ابو عبد اللہ ناصح بن عبد اللہ کوفی مُحَلِّمی حائک

حافظ ابو عبد اللہ حسن بن صالح ہمدانی l ، ناصح بن عبد اللہ کے بارے میں فرماتے ہیں: ’’نعم الرجل‘‘[35]. یہ کتنا اچھا شخص ہے[36]۔

حافظ یحیی بن معین l نے ناصح کوفی کو ’’ليس بثقة‘‘ کہا ہے[37]۔

حافظ عبد اللہ بن احمد بن حنبل l’’مسند‘‘[38]  میں زیر بحث روایت تخریج کرنے کے بعد فرماتے ہیں: ’’وهذا الحديث لم يخرجه أبي في مسنده من أجل ناصح، لأنه ضعيف في الحديث، وأملاه علي في النوادر‘‘. اور میرے والد نے ناصح کی وجہ سے یہ حدیث اپنی ’’مسند‘‘میں تخریج نہیں کی ہے، کیونکہ وہ حدیث ضعیف ہے، اور میرے والد نے ’’نوادر‘‘میں یہ حدیث مجھے املاء کروائی ہے۔

حافظ عمرو بن علی فلاس l فرماتے ہیں: ’’روى عن سماك أحاديث منكرة، متروك الحديث‘‘[39]. اس نے سماک بن حرب سے منکر احادیث روایت کی ہیں، یہ متروک الحدیث ہے۔

امام بخاریl نے ’’التاريخ الكبير‘‘[40] ، ’’التاريخ الصغير‘‘[41] اور ’’الضعفاء‘‘[42] میں ناصح بن عبد اللہ کو ’’منكر الحديث‘‘ کہا ہے۔

حافظ برذعی l ایک روایت کے تحت فرماتے ہیں: ’’قال أبو زرعة: هذا من ناصح، يعني: من ناصح بن عبد الله المحاربي راوي هذا عن سماك، وليته عنده في وزن الكذابين‘‘[43]. ابو زرعہ l نے کہا: یہ ناصح سے ہے، یعنی ناصح بن عبد اللہ محاربی اس کا راوی ہے، جو سماک سے اسے روایت کر رہا ہے، کاش کہ ناصح، ابو زرعہ l کے نزدیک کذابین کے مرتبہ میں ہوتا۔

امام ابو داؤد l نے ناصح بن عبد اللہ کو ’’ليس بشيء‘‘ کہا ہے[44]۔

حافظ ابو حاتم l نے زیر بحث روایت کے تحت ناصح کو ’’ضعيف الحديث‘‘ کہا ہے[45]۔

حافظ ابو حاتم l فرماتے ہیں:’’ضعيف الحديث، منكر الحديث، عنده عن سماك [بن حرب]، عن جابر بن سمرة مسندات في الفضائل، كلها منكرات، كأنه لايعرف سماك غير جابر، وهو في الضعف مثل سعيد بن سماك بن حرب‘‘[46]. یہ ضعیف الحدیث، منکر الحدیث ہے، اس کے پاس سماک بن حرب، عن جابر بن سمرہ r کے طریق سے فضائل میں مسند احادیث ہیں، یہ تمام منکر ہیں، گویا کہ سماک، جابر r کے علاوہ کسی کی معرفت نہیں رکھتے، اور یہ ضعف میں سعید بن سماک بن حرب کے مثل ہے۔

نیز مذکورہ سعید بن سماک بن حرب کو حافظ ابو حاتم l نے ’’متروک الحدیث‘‘ کہا ہے[47]۔

امام نسائی l نے ’’الضعفاء‘‘[48] میں ناصح بن عبد اللہ کو ’’ضعيف‘‘ کہا ہے۔

امام نسائی l نے ایک دوسرے مقام پر ناصح بن عبد اللہ کو ’’ليس بثقة‘‘ کہا ہے[49]۔

حافظ ابن حبان l ’’المجروحین‘‘[50] میں ناصح بن عبد اللہ کے ترجمہ میں فرماتے ہیں: ’’وكان شيخا صالحا، يروي عن الثقات ما ليس بشبه حديث الأثبات، وينفرد بالمناكير عن ثقات مشاهير، غلب عليه الصلاح، فكان يأتي بالشيء على التوهم، فلما فحش ذلك منه استحق ترك حديثه‘‘. اور یہ شیخ صالح تھا، جو ثقات سے ایسی احادیث روایت کرتا تھا جو اثبات کی حدیث کے مشابہ نہیں ہوتیں، اور مشاہیر ثقات سے مناکیر روایت کرنے میں متفرد ہوتا تھا، اس پر صلاح کا غلبہ تھا، سو وہم کے ساتھ یہ چیز لے آتا تھا، چنانچہ جب اس سے یہ کثرت سے صادر ہوا تو اس کی حدیث ترک کی مستحق ہوگئی۔

اس کے بعد حافظ ابن حبان l نے زیر بحث روایت تخریج کی ہے۔

حافظ ابن عدی l ’’الكامل‘‘[51] میں ناصح بن عبد اللہ کے ترجمہ میں زیر بحث روایت کو ’’غیر محفوظ‘‘قرار دے کر آخر میں فرماتے ہیں: ’’ولناصح غير ما ذكرت من الحديث، وهو في جملة متشيعي أهل الكوفة، وهو ممن يكتب حديثه‘‘. اور ناصح کی میری ذکر کردہ احادیث کے علاوہ بھی روایات ہیں، اور یہ اہل کوفہ کے جملہ متشیعین میں سے ہے، اور یہ ان لوگوں میں سے ہے جن کی احادیث کو لکھا جاتا ہے۔

امام دارقطنی l نے ناصح بن عبد اللہ کو ’’الضعفاء‘‘[52] میں ذکر کیا ہے۔

امام ابو عبد اللہ حاکم نیشاپوری l ’’المستدرك‘‘[53] میں ایک روایت کے تحت فرماتے ہیں:’’ناصح بن العلاء بصري ثقة،إنما المطعون فيه ناصح أبو عبد الله المُحَلِّمِي الكوفي، فإنه روى عنه سماك بن حرب المناكير‘‘. ناصح بن علاء بصری ثقہ ہے، اور طعن صرف ناصح ابو عبد اللہ مُحَلِّمِی کوفی پر ہوا ہے، کیونکہ اس نے سماک بن حرب سے مناکیر روایت کی ہیں۔

حافظ ابن قیسرانی l نے ’’ذخيرة الحفاظ‘‘[54] میں ایک روایت کے تحت ناصح کو ’’متروك الحديث‘‘ کہا ہے۔

حافظ منذریl نے ’’الترغيب‘‘[55] میں زیر بحث روایت کے تحت ناصح کو ’’واه‘‘ کہا ہے۔

حافظ ذہبیl ’’الكاشف‘‘[56] میں فرماتے ہیں: ’’ضعفوه‘‘. محدثین نے اسے ضعیف کہا ہے۔

حافظ ذہبی l نے ’’تلخيص المستدرك‘‘[57] میں زیر بحث روایت کے تحت ناصح کو ’’هالك‘‘ کہا ہے۔

حافظ ذہبی l نے ’’تلخيص الموضوعات‘‘[58] میں ایک حدیث کے تحت ناصح کو ’’شيعي، متروك‘‘ کہا ہے۔

حافظ ہیثمی l نے ’’مجمع الزوائد‘‘[59] میں ایک حدیث کے تحت ناصح بن عبد اللہ کو ’’متروك‘‘ کہا ہے۔

حافظ ابن حجرl نے ’’تقريب التهذيب‘‘[60] میں ناصح کو ’’ضعيف‘‘ کہا ہے۔

حافظ ابن حجر عسقلانیl ہی نے ’’فتح الباري‘‘[61]  میں ایک حدیث کے تحت ناصح کو ’’ضعيف جدا‘‘ کہا ہے۔