ابو عبدالرحمن عمار بن سیف ضبی کوفی

حافظ محمد بن عبد العزیز بن ابی رِزْمہ یَشْکُریl فرماتے ہیں: ’’أخبرني أبي، عن عبد الله بن المبارك، عن عمار بن سيف، وأثنى عليه خيرا‘‘[11]. مجھے میرے والد (عبد العزیز) نے بتایاکہ عبداللہ بن مبارکl نے عمار بن سیف کا بھلائی سے تذکرہ کیا۔

حافظ ابن سعدl ’’الطبقات‘‘[12] میں عمار بن سیف کے بارے میں فرماتے ہیں: ’’وإليه أوصى سفيان الثوري رحمه الله، ووضع كتبه عنده، وقال له: ادفنها إذا مت‘‘. عمار بن سیف کو سفیان ثوری l نے وصیت کی تھی، اور اپنی کتابیں ان کے حوالے کرکے کہا تھا کہ جب میرا انتقال ہوجائے تو ان کو دفن کردینا۔

حافظ عباس دوریl فرماتے ہیں: ’’سمعت يحيى يقول: عمار بن سيف ثقة، أو نحو هذا من الكلام‘‘[13]. میں نے یحیی بن معین l سے سنا ہے، وہ فرماتے ہیں: عمار بن سیف ثقہ ہے، یا اس جیسا کوئی کلام  ارشاد فرمایا۔

حافظ یحیی بن معینl ایک مقام پر فرماتے ہیں: ’’عمار كان رجلا مغفلا ‘‘[14]. عمار مغفل شخص تھا۔

حافظ یحیی بن معینl نے ایک دوسرے مقام پر عمار بن سیف کے بارے میں کہا ہے :   ’’ليس حديثه بشيء‘‘[15]. اس کی حدیث لیس بشیء ہے۔

امام بخاریl ’’التاريخ الصغير‘‘[16] میں عمار بن سیف کے بارے میں فرماتے ہیں: ’’لا يتابع عليه، منكر، ذاهب‘‘. ان کی متابعت نہیں کی جاتی، یہ منکر، ذاہب ہے۔

حافظ عجلیl ’’الثقات‘‘[17] میں عمار بن سیف کے بارے میں فرماتے ہیں: ’’ثقة ثبت متعبد، وكان صاحب سنة، وكان يقال: إنه لم يكن بالكوفة أحد أفضل منه‘‘. یہ ثقہ، ثبت، عبادت گزار تھا،صاحب سنت تھا، اور کہا جاتا ہے کہ کوفہ میں ان سے زیادہ فضیلت والا کوئی نہیں ہے۔

حافظ ابو غسان نہدیl ، عمار بن سیف کے بارے میں فرماتے ہیں: ’’وكان من خيار الناس‘‘[18]. عمار بن سیف لوگوں میں سب سے بہتر تھا۔

امام ابو  داؤدl فرماتے ہیں: ’’كان عمار بن سيف مغفلا‘‘[19]. عمار بن سیف مغفل تھا۔

حافظ ابو زرعہl ، عمار بن محمد ابن اخت سفیان ثوری کا تذکرہ کرتے ہوئے فرماتے ہیں: ’’ليس بقوي، وهو أحسن حالا من عمار بن سيف‘‘[20]. یہ ’’لیس بالقوی‘‘ہے، اور یہ عمار بن سیف سے بہتر حالت میں ہے۔

حافظ ابو زرعہl نے ایک مقام پر عمار بن سیف کو ’’ضعیف‘‘ کہا ہے[21]۔

حافظ ابو حاتم l، عمار بن سیف کے بارے میں فرماتے ہیں:  ’’كان شيخا صالحا، وكان ضعيف الحديث، منكر الحديث‘‘[22]. یہ شیخ صالح ہے، اور ضعیف الحدیث، منکرالحدیث ہے۔

امام ابو بکر بزار l نے اپنی ’’مسند‘‘[23] میں عمار بن سیف کو ایک روایت کے تحت ’’صالح‘‘ کہا ہے۔

امام ابو بکر بزار l نے عمار بن سیف کو ایک مقام پر ’’ضعيف‘‘کہا ہے[24]۔

حافظ ابن حبانl ’’المجروحین‘‘[25]میں عمار بن سیف کے بارے  میں فر ماتے ہیں: ’’كان ممن يروي المناكير عن المشاهير، حتى ربما سبق إلى القلب أنه كان المتعمد لها، فبطل الاحتجاج به، لما أتى من المعضلات عن الثقات، روى عن إسماعيل بن أبي خالد، عن ابن أبي أوفى، عن النبي عليه الصلاة والسلام أحاديث بواطل، لا أصول لها، يطول الكتاب بذكرها‘‘. یہ ان لوگوں میں سے ہے جو مشاہیر کے انتساب سے منکر احادیث روایت کرتے ہیں، حتی کے دل میں یہ بات سبقت کرگئی کہ یہ جان بوجھ کر منکر احادیث روایت کرتا ہے، اس سے احتجاج کرنا باطل ہے، کیونکہ یہ ثقات کے انتساب سے معضل احادیث نقل کرتا تھا، اس نے اسماعیل بن ابی خالد، عن ابن ابی اوفی، عن النبی علیہ الصلاة والسلام کے انتساب سے ایسی باطل احادیث نقل کی ہیں جن کی کوئی اصل نہیں ہے، ان کے ذکر کرنے سے کتاب لمبی ہوجائے گی۔

حافظ ابن عدیl نے ’’الكامل‘‘[26]میں عمار بن سیف کو ’’منکر الحدیث‘‘ کہا ہے۔

نیز حافظ ابن عدیl نے عمار بن سیف کی دو روایتیں تخریج کرنے کے بعد فرمایا ہے: ’’وعمار بن سيف له غير ما ذكرت، والضعف بين في حديثه‘‘. اور عمار بن سیف کی میری ذکر کردہ احادیث کے علاوہ احادیث بھی ہیں، اور اس کی حدیث میں ضعف ظاہر ہے۔

امام دارقطنیl نے عمار بن سیف کو ’’متروک‘‘کہا ہے[27]۔

حافظ ابو عبد اللہ حاکمl ’’المدخل‘‘[28] میں عمار بن سیف کے بارے میں فرماتے ہیں: ’’روى عن إسماعيل بن أبي خالد والثوري المناكير‘‘. اس نے اسماعیل بن ابی خالد اور ثوری کے انتساب سے مناکیر روایت کی ہیں۔

حافظ ابو نعیم اصبہانیl ’’المسند المستخرج‘‘[29] میں عمار بن سیف کے بارےمیں فرماتے ہیں: ’’روى عن إسماعيل بن أبي خالد والثوري المناكير، لا شيء‘‘. اس نے  اسماعیل بن ابی خالد اور ثوری کے انتساب سے مناکیر نقل کی ہیں، اوریہ لاشیء ہے۔

حافظ ذہبی l نے ’’تلخيص الموضوعات‘‘[30]میں عمار بن سیف کو ’’واه‘‘ کہا ہے۔

حافظ ابن کثیرl نے ’’البداية‘‘[31] میں ایک حدیث کے تحت عمار بن سیف کو ’’متهم‘‘ کہا ہے۔

 حافظ ابن حجر عسقلانیl نے ’’التقريب‘‘[32]میں عمار بن سیف کو ’’ضعيف الحديث‘‘اور’’اتحاف المهرة‘‘[33] میں’’ضعیف جدا‘‘ کہا ہے۔