ابو سلیمان فرات بن سائب جزری

امام بخاریl ’’التاريخ الكبير‘‘[23] میں لکھتے ہیں: ’’تركوه، منكر الحديث‘‘. محدثین نے اسے ترک کر دیا تھا،یہ منکر الحدیث ہے۔

حافظ ابو نعیم l نے ’’الضعفاء‘‘[24] میں اور حافظ ذہبی l نے ’’المغني‘‘ [25] میں امام بخاری l کے کلام کو نقل کر نے پر اکتفاء کیا ہے۔

حافظ ابو حاتم l نے فرات بن سائب کو ’’ضعيف الحديث، منكر الحديث‘‘ کہا ہے۔[26]

نیز ابو زرعہ l نے بھی فرات کو ’’ضعيف الحديث‘‘ کہا ہے۔[27]

حافظ یعقوب بن سفیان فسوی l نے ’’المعرفة‘‘[28] میں فرات بن سائب کو ’’متروك مهجور‘‘ قرار دیا ہے۔

حافظ ابن حبانl ’’المجروحین‘‘ [29] میں لکھتے ہیں : ’’ كان ممن يروي الموضوعات عن الأثبات، ويأتي بالمعضلات عن الثقات، لا يجوز الاحتجاج به، ولا الرواية عنه، ولا كتابة حديثه إلا على سبيل الاختبار‘‘.یہ ان لوگوں میں سے ہے جو ثقہ لوگو ں کے انتساب سے من گھڑت روایات نقل کرتے ہیں، اور ثقہ لوگوں کے انتساب سے معضل روایات لاتے ہیں، اس سے نہ تو احتجاج جائز ہے اور نہ ہی اس سے روایت لینا، اس کی حدیث کی کتابت کرناجائز نہیں ہے تا ہم اختبار کے طور پر ایسا کرسکتے ہیں۔

حافظ یحیی بن معین l نے فرات بن سائب کو ’’  ليس حديثه بشيء‘‘[30] کہا ہے۔

امام احمد بن حنبل l فرماتے ہیں : ’’الفرات بن السائب قريب من محمد بن زياد الطحان في ميمون، يتهم بما يتهم ذاك‘‘[31].فرات بن سائب میمون سے نقل کرنے میں محمد بن زیاد طحان کے قریب قریب ہے، یہ فرات ان چیزوں میں متہم ہے جن چیزوں میں محمد بن زیاد متہم ہے۔

علامہ سبط ابن العجمی l ’’الكشف الخثيث‘‘ [32] میں امام احمد بن حنبل l کے قول کو نقل کرنے کے بعد لکھتے ہیں : ’’فمراد أحمد والله أعلم بقوله: يتهم بما يتهم به ذاك، أي: بالوضع‘‘.احمد l کی مراد یہ ہے کہ یہ فرات محمد بن زیاد کی طرح حدیث گھڑنے میں متہم ہے۔

اما م نسائی l نے فرات کو ’’متروك الحديث‘‘ کہا ہے۔[33]

حافظ ابن عدی l ’’الكامل‘‘ [34] میں لکھتے ہیں: ’’ولفرات بن السائب غير ما ذكرت من الحديث، خاصة أحاديثه عن ميمون بن مهران مناكير‘‘.فرات بن سائب کی اس کے علاوہ بھی احادیث ہیں، خصوصاً ان کی میمون بن مہران سے منقول احادیث منکر ہیں۔

حافظ دار قطنی l نے فرات کو ’’متروك الحديث‘‘ کہا ہے۔[35]

حافظ ابو احمد حاکم l نے فرات کو ’’ذاهب الحديث‘‘ کہا ہے۔[36]

امام حاکم l فرماتے ہیں: ’’حدث عن ميمون بن مهران أحاديث موضوعة‘‘[37].فرات بن سائب نے میمون بن مہران کے انتساب سے من گھڑت احادیث بیان کی ہیں۔

حافظ ابن حجر l نے فرات کو ’’واه‘‘ کہا ہے۔[38]