ كان يغلب على حديثه الوهم‘‘. اس کی حدیثوں میں وہم کا غلبہ تھا[9]۔

حافظ ابن حبان l ’’المجروحين‘‘[10] میں فرماتے ہیں: ’’ كان ممن يأتي عن الثقات المقلوبات، وعن الضعفاء الملزقات‘‘. یہ ان لوگوں میں سے ہے جو ثقہ راویوں کے انتساب سے مقلوبات لاتے ہیں، اور ضعفاء کے انتساب سے ملزق روایات نقل کرتے ہیں۔

اس کے بعد حافظ ابن حبان l نے ایک حدیث تخریج کی، پھر فرماتے ہیں: ’’وهذا خبر باطل، فلست أدري البلية فيه منه، أو من عبد الرحمن بن زيد بن أسلم، على أن عبد الرحمن ليس هذا من حديثه بمشهور، فكأن القلب إلى أنه من عمل عبد الله بن أبي عمرو أميل‘‘. یہ خبر باطل ہے، معلوم نہیں کہ اس میں ’’بلاء‘‘ عبد اللہ بن ابراہیم غفاری کی جانب سے ہے، یا عبد الرحمن بن زید بن اسلم کی جانب سے، اس کے ساتھ ساتھ یہ کہ اس کا عبد الرحمن کی حدیث میں سے ہونا مشہور نہیں ہے، سو گویا کہ دل اس بات کی جانب زیادہ مائل ہے کہ یہ عبد اللہ بن ابی عمرو کا کام ہے۔

حافظ ابن عدی l ’’الكامل‘‘[11] میں عبد اللہ بن ابراہیم غفاری کے ترجمہ میں چند احادیث تخریج کرنے کے بعد فرماتے ہیں:’’ولعبد الله بن إبراهيم غير ما ذكرنا من الحديث عمن يرويه عنه، وعامة ما يرويه لا يتابعه الثقات عليه‘‘. اور عبد اللہ بن ابراہیم کی اپنے مروی عنہم سے مذکورہ احادیث کے علاوہ احادیث بھی ہیں، اور اکثر جو یہ روایت کرتا ہے اس پر ثقات اس کی متابعت نہیں کرتے۔

حافظ ابن عدی l ہی ’’الكامل‘‘[12] میں ایک دوسرے مقام پر ہارون بن ہارون ہدیر کے ترجمہ میں ایک حدیث کے تحت فرماتے ہیں: ’’وهذا لعل البلاء فيه من عبد الله بن إبراهيم الغفاري، لا من هارون بن هارون‘‘.  اور ممکن ہے کہ اس میں ’’بلاء‘‘عبد اللہ بن ابراہیم غفاری کی جانب سے ہو، نہ کہ ہارون بن ہارون کی جانب سے۔

امام ابو عبد اللہ حاکم l  فرماتے ہیں: ’’عبد الله يروي عن جماعة من الضعفاء أحاديث موضوعة‘‘[13]. عبد اللہ بن ابراہیم ضعفاء کی ایک جماعت سے من گھڑت احادیث نقل کرتا ہے۔

حافظ ابو نعیم l ’’المسند المستخرج‘‘[14] میں فرماتے ہیں: ’’يروي أحاديث منكرة، روى عنه مسلمة بن قعنب وغيره، لا شيء‘‘. یہ منکر احادیث روایت کرتا ہے، اس سے مسلمہ بن قعنب وغیرہ نے روایت کیا ہے، یہ ’’لا شیء‘‘ ہے۔

حافظ شمس الدین ابن عبد الہادی حنبلی l ’’الصارم المنكي‘‘[15] میں عبد اللہ بن ابراہیم غفاری کے بارے میں فرماتے ہیں: ’’وهو شيخ، ضعيف الحديث جدا، منكر الحديث، وقد نسبه بعض الأئمة إلى الكذب، ووضع الحديث، نعوذ بالله من الخذلان‘‘. اور یہ شیخ ہے، ضعیف الحدیث جداً ہے، منکر الحدیث ہے، اور بعض ائمہ نے اسے جھوٹ بولنے اور حدیث گھڑنے کی طرف منسوب کیا ہے، ہم ذلت سے اللہ تعالی کی پناہ میں آتے ہیں۔

حافظ ذہبی l ’’المغني‘‘[16] میں فرماتے ہیں:’’شيخ ابن عرفة، متهم بالوضع‘‘. یہ ابن عرفہ کا شیخ ہے، یہ متہم بالوضع ہے۔

حافظ ذہبی l ہی نے عبد اللہ بن ابراہیم کو ’’الكاشف‘‘[17] میں ’’متهم‘‘ اور ’’المهذب‘‘[18] میں ’’ليس بثقة‘‘ کہا ہے۔

حافظ ہیثمی l نے ’’مجمع الزوائد‘‘[19]میں ایک روایت کے تحت عبد اللہ بن ابراہیم غفاری کو ’’منكر الحديث‘‘ کہا ہے۔

حافظ ابن حجر عسقلانی l نے ’’الأمالي المطلقة‘‘[20] میں عبد اللہ بن ابراہیم غفاری کو ’’ضعيف جدا‘‘ کہا ہے۔

حافظ ابن حجر عسقلانی l ’’تقريب التهذيب‘‘[21] میں فرماتے ہیں: ’’متروك، ونسبه ابن حبان إلى الوضع‘‘. یہ متروک ہے، ابن حبان l نے حدیث گھڑنے کی طرف اس کی نسبت کی ہے۔

علامہ سبط ابن عجمی l نے ’’الكشف الحثيث‘‘[22] میں عبد اللہ بن ابراہیم غفاری کو ذکر کرکے حافظ ابن حبان l اور امام ابو عبد اللہ حاکم l کے کلام پر اعتماد کیا ہے۔

علامہ ابن عراق l نے ’’تنزيه الشريعة‘‘[23] میں عبد اللہ بن ابراہیم غفاری کو وضاعین ومتہمین کی فہرست میں شمار کرکے حافظ ابن حبان l کے کلام کو نقل کرنے پر اکتفاء کیا ہے۔

امام ابوداؤد l نے عبد اللہ بن ابراہیم غفاری کو ’’شيخ منكر الحديث‘‘[6] کہا ہے۔

حافظ ساجی l نے اسے ’’منكر الحديث‘‘[7] کہا ہے۔

حافظ دار قطنی l فرماتے ہیں:’’حديثه منكر‘‘[8]. اس کی حدیث منکر ہے۔

حافظ ابو سعید نقاش l فرماتے ہیں:’’يروي أحاديث موضوعة، وقال: لا يرويها عنهم غيره‘‘[9]. من گھڑت حدیثیں نقل کرتا ہے، اور وہ مزید فرماتے ہیں:اس سے اس کے علاوہ ان موضوعات کو کوئی دوسرا نقل نہیں کرتا۔

حافظ ابن حبان l ’’المجروحين‘‘[10] میں فرماتے ہیں:’’ كان ممن يأتي عن الثقات المقلوبات وعن الضعفاء الملزقات‘‘. یہ ان لوگوں میں سے ہے جو ثقہ راویوں کے انتساب سے مقلوبات لاتے ہیں، اور ضعفاء کے انتساب سے ملزق روایات نقل کرتے ہیں۔

حافظ ابن عدی l ’’الكامل‘‘[11] میں فرماتے ہیں:’’ولعبد الله بن إبراهيم غير ما ذكرنا من الحديث عمن يرويه عنه، وعامة ما يرويه لا يتابعه الثقات عليه‘‘. اور عبد اللہ بن ابراہیم کی اپنے مروی عنہم سے مذکورہ احادیث کے علاوہ احادیث بھی ہیں، اور اکثر جو یہ روایت کرتا ہے اس پر ثقات اس کی متابعت نہیں کرتے۔

حافظ عقیلی l ’’الضعفاء الكبير‘‘[12]میں فرماتے ہیں:’’ كان يغلب على حديثه الوهم‘‘. اس کی حدیثوں میں وہم کا غلبہ تھا۔

امام ابو عبد اللہ حاکم l  فرماتے ہیں:’’عبد الله يروي عن جماعة من الضعفاء أحاديث موضوعة‘‘[13]. عبد اللہ بن ابراہیم ضعفاء کی ایک جماعت سے من گھڑت احادیث کو نقل کرتا ہے۔

حافظ ذہبی l ’’المغني‘‘[14] میں فرماتے ہیں:’’شيخ ابن عرفة، متهم بالوضع‘‘. یہ ابن عرفہ کا شیخ ہے، یہ متہم بالوضع ہے۔

حافظ ذہبی l ہی نے ’’الكاشف‘‘[15] میں عبد اللہ بن ابراہیم کو ’’متہم‘‘ کہا ہے۔

حافظ ابن حجر عسقلانی l ’’تقريب التهذيب‘‘[16] میں فرماتے ہیں: ’’متروك، ونسبه ابن حبان إلى الوضع‘‘. یہ متروک ہے، ابن حبان l نے حدیث گھڑنے کی طرف اس کی نسبت کی ہے۔

علامہ ابن عراق l نے ’’تنزيه الشريعة‘‘[17] میں عبد اللہ بن ابراہیم غفاری کو وضاعین ومتہمین کی فہرست میں شمار کرکے حافظ ابن حبان ؒ کے کلام کو نقل کرنے پر اکتفاء کیا ہے۔