ابو علی عبد الرحمن بن ابراہیم راسِبِی

حافظ ابو نعیم l نے عبدالرحمن بن ابراہیم راسبی کو ’’فيه ضعف ولين‘‘ کہا ہے[14]۔

حافظ خطیب بغدادیl نے ’’تاريخ بغداد‘‘ [15] میں عبدالرحمن بن ابراہیم راسبی عن مالک بن انس کی سند سے منقول حکایت ’’وصی عیسی بن مریم‘‘  کو منکر حدیث قرار دیا ہے۔

امام دار قطنیl سابقہ حکایت وصی عیسی بن مریم کے بارے میں فرماتے ہیں: ’’ لا يثبت عن مالك ولا نافع‘‘[16]. یہ مالک ونافع سے ثابت نہیں ہے۔

حافظ ذہبیl ’’میزان الاعتدال‘‘[17] میں لکھتے ہیں : ’’عبد الرحمن بن إبراهيم الراسبي، عن مالك، أتى بخبر باطل طويل، وهو المتهم به، وأتى عن فرات بن السائب، عن ميمون بن مهران، عن ضبة بن محصن، عن أبي موسى بقصة الغار، وهو يشبه وضع الطرقية‘‘.

عبد الرحمٰن بن ابراہیم راسبی مالک l کے انتساب سے ایک طویل باطل خبر لایا ہے، اور یہ اسی کے ساتھ متہم ہے، اور یہ عن فرات بن سائب، عن میمون بن مہران، عن ضبہ بن مِحْصَن، عن ابی موسی اشعری r کے انتساب سے غار ثور کے قصہ کو لایا ہے، اوریہ روایت قصہ گو صوفیوں کی گھڑی ہوئی چیز کے مشابہ ہے۔

علامہ سبط ابن العجمی l نے ’’الکشف الحثیث‘‘[18] میں اور علامہ ابن عراق l نے ’’تنزيه الشريعة‘‘[19] میں حافظ ذہبی l کےکلام پر اکتفاء کیا ہے۔

نیز حافظ ذہبی l ’’المغني في الضعفاء‘‘[20] میں فرماتے ہیں: ’’عن مالك،حديثه موضوع‘‘. مالک سے روایت کرتا ہے، اس کی حدیث من گھڑت ہے۔

حافظ ابن حجر عسقلانی l نے ’’الإصابة في تمييز ا لصحابة ‘‘[21] میں عبدالرحمٰن بن ابراہیم راسبی کو ’’أحد الضعفاء‘‘ لکھا ہے۔

علامہ ابن عراق l نے ’’تنزيه الشريعة‘‘[22] میں عبدالرحمن بن ابراہیم راسبی کو وضاعین کی فہرست میں شمار کیا ہے۔